കൊതുക് കടിച്ച പാടും ചൊറിച്ചിലും മാറ്റാൻ ചില പൊടിക്കൈകൾ

കൊതുക് കടിയേറ്റാൽ ചർമത്തിൽ ഉണ്ടാകുന്ന അസ്വസ്ഥതകളാണ് ഏറ്റവും അസഹനീയമായത്. കടിയേറ്റ ഭാഗത്ത് മോശപ്പെട്ട രീതിയിലുള്ള ചൊറിച്ചിലും ചുവന്ന പാടുകളും ഒക്കെ ഉണ്ടാകാനുള്ള സാധ്യതയുണ്ട്. വീണ്ടും ചൊറിയുമ്പോൾ ചർമ്മം തിണർക്കുകയും ചെയ്യും. ഒന്നാലോചിച്ചാൽ രാത്രിയിലെ നമ്മുടെ ഉറക്കത്തെ പോലും ഏറ്റവുമധികം ശല്യപ്പെടുത്തുന്ന ഒന്നായി മാറാൻ സാധ്യതയുള്ളതാണ് കൊതുകുശല്യം മൂലം ചർമ്മത്തിനുണ്ടാകുന്ന അസ്വസ്ഥതകൾ.

കൊതുകുശല്യം അകറ്റുന്നതിനും കൊതുക് കടിയെ തടയാനുമായി വ്യത്യസ്ത മാർഗ്ഗങ്ങൾ ആളുകൾ പരീക്ഷിക്കാറുണ്ട്. എന്നാൽ കൊതുകു കടിയേറ്റാൽ ഉണ്ടാകുന്ന ചർമത്തിലെ അസ്വസ്ഥതകൾ കുറയ്ക്കുന്നതിനായി ആരും ഒന്നും ചെയ്യാറില്ല. ഏറ്റവും ലളിതമായ രീതിയിൽ കുറച്ച് വീട്ടുവൈദ്യങ്ങൾ പരീക്ഷിച്ചാൽ നിങ്ങൾക്ക് ഇതിൽ നിന്നും രക്ഷ നേടാനാവും. കൊതുക് കടിക്കുള്ള ഫലപ്രദമായ ചില വീട്ടു പരിഹാരങ്ങളെ കുറിച്ചറിയാം.

ഐസിന്റെ തണുപ്പിക്കൽ ഗുണങ്ങൾ കൊതുകുകടി മൂലം ചർമത്തിനുണ്ടാകുന്ന വീക്കം കുറയ്ക്കാൻ സഹായികമാണ്. ഇത് ചർമ്മത്തിൽ പ്രയോഗിക്കുമ്പോൾ കുറച്ച് സമയത്തേക്ക് മരവിപ്പ് ഉണ്ടാകാനുള്ള സാധ്യതയുണ്ട്. എങ്കിൽ തന്നെയും ഇത് ചർമ്മത്തിലെ പ്രകോപനം കുറയ്ക്കുന്നതിന് സഹായകമാവും. നിങ്ങൾ കുറച്ച് ഐസ് ഒരു തുണിയിൽ പൊതിഞ്ഞെടുത്ത് കൊതുകു കടിയേറ്റ ബാധിത പ്രദേശങ്ങളിൽ പുരട്ടാവുന്നതാണ്. ചർമ്മത്തിന് കേടുപാടുകൾ സംഭവിക്കാതിരിക്കാനായി അധിക നേരം ഐസ് ചർമ്മത്തിൽ സൂക്ഷിക്കാതിരിക്കാൻ ഓർമ്മിക്കണം.

കറ്റാർ വാഴ നിങ്ങളുടെ ചർമ്മത്തിന് അത്ഭുതകരമായി പ്രവർത്തിക്കുന്ന ഒരു ചേരുവയാണ്. കൊതുക് കടിയാൽ ഉണ്ടാകുന്ന ചർമത്തിലെ അസ്വസ്ഥതകൾക്കെതിരെ പോരാടാൻ ഇത് സഹായമരുളും. കറ്റാർ വാഴ ജെല്ലിന് ആൻറി-ഇൻഫ്ലമേറ്ററി ഗുണങ്ങളുണ്ടെന്ന് പറയാം. ഇത് കൊതുക് കടി മൂലമുണ്ടാവുന്ന അസ്വസ്ഥതകളെ പെട്ടെന്ന് സുഖപ്പെടുത്തും. നിങ്ങൾക്ക് കുറച്ച് കറ്റാർ വാഴ ജെൽ വേർതിരിച്ചെടുത്ത് ബാധിത പ്രദേശത്ത് നേരിട്ട് പുരട്ടാം. പുരട്ടി കഴിയുമ്പോൾ തന്നെ വീക്കം, ചൊറിച്ചിൽ എന്നിവയുടെ ലക്ഷണങ്ങൾ പെട്ടെന്ന് ഇല്ലാതാക്കുന്നത് നിങ്ങൾക്ക് തിരിച്ചറിയാനാവും.

ചർമ്മത്തെ സാന്ത്വനിപ്പിക്കുന്ന ഗുണങ്ങൾ തേനിൽ അടങ്ങിയിട്ടുണ്ടെന്ന കാര്യം അറിയാമല്ലോ. ഇതിലെ ആൻറി ബാക്ടീരിയൽ, ആൻറി ഇൻഫ്ലമറ്ററി ഗുണങ്ങൾ നിങ്ങളുടെ കൊതുക് കടിയേറ്റ ഭാഗത്തെ അസ്വസ്ഥതകളെ ശമിപ്പിക്കും. ഈ പ്രദേശത്ത് നിങ്ങൾക്ക് കുറച്ച് തുള്ളി തേൻ പുരട്ടാവുന്നതാണ്. ഇത് ഈ ഭാഗത്ത് അസ്വസ്ഥതകളെ കുറയ്ക്കുകയും നിങ്ങൾക്ക് വേഗത്തിൽ ആശ്വാസം നൽകുകയും ചെയ്യും.

Also read: കൊവിഡിനൊപ്പം ഡെങ്കിപ്പനിയും; ജാഗ്രത കൈവിടാതെ പ്രതിരോധിക്കാം

എല്ലാ വീട്ടിലും ഉണ്ടാവുന്നതാണ് തുളസിച്ചെടി. ഒരു ഔഷധം കൂടിയായ ഇതിൽ ചർമ്മത്തിലുണ്ടാകുന്ന പ്രകോപിപ്പിക്കൽ ലക്ഷണങ്ങളെ ശമിപ്പിക്കാൻ ശേഷിയുള്ള സംയുക്തങ്ങൾ അടങ്ങിയിരിക്കുന്നു. അതുകൊണ്ടുതന്നെ കൊതുക് കടിയേറ്റാൽ ഉണ്ടാവുന്ന ചൊറിച്ചിലും തിണർപ്പും ഒക്കെ ഒഴിവാക്കാനായി നിങ്ങൾക്ക് തുളസി ഉപയോഗിക്കാനാവും. ഇതിനായി നിങ്ങൾ കുറച്ച് തുളസി ഇലകൾ എടുത്ത് ഇവ ഒരു കപ്പ് വെള്ളത്തിലിട്ട് കുറച്ച് മിനിറ്റ് തിളപ്പിക്കുക. ഈ വെള്ളം തണുക്കാൻ അനുവദിച്ച ശേഷം ഒരു പഞ്ഞി ഉപയോഗിച്ചുകൊണ്ട് ഇത് നിങ്ങളുടെ ചർമ്മത്തിൽ ഉടനീളം പുരട്ടുക.

Also read: 1 മിനിറ്റു പോലും ചമ്രം പടിഞ്ഞ് ഇരിയ്ക്കാന്‍ സാധിയ്ക്കുന്നില്ലേ, എങ്കില്‍...

എല്ലാ അടുക്കളയിലും സവാള ഉണ്ടായിരിക്കും. ഏത് കറികൾ തയ്യാറാക്കുന്നതിനും ഇത് കൂടിയേ തീരൂ. ഈ ഒരു ചേരുവ നിങ്ങളുടെ അടുക്കളയിൽ ഉണ്ടെങ്കിൽ കൊതുക് കടിയ്ക്കുള്ള ഒരു പരിഹാരമായി എന്ന് കരുതിക്കോളൂ. കൊതുക് കടിയേറ്റ നിങ്ങളുടെ ചർമ്മത്തിലെ അസ്വസ്ഥതകളെ ശമിപ്പിക്കാനായി ഫലപ്രദമായ രീതിയിൽ സവാള ഉപയോഗപ്പെടുത്താനാവും. സവാളയുടെ ഒരു ചെറിയ കഷ്ണം എടുത്ത് നിങ്ങളുടെ അസ്വസ്ഥതകളുള്ള ചർമത്തിൽ നേരിട്ട് സ്ക്രബ് ചെയ്യാം. കുറച്ച് സമയത്തിന് ശേഷം അസ്വസ്ഥതകൾ കുറഞ്ഞു കഴിയുമ്പോൾ ഈ പ്രദേശം വെള്ളം ഉപയോഗിച്ച് കഴുകുക.