ബേക്കിംഗ് സോഡ
അടുക്കളയില്‍ വളരെ സുലഭമായി ലഭിക്കുന്നതാണ ബേക്കിംഗ് സോഡ. ഇതിന്റെ അല്‍പ്പം മതി എത്ര മാറാത്ത കറയും മാറ്റാന്‍. പ്രത്യേകിച്ച് വെള്ള വസ്ത്രങ്ങളിലെ കറ മാറ്റാന്‍ ഇത് സഹായിക്കും. അഴുക്കും കറയും നീക്കം ചെയ്യാന്‍ സഹായിക്കുന്ന ഒരു ക്ഷാരമാണ് ബേക്കിംഗ് സോഡ. ബേക്കിംഗ് സോഡ പോലുള്ള ഒരു ക്ഷാരം വെള്ളത്തില്‍ ലയിക്കുമ്പോള്‍ കറകളിലുള്ള ആസിഡുകളുമായി ഇടപഴകുന്നതിലൂടെ പ്രവര്‍ത്തിക്കുന്നു.
വിനാഗിരി
ഇളം നിറമുള്ള വസ്ത്രങ്ങളില്‍ പൊതുവെ കറ പിടിച്ചാല്‍ പെട്ടെന്ന് അറിയാന്‍ സാധിക്കും. ഈ ലായനി തയാറാക്കാന്‍ വേണ്ട മറ്റൊരു ചേരുവയാണ് വിനാഗിരി. ബേക്കിംഗ് സോഡയും നാരങ്ങ നീരുമൊക്കെ പോലെ തന്നെയാണ് വിനാഗിരിയും എളുപ്പത്തില്‍ കറ കളയാന്‍ സഹായിക്കും. നേര്‍പ്പിച്ച അസെറ്റിക് ആസിഡ് ആണ് വിനാഗിരി .പ്രധാനമായും അസറ്റിക് അമ്ലം, ജലം എന്നിവ അടങ്ങിയ ഒരു ദ്രവ പദാര്‍ത്ഥമാണ് വിനാഗിരി അഥവാ സുര്‍ക്ക.
നാരങ്ങ നീര്
ആസിഡ് സ്വഭാവമുള്ള നാരങ്ങ നീര് പല പ്രശ്‌നങ്ങള്‍ക്കും പരിഹാരമാണ്. പല്ലിന് നിറം ലഭിക്കാന്‍, താരന്‍ മാറ്റാന്‍, ഫ്രിഡ്ജിലെ ദുര്‍ഗന്ധം മാറ്റാനുമൊക്കെ നാരങ്ങ നീര് ഉപയോഗിക്കാം. തുണിയിലെ കറ കളയാനും നാരങ്ങ ഉപയോഗിക്കാവുന്നതാണ്. നാരങ്ങയുടെ ആസിഡിക് സ്വഭാവമാണ് കറ കളയാന്‍ സഹായിക്കുന്നത്.
കറ കളയാനുള്ള ലായനി എങ്ങനെ തയാറാക്കാം
ഒരു പാത്രത്തില്‍ അല്‍പ്പം ബേക്കിംഗ് സോഡ എടുക്കുക. ഇതിലേക്ക് കുറച്ച് നാരങ്ങ നീരും വിനാഗിരിയും ചേര്‍ത്ത് യോജിപ്പിക്കുക. ഇതിലേക്ക് അല്‍പ്പം സോപ്പ് ലായനിയും കൂടെ ചേര്‍ത്ത് നന്നായി യോജിപ്പിക്കുക. കുറച്ച് വെള്ളം ഈ ലായിനിയിലേക്ക് മിക്‌സ് ചെയത് ശേഷം തുണിയില്‍ കറയുള്ള ഭാഗത്ത് ഈ ലായനി ഒഴിച്ച് ഒരു ബ്രഷ് ഉപയോഗിച്ച് തേച്ച് പിടിപ്പിക്കുക. അല്‍പ്പം സമയത്തിന് ശേഷം വെറും വെള്ളത്തില്‍ കഴുകി എടുക്കാം.