കുറച്ച് ബേക്കിംഗ് സോഡ ഉപയോഗിച്ച് വീട്ടിലെ സോഫയെ നല്ല പുതിയത് പോലെയാക്കാം

വീട് വ്യത്തിയായി സൂക്ഷിക്കുക എന്നത് അത്ര എളുപ്പമുള്ള കാര്യമല്ല. പുറത്ത് നിന്നാണ് ഇതിൽ ഭൂരിഭാഗം പൊടിയും എത്തുന്നത്. എത്ര വ്യത്തിയായി സൂക്ഷിച്ചാലും ചില സമയങ്ങളിൽ പൊടി പിടിക്കുന്നത് സ്വാഭാവികമാണ്. ആഴ്ചയിൽ ഒരിക്കല്ലെങ്കിലും തുടച്ച് വ്യത്തിയാക്കി ഇട്ടില്ലെങ്കിൽ പലപ്പോഴും ഇരട്ടി പണിയാകാറുണ്ട്. പുറത്ത് നിന്ന് അകത്തേക്ക് ആളുകൾ നടന്ന് വരുമ്പോഴും അതുപോലെ കാറ്റ് അടിച്ചുമൊക്കെ പൊടി ഉണ്ടാകാറുണ്ട്. മുറിയിലെ എല്ലാ സാധനങ്ങളിലും സ്ഥലങ്ങളിലും ഈ പൊടി പടർന്ന് പിടിക്കാറുണ്ട്.

ടിവി സ്റ്റാൻഡ്, ടിവി, സോഫ, മേശ, കസേര തുടങ്ങി സകല മാന സാധനങ്ങളും പൊടിയുടെ അംശം കാണാം. കുട്ടികൾ ഉള്ള വീടുകളാണെങ്കിൽ ഈ പൊടി ശരിക്കും വില്ലനാണ്. അലർജി മുതൽ പല തരത്തിലുള്ള ശ്വാസകോശ അസുഖങ്ങൾക്ക് വരെ ഇത് കാരണമാകാറുണ്ട്. ഓരോ സാധനങ്ങളും ശരിയായ രീതിയിൽ വേണം വ്യത്തിയാക്കാൻ. സൂക്ഷമതയോടെ ക്ലീൻ ചെയ്തില്ലെങ്കിൽ ഇലക്ട്രോണിക് ഉപകരണങ്ങൾക്ക് കേടുപാടുകൾ സംഭവിക്കാൻ സാധ്യത കൂടുതലാണ്.

Also Read: Lemon Peel Spray: അടുക്കളയിലെ ദുർഗന്ധം മാറ്റാൻ കെമിക്കൽ ഫ്രീ നാരങ്ങ ക്ലീനിങ്ങ് സ്പ്രെ തയാറാക്കാം

ടിവി പോലുള്ള ഇലക്ട്രോണിക് ഉപകരണങ്ങൾ മൈക്രോ ഫൈബർ ക്ലീനിങ്ങ് തുണി ഉപയോഗിച്ച് വേണം ക്ലീൻ ചെയ്യാൻ. വയറുകളിലെയും കോഡുകളിലെയും പൊടി നീക്കം ചെയ്യാൻ വാക്വം ക്ലീനറാണ് എപ്പോഴും നല്ലത്. വീട്ടിൽ ഏറ്റവും കൂടുതൽ പൊടി അടിഞ്ഞ് കൂടുന്ന സ്ഥലമാണ് സോഫ. ഇത് വ്യത്തിയാക്കുന്നത് ഏറെ പ്രയാസമുള്ള കാര്യമാണ്. ഇതിനായി ഒരു പൊടികൈ പ്രയോഗം നടത്താവുന്നതാണ്.
ബേക്കിംഗ് സോഡ ഉപയോഗിച്ച് എളുപ്പത്തിൽ ചെയ്യാൻ കഴിയുന്ന ഒരു പൊടികൈയാണിത്.

ഒരു പാത്രത്തിൽ ബേക്കിംഗ് സോഡയും കുറച്ച് സോപ്പ് പൊടിയോ അല്ലെങ്കിൽ ദ്രാവ രൂപത്തിലുള്ള സോപ്പോ എടുക്കുക. ഇത് കുറച്ച് വെള്ളം കൂടി ചേർത്ത് നന്നായി യോജിപ്പിക്കുക. ഈ മിശ്രിതത്തിലേക്ക് ഒരു തുണി മുക്കി എടുക്കുക. എളുപ്പത്തിൽ വ്യത്തിയാക്കാൻ വീട്ടിലെ അടുക്കളയിലെ പാനിന്റെ അടപ്പ് എടുത്ത് അതിലേക്ക് ഈ തുണി പൊതിഞ്ഞ് കൈ കൊണ്ട് സോഫയിലൂടെ ഉരച്ച് എടുക്കുക.

അപ്പോൾ അതിലെ പൊടിയെല്ലാം നിഷ്പ്രയാസം പോയി കിട്ടും. കാർപ്പെറ്റിലും വളരെയധികം പൊടികൾ അടിഞ്ഞ് കൂടാറുണ്ട്. അന്തരീക്ഷത്തിലെ പൊടിപടലങ്ങളെയാണ് കാർപ്പെറ്റ് വലിച്ച് എടുക്കുന്നത്. ഓരോ തവണ കാർപ്പെറ്റിൽ കാൽ വയ്ക്കുമ്പോൾ പൊടി ഉയരുന്നത് കാണാൻ സാധിക്കും. കാർപ്പെറ്റ് വീടിന് പുറത്തിട്ട് നന്നായി കുടഞ്ഞാൽ പൊടി കളയാൻ കഴിയും.

English Summary: Cleaning hack

കൂടുതൽ പൊടികൈകൾ വായിക്കാൻ ഇവിടെ ക്ലിക്ക് ചെയ്യുക.
Also Watch: