എ സിയോ കൂളറോ വേണ്ട; വീട്ടില്‍ നിന്നും ചൂടിനെ അകറ്റാം

വേനല്‍ക്കാലം മുഴുവന്‍ വീട്ടിനുള്ളില്‍ ചുട്ടുപൊളളി കഴിഞ്ഞു കൂടേണ്ടി വരുന്ന അവസ്ഥയാണ് പലര്‍ക്കും . എസിയോ കൂളറോ വെക്കാമെന്ന് വച്ചാല്‍ സാമ്പത്തിക നില പരുങ്ങലിലാവും. എന്നാല്‍ പണച്ചിലവില്ലാതെ വീട്ടില്‍ നിന്ന് ചൂടിനെ അകറ്റാന്‍ ചില മാര്‍ഗ്ഗങ്ങളുണ്ട്. അതേതൊക്കെയാണെന്ന് നോക്കാം....

ജനാലകള്‍ തുറന്നിടുക

രാവിലെയും വൈകുന്നേരവും നിശ്ചിത സമയത്ത് വീട്ടിലെ ജനാലകള്‍ തുറന്നിടുന്നതിലൂടെ ചൂടിനെ ഒരു പരിധിവരെ ഒഴിവാക്കാനാവും. പുലര്‍ച്ചെ 5 മുതല്‍ 8 വരെയും വൈകുന്നേരം 7 മുതല്‍ 10 വരെയും വീടിന്റെ ജനാലകള്‍ തുറന്നിടുക. ഈ സമയത്ത് ഹാനികരമായ വായു പുറത്തേക്ക് പ്രവഹിക്കുകയും ശുദ്ധവായും ഉള്ളില്‍ കടക്കുകയും ചെയ്യും

ജനാലയില്‍ ചെടികള്‍ നടാം

ജനാലയ്ക്കരികില്‍ ചെടിനടുന്നത് ഉഷ്ണം കുറയ്ക്കാനും വരണ്ട കാറ്റ് അകത്ത് കടക്കാതിരിക്കാനും സഹായിക്കും.

ഫാനുകള്‍ ഒാണ്‍ചെയ്ടുക

പാചകത്തിനു ശേഷം അടുക്കളയിലെ എക്സ്ഹോസ്റ്റ് ഫാന്‍ ഒാണ്‍ ചെയ്തിടുക. അല്ലാത്ത പക്ഷം ചൂട് ഉള്ളില്‍ തങ്ങി നില്‍ക്കും

ചുവരുകള്‍ക്ക് ഇളം നിറം നല്‍കുക

വീട്ടിലെ ചുവരുകള്‍ക്ക് ഇളം നിറം നല്‍കാന്‍ ശ്രദ്ധിക്കുക. ഇത് ഉള്ളില്‍‍ ചൂട് നിറക്കുന്നത് തടയും

മുളകൊണ്ടുള്ള കര്‍ട്ടനുകള്‍

വീട്ടില്‍ കര്‍ട്ടനുകള്‍ ഇടുമ്പോള്‍ മുളകൊണ്ടുള്ള കര്‍ട്ടനുകള്‍ ഉപയോഗിക്കൂ. ചൂട് ഉള്ളിലേക്ക് കടക്കുന്നത് ഒരു പരിധിവരെ തടയാന്‍ ഇതിനാവും.

സീലിങ് ഫാനുകള്‍‍ അഡ്ജസ്റ്റ് ചെയ്യുക

സീലിങ് ഫാനുകള്‍ കാലാവസ്ഥക്കനുസരിച്ച് അഡ്ജസ്റ്റ് ചെയ്യണമെന്ന കാര്യം മിക്കവാറും പേര്‍ക്കും അറിയില്ല. ചൂടു കാലത്ത് സീലിങ് ഫാനുകള്‍ ആന്‍റി ക്ലോക്ക് വൈസില്‍ സെറ്റ് ചെയ്തു വച്ചാല്‍ മുറിയിലെ കാറ്റിന് തണുപ്പേറി കൂളറിന്‍റെ ഇഫക്ടു നല്‍കും.

ലൈറ്റുകള്‍ ഒാഫാക്കുക

മുഴുവന്‍ സമയും വീട്ടിലെ ലൈറ്റുകള്‍ ഒാണാക്കി ഇടാതെ ആവശ്യമെങ്കില്‍ മാത്രം കത്തിക്കുക. ഇലക്ട്രിസിറ്റി കാരണം മുറികളില്‍‍ അധിക ചൂട് അനുഭവപ്പെടും.