കൂൾ കംപ്രസ്
കൈയോ കാലോ പൊള്ളുന്നത് ഭയങ്കരമായ വേദനയ്ക്കും അതുപോലെ നീര് വയ്ക്കാനും കാരണമാകാറുണ്ട്. ഇത് മാറ്റാൻ ചെറിയ തണുപ്പുള്ള വെള്ളത്തിൽ മുക്കിയ തുണി പൊള്ളിയതിൻ്റെ മുകളിൽ ഇടുന്നത് ഗുണം ചെയ്യും. 5 മുതൽ 10 മിനിറ്റിൻ്റെ ഇടവേളകളിൽ ഇങ്ങനെ ചെയ്യുന്നതാണ് ഏറെ നല്ലത്. അമിതമായി തണുത്ത വെള്ളം ഉപയോഗിക്കാതിരിക്കാൻ പ്രത്യേകം ശ്രദ്ധിക്കണം കാരണം ഇത് മുറിവിന് കൂടുതൽ ചൊറിച്ചിലുണ്ടാക്കാൻ കാരണമാകും.
എണ്ണമയമുള്ള ചർമ്മമാണെങ്കിൽ ഇവ ഫോളോ ചെയ്യാം
കറ്റാർവാഴ
വീട്ടിലെ പറമ്പിലും തോട്ടത്തിലുമൊക്കെ വളരെ സുലഭമായി കണ്ടു വരുന്നതാണ് കറ്റാർവാഴ. ഇതിൻ്റെ ആൻ്റി ഇൻഫ്ലമേറ്ററി ആൻ്റി ഫംഗൽ ഗുണങ്ങൾ പൊള്ളലുണ്ടായാൽ അത് മാറ്റാൻ ഏറെ സഹായിക്കും. ചെറിയ തരത്തിലുള്ള പൊള്ളലുകൾ മാറ്റാൻ ഏറെ നല്ലതാണ് കറ്റാർവാഴയെന്ന് പല പഠനങ്ങളും തെളിയിച്ചിട്ടുണ്ട്. ബാക്ടീരിയ ഉണ്ടാകുന്നത് തടയാൻ ഇത് ഏറെ സഹായിക്കും. ചെടിയിൽ നിന്ന് പറിച്ചെടുത്ത ഒരു കറ്റാർവാഴയുടെ ജെൽ മുറിവുള്ള ഭാഗത്ത് ഇടുക. കടയിൽ നിന്ന് വാങ്ങിയതാണെങ്കിൽ അത് കറ്റാർവാഴയുടെ ജെല്ലാണ് കൂടുതലായിട്ടുള്ളതെന്ന് ഉറപ്പ് വരുത്തുക.
തേൻ
പല തരത്തിലുള്ള ഔഷധ ഗുണങ്ങളാൽ സമ്പുഷ്ടമാണ് തേൻ. ഇതിൻ്റെ ആൻ്റി ബാക്ടീരിയൽ ആൻ്റി ഫംഗൽ ഗുണങ്ങൾ മുറിവ് ഉണക്കാൻ നല്ലതാണ്. പണ്ട് കാലം മുതലെ ആളുകൾ തേൻ പല തരത്തിൽ ഉപയോഗിക്കാറുണ്ട്. പിഎച്ച് ബാലൻസ് നിലനിർത്തി ബാക്ടീരിയ ഉണ്ടാകുന്നത് തടയാൻ തേൻ വളരെയധികം സഹായിക്കും. ഇതിലെ ആൻ്റി ഓക്സിഡൻ്റ് ഘടകങ്ങൾ മുറിവ് വേഗത്തിൽ ഉണക്കാൻ സഹായിക്കും.
വെള്ളത്തിൽ കഴുകാം
കൈയിലോ കാലിലോ ചെറിയ പൊള്ളലുകൾ ഉണ്ടായാൽ ആദ്യം ചെയ്യേണ്ടത് വെള്ളത്തിൽ കഴുകുക എന്നതാണ്. പൈപ്പ് തുറന്ന് വച്ച ശേഷം അതിന് താഴെ കൊണ്ട് വയ്ക്കാവുന്നതാണ്. അധികം തണുത്ത വെള്ളം ഉപയോഗിക്കാതിരിക്കാൻ ശ്രദ്ധിക്കേണ്ടത് ഏറെ പ്രധാനമാണ്. ഏകദേശം 20 മിനിറ്റോളം വെള്ളത്തിനടിയിൽ പൊള്ളിയ ഭാഗം വയ്ക്കാൻ ശ്രമിക്കുക. വീര്യം കുറഞ്ഞ ഷാംപൂവും വെള്ളവും ഉപയോഗിച്ചും കഴുകാവുന്നതാണ്.
English Summary: Burn remedies
Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ആവശ്യമെങ്കിൽ ആരോഗ്യ വിദഗ്ധരുടെ ഉപദേശം തേടാൻ ശ്രദ്ധിക്കുക.