നിങ്ങളുടെ തോളുകളിൽ താരന്റെ പൊടി എപ്പോഴും കാണാറുണ്ടോ? തലയിൽ എപ്പോഴും ചൊറിച്ചിൽ അനുഭവപ്പെടുന്നത് മൂലമുള്ള അസ്വസ്ഥതകൾ നിങ്ങൾക്കുണ്ടോ? എങ്കിൽ നിങ്ങൾ അനുഭവിക്കുന്ന ബുദ്ധിമുട്ട് എന്താണെന്ന് ഞങ്ങൾക്ക് മനസ്സിലാകും. നിങ്ങൾ ഇതിനകം തന്നെ കുറെയേറെ മരുന്നു കടകളിലും മറ്റും ഇതിനുള്ള പരിഹാരം അന്വേഷിച്ച് കയറിയിറങ്ങിയിട്ടുണ്ടാകും. അപ്പോഴും നിങ്ങൾക്ക് നിരാശ മാത്രമാണോ ഫലമായി ലഭിച്ചത്? എങ്കിലും നിങ്ങൾ വിഷമിക്കേണ്ടതില്ല! ഞങ്ങളെ പൂർണ്ണമായും വിശ്വസിക്കുവാൻ നിങ്ങൾ തയ്യാറാണ് എങ്കിൽ, ഞങ്ങൾ നിങ്ങൾക്കായി വഴികാട്ടാം. ഈ ലേഖനത്തിലൂടെ നമ്മൾ ചർച്ച ചെയ്യുവാൻ പോകുന്ന വിഷയം, താരൻ അകറ്റുന്നതിനായുള്ള പരമ്പരാഗതമായ വഴികളെ കുറിച്ചാണ്. തുടർന്ന് വായിക്കൂ!
എന്താണ് താരൻ?
ശിരോചർമ്മത്തിൽ തൊലി അടരുന്നത് പോലെ തരിയായി കണ്ടുവരുന്ന, വളരെ സാധാരണവും, എന്നാൽ ഗുരുതരവുമായ ഒരു പ്രശ്നമാണ് താരൻ എന്നത്. എന്നാൽ ഇവയെ നിയന്ത്രിക്കുവാൻ പലപ്പോഴും കഴിയാറുണ്ട്. ചെറിയ രീതിയിൽ വരുന്ന താരൻ സാധാരണ ഷാമ്പൂ ഉപയോഗിച്ച് കഴുകിക്കളയുവാൻ എളുപ്പത്തിൽ കഴിയുന്നു. എന്നാൽ താരൻ അധികമായാൽ, പ്രത്യേകം ചികിത്സാ പ്രകാരമുള്ള ഔഷധഗുണമുള്ള ഷാമ്പൂ തന്നെ ഉപയോഗിക്കേണ്ടതായി വരുന്നു.
ചികിത്സ ആരംഭിക്കുന്നതിനു മുൻപായി, താരൻ ഉണ്ടാക്കുന്ന കാര്യങ്ങൾ എന്തൊക്കെയാണെന്ന് നാം അറിഞ്ഞിരിക്കണം. ഇനിപ്പറയുന്ന ഘടകങ്ങൾ മൂലം നിങ്ങൾക്ക് താരൻ ഉണ്ടാകാനുള്ള സാധ്യത വർദ്ധിക്കുന്നു:
എണ്ണമയമുള്ള ചർമ്മം അല്ലെങ്കിൽ സെബോറെക് ഡെർമറ്റൈറ്റിസ് (തലയിൽ വരുന്ന ഒരു തരം പാടും ചൊറിയും മൂലമുള്ള ചര്മ്മവീക്കം): ഇതാണ് താരൻ ഉണ്ടാവുന്നതിന്റെ ഏറ്റവും പ്രധാന കാരണങ്ങളിൽ ഒന്ന്. അടരുകളോ ചെതുമ്പൽ പോലെയുള്ള തൊലിയോ കൊണ്ട് പൊതിഞ്ഞ ചർമ്മത്തിന്റെ ചുവപ്പ് നിറമാണ് ഇതിന്റെ സവിശേഷത. ഈ അവസ്ഥ സാധാരണയായി എണ്ണ ഗ്രന്ഥികൾ കൂടുതലുള്ള ചർമ്മ ഭാഗങ്ങളെ ആണ് ബാധിക്കുന്നത്.
മുടി വൃത്തിയാക്കുന്നതിലെ കുറവുകൾ
തലമുടിയും ശിരോചർമ്മവും സ്ഥിരമായി കഴുകാതെ വല്ലപ്പോഴും മാത്രം കഴിക്കുന്നത് എണ്ണമയവും നിർജ്ജീവ കോശങ്ങളും വർദ്ധിക്കുന്നതിന് കാരണമാകുകയും, ഇത് മൂലം താരൻ തലയിൽ ഉണ്ടാവുകയും ചെയ്യുന്നു.
വരണ്ട ചർമ്മം
താരൻ ഉണ്ടാവുന്നതിന്റെ ഒരു പ്രധാന കാരണമാണ് ഇത്. വരണ്ട ചർമ്മം മൂലം ഉണങ്ങിയ തൊലി പോലെയുള്ള തരികൾ തലയിൽ രൂപപ്പെടുകയും, ഇവ പിന്നീട് താരനായി മാറുകയും ചെയ്യുന്നു. മറ്റ് വഴികളിലൂടെ അല്ലാതെ വരണ്ട ചർമ്മം മൂലമുള്ള താരൻ സാധാരണയായി ചെറുതും, എണ്ണമയം തീരെയില്ലാത്തതും ആകുന്നു.
താരൻ ചിലപ്പോൾ നമ്മൾ വിചാരിച്ചതിനേക്കാൾ കൂടുതലാകാം. ഈ ഘട്ടങ്ങളിൽ, നിങ്ങൾ നിർബന്ധമായും വിദഗ്ദ്ധ ചികിത്സ തേടേണ്ടതാണ്.
Also read: മുടി പെട്ടന്ന് വളരണോ? ചെയ്യാം ഈ 17 കാര്യങ്ങൾ
മിക്ക കേസുകളിലും താരന് സങ്കീർണതകളൊന്നും ഉണ്ടായിരിക്കുകയില്ല. എന്നിരുന്നാലും, ചില സാഹചര്യങ്ങളിൽ, ഇത് ഏതെങ്കിലും ഒരു അടിസ്ഥാന രോഗത്തിന്റെ അടയാളമായിരിക്കാം:
☛ നിങ്ങളുടെ ശിരോചർമ്മത്തിൽ ചുവപ്പ് നിറം, നീർക്കെട്ട്, ബലഹീനത എന്നിവയുടെ ലക്ഷണങ്ങൾ ഉണ്ടാകുന്നു.
☛ ചെറിയ വൈദ്യചികിത്സകൾ ചെയ്തിട്ടും താരൻ നിലനിൽക്കുന്നു.
☛ ശിരോചർമ്മത്തിൽ ചൊറിച്ചിലും അസ്വസ്ഥയും വർദ്ധിപ്പിക്കുവാൻ കാരണമാകുന്ന സോറിയാസിസ് അല്ലെങ്കിൽ എക്സിമ എന്നീ രോഗങ്ങളുടെ ലക്ഷണങ്ങളും നിങ്ങൾക്ക് കാണുവാൻ സാധിക്കുന്നു.
ഈ അടയാളങ്ങൾ നിങ്ങളുടെ ശ്രദ്ധയിൽ പെടുകയാണ് എങ്കിൽ, ഉടനടി ചികിത്സ ആരംഭിക്കാനുള്ള സമയമാണിത്. വൈദ്യചികിത്സകൾ നിങ്ങളെ സഹായിക്കുമെങ്കിലും, വീട്ടിൽ തയ്യാറാക്കുന്ന ഒറ്റമൂലികൾ നിങ്ങൾക്ക് കൂടുതൽ ആശ്വാസം പകരുന്നു.
താരൻ അകറ്റുവാൻ വീട്ടിൽ തന്നെ തയ്യാറാക്കാവുന്ന 10 പ്രതിവിധികൾ
1. ടീ ട്രീ എണ്ണ
കുറച്ച് തുള്ളി ടീ ട്രീ എണ്ണ അതെ അളവിൽ വെളിച്ചെണ്ണയുമായി യോജിപ്പിച്ച് അതിലേക്ക് ഒരു കോട്ടൺ പാഡ് മുക്കുക. ഈ എണ്ണ നിങ്ങളുടെ തലയിലെ ശിരോചർമ്മത്തിൽ തേച്ച് പിടിപ്പിക്കുക. ആഴ്ച്ചയിൽ മൂന്നോ നാലോ തവണ ഈ രീതി ചെയ്യാം. താരൻ അകറ്റാൻ മികച്ച പ്രതിവിധിയാണ് ഇത്.
ആന്റി ഫംഗൽ സവിശേഷതയാൽ സമ്പുഷ്ടമാണ് ടീ ട്രീ എണ്ണ (Tea Tree Oil). ഇത് നിങ്ങളുടെ ചർമ്മത്തിന് പുറത്തു പുരട്ടുവാനും ശിരോചർമ്മത്തിൽ തേച്ച് പിടിപ്പിച്ച് ഫംഗസ് മൂലമുള്ള അണുബാധകളെ ശമിപ്പിക്കുവാനും സഹായിക്കുന്നു. ഇത്തരം ഫംഗസുകൾ നീക്കം ചെയ്യുന്നത് വഴി തൊലി അടരാതിരിക്കുവാനും താരൻ രൂപപ്പെടാതെ തടയുവാനും ടീ ട്രീ എണ്ണ നമുക്ക് ഉപകരിക്കുന്നു.
ശിരോചർമ്മത്തിൽ വെളിച്ചെണ്ണ നന്നായി മസാജ് ചെയ്ത് പിടിപ്പിക്കുക. ഇത് ഒരു മണിക്കൂറോളം വച്ചതിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകുക. ഇത് നിങ്ങൾ ആഴ്ച്ചയിൽ രണ്ടു ദിവസമെങ്കിലും ചെയ്യുക.
വെളിച്ചെണ്ണ മലാസെസിയ എന്ന അവസ്ഥയ്ക്ക് കാരണമാകുന്ന ഫംഗസ് അണുബാധയെ പ്രതിരോധിക്കുവാൻ സഹായിക്കുന്നു. ഇത് താരൻ ഉണ്ടാകുന്നത് തടയുന്നു.
Also read: മുഖക്കുരുവിന്റെ പാടുകൾ അകറ്റാൻ ഇതാ കിടിലൻ പൊടിക്കെകൾ
3. ഉള്ളി നീര്
ഉള്ളി അരച്ച് അതിന്റെ നീര് എടുക്കുക. ഇത് ശിരോചർമ്മത്തിൽ നന്നായി തേച്ച് പിടിപ്പിക്കുക. ഒരു മണിക്കൂർ വച്ചതിനു ശേഷം കഴുകി കളയുക. ഉള്ളി നീര് ആഴ്ച്ചയിൽ രണ്ടു തവണ തലയിൽ പുരട്ടുന്നത് താരൻ അകറ്റുന്നതിന് ഉത്തമ പ്രതിവിധിയാണ്.
ഉള്ളി എന്നത് താരൻ പ്രതിരോധിക്കാൻ സഹായിക്കുന്ന ഫൈറ്റോകെമിക്കൽ സംയുക്തങ്ങൾ സമ്പന്നമാണെന്ന് ഗവേഷണങ്ങൾ തെളിയിച്ചിട്ടുണ്ട്. ഉള്ളിയുടെ നീര് ശിരോചർമ്മത്തിൽ പുരട്ടുന്നത് തൊലി അടരുന്നത് തടയുവാനും താരൻ ഉണ്ടാകുന്നത് കുറയ്ക്കുവാനും വളരെയധികം സഹായിക്കുന്നു.
കറ്റാർവാഴയുടെ കാമ്പ് (ജെൽ) എടുത്ത് ശിരോചർമ്മത്തിൽ നന്നായി തേച്ചു പിടിപ്പിക്കുക. ജെൽ പൂർണമായും ശിരോചർമ്മം വലിച്ചെടുക്കുന്നത് വരെ നന്നായി തല മസാജ് ചെയ്യുക. ഒരു മണിക്കൂർ വച്ചതിനു ശേഷം കഴുകി കളയുക. ഈ ജെൽ ആഴ്ച്ചയിൽ ചുരുക്കം രണ്ടു തവണയെങ്കിലും തലയിൽ പുരട്ടാവുന്നതാണ്.
ചർമ്മ പ്രശ്നങ്ങൾ ചികിത്സിക്കാൻ ഉപയോഗിക്കാവുന്ന ബയോ ആക്റ്റീവ് സംയുക്തങ്ങളുടെ സമ്പന്നമായ ഉറവിടമാണ് കറ്റാർ വാഴ. കറ്റാർ വാഴയുടെ സത്ത് ആന്റിഫംഗൽ, ആന്റിമൈക്രോബയൽ ഗുണങ്ങളാൽ സമ്പുഷ്ടമാണ് എന്ന പേരിൽ അറിയപ്പെടുന്നു, ഇത് പല തരത്തിലുള്ള ഫംഗസ് അണുബാധയെ ചെറുക്കുവാൻ സഹായിക്കുന്നു.
5. പ്രോബയോട്ടിക്കുകൾ
ഒരു കപ്പ് പ്രോബയോട്ടിക് തൈര് എല്ലാ ദിവസവും കുടിക്കുന്നത് താരൻ ഉണ്ടാക്കുന്ന അസ്വസ്ഥതകളിൽ നിന്ന് മോചനം ലഭിക്കാൻ സഹായിക്കും.
തൈര് പോലെയുള്ള പ്രോബയോട്ടിക് ഭക്ഷണങ്ങളിൽ അടങ്ങിയിട്ടുള്ള ലാക്ടോബാസിലസ് പാരകേസി താരൻ കുറയ്ക്കുവാൻ സഹായിക്കുന്നു. ഗവേഷണങ്ങൾ വ്യക്തമാക്കുന്നത് നിങ്ങളുടെ ശിരോചർമ്മത്തിലെ മൈക്രോബയോമിന്റെ സന്തുലിതാവസ്ഥ പുനഃസ്ഥാപിക്കാൻ ലാക്ടോബാസിലസ് പാരകേസി സഹായിക്കുമെന്നും, അതുവഴി താരൻ ഇല്ലാതാകും എന്നുമാണ്.
Also read: ഓറഞ്ച് തൊലി കളയല്ലേ... മുഖം തിളങ്ങാൻ ഇതാ ചില ഫെയ്സ് പാക്കുകൾ
6. പുൽത്തൈലം
കുറച്ച് തുള്ളി പുൽത്തൈലം നിങ്ങളുടെ ഷാമ്പുവിൽ ചേർക്കുക. എന്നിട്ട് തലയിൽ നന്നായി മസാജ് ചെയ്യുക. ശേഷം, വെള്ളം ഉപയോഗിച്ച് മുടി നന്നായി കഴുകി വൃത്തിയാക്കുക. നിങ്ങളുടെ മുടി പുൽത്തൈലം ഉപയോഗിച്ച് ആഴ്ച്ചയിൽ രണ്ടു തവണ കഴുകുന്നത് ഉത്തമമാണ്.
ഫംഗസ്സിനെ തുരത്തുന്ന ഗുണങ്ങൾ പ്രകടിപ്പിക്കുന്ന ബയോ ആക്റ്റീവ് സംയുക്തങ്ങളാൽ സമ്പന്നമാണ് ഇഞ്ചിപ്പുൽ തൈലം. ഈ സവിശേഷതയുടെ സഹായത്താൽ, താരന്റെ പ്രശ്നത്തിന് ഒരു പ്രധാന കാരണമായ ഒരു തരം യീസ്റ്റായ മലാസെസിയ ഫർഫറിനെ നേരിടാൻ ഇഞ്ചിപ്പുൽ തൈലം നിങ്ങളെ സഹായിക്കുന്നു.
കുറച്ച് യൂക്കാലിപ്റ്റസ് തൈലവും വെളിച്ചെണ്ണയും ഒരുമിച്ച് ചേർത്ത് യോജിപ്പിക്കുക. ഈ മിശ്രിതം ശിരോചർമ്മത്തിൽ തേച്ച് പിടിപ്പിച്ച് 30-45 മിനിറ്റു നേരം വയ്ക്കുക. ശേഷം, വെള്ളം ഒഴിച്ച് തല നന്നായി കഴുകുക. താരൻ അകറ്റാൻ നിങ്ങൾക്ക് ഈ പ്രതിവിധി ആഴ്ച്ചയിൽ രണ്ടോ മൂന്നോ പ്രാവശ്യം പിന്തുടരാവുന്നതാണ്.
കുറഞ്ഞ അളവിൽ സെറാമൈഡ് ഉള്ള തലയിൽ താരൻ വരാൻ സാധ്യത ഏറെയാണ്. ശിരോചർമ്മത്തിൽ സെറാമൈഡിന്റെ അളവ് വർദ്ധിപ്പിക്കുവാൻ സഹായിക്കുന്ന ബയോ ആക്റ്റീവ് സംയുക്തങ്ങളാൽ സമ്പുഷ്ടമാണ് യൂക്കാലിപ്റ്റസ് തൈലം. ഇത് വഴി തലയിലെ താരനും നിങ്ങൾക്ക് നീക്കം ചെയ്യുവാൻ സാധിക്കുന്നു.
Also read: അകാല നരയാണോ പ്രശ്നം? മുടി കറുപ്പിക്കാൻ ചില കിടിലൻ വിദ്യകൾ ഇവിടെയുണ്ട്!
8. വെളുത്തുള്ളി
വെളുത്തുള്ളി തൊലി കളഞ്ഞ് അല്ലികൾ എടുത്ത ശേഷം, അവ നന്നായി ചതയ്ക്കുക. ഇത് ഒരു ചട്ടിയിൽ ഇട്ട് ഒലീവ് എണ്ണ ഒഴിച്ച് ചൂടാക്കുക. 5 മിനിറ്റു നേരം ചൂടാക്കിയതിന് ശേഷം ഈ മിശ്രിതം അരിച്ചെടുക്കുക. ഇത് തണുത്തതിന് ശേഷം ശിരോചർമ്മത്തിൽ തേച്ച് പിടിപ്പിക്കുക. 30-45 മിനിറ്റു നേരം വച്ചതിനു ശേഷം വെള്ളം ഒഴിച്ച് നന്നായി തല കഴുകുക. നിങ്ങൾക്ക് ഈ എണ്ണ ആഴ്ച്ചയിൽ രണ്ടു തവണ ഉപയോഗിക്കാം.
വെളുത്തുള്ളിയുടെ പ്രാഥമിക ബയോ ആക്റ്റീവ് ഘടകങ്ങൾ എന്നത് അജോയ്ൻ, അല്ലിസിൻ എന്നിവയാണ്. ഇവയുടെ ആന്റിഫംഗൽ ഗുണങ്ങൾ താരന് കാരണമാകുന്ന ഫംഗസ് അണുബാധയെ തടയുന്നതിന് വളരെയേറെ ഫലപ്രദമാണ്.
9. വേപ്പെണ്ണ
വേപ്പെണ്ണയും വെളിച്ചെണ്ണയും സമാസമം എടുത്ത് യോജിപ്പിക്കുക. ഈ മിശ്രിതം ശിരോചർമ്മത്തിൽ നന്നായി തേച്ച് പിടിപ്പിച്ച ശേഷം 30-45 മിനിറ്റു നേരം വയ്ക്കുക. അത് കഴിഞ്ഞ് വെള്ളമൊഴിച്ച് നന്നായി മുടി കഴുകുക. നിങ്ങൾക്ക് ഈ പ്രതിവിധി ആഴ്ച്ചയിൽ രണ്ടോ മൂന്നോ പ്രാവശ്യം പിന്തുടരാവുന്നതാണ്.
വേപ്പിന്റെ സത്ത് ഫംഗസ് മൂലമുള്ള അണുബാധ അകറ്റുവാൻ വ്യാപകമായി ഉപയോഗിക്കുന്ന ഒറ്റമൂലിയാണ്. ഇവയുടെ ആന്റി ഫംഗൽ സവിശേഷത ചർമ്മത്തിൽ താരനും അസ്വസ്ഥതകളും ഉണ്ടാകുന്നത് തടയുന്നു.
രണ്ടോ മൂന്നോ ടേബിൾസ്പൂൺ ബേക്കിംഗ് സോഡ എടുത്ത് നനഞ്ഞ മുടിയിൽ നേരെ തേച്ച് പിടിപ്പിക്കുക. ഇത് രണ്ടു മിനിറ്റു നേരം വച്ചതിന് ശേഷം നന്നായി മുടി കഴുകി വൃത്തിയാക്കുക. നിങ്ങൾക്ക് ഇത് ആഴ്ച്ചയിൽ രണ്ടു പ്രാവശ്യം ചെയ്യാം.
ഫംഗസ്സിനെതിരെ പ്രവർത്തിക്കുന്ന ഉത്തമ വസ്തുവാണ് ബേക്കിംഗ് സോഡ അഥവാ അപ്പക്കാരം. അതിനാൽ, താരൻ അകറ്റുവാനുള്ള നല്ലൊരു പ്രതിവിധി കൂടിയാണ് ഇവ.
ഈ ഫലപ്രദമായ പ്രതിവിധികൾ താരനിൽ നിന്ന് രക്ഷനേടുവാൻ നിങ്ങളെ സഹായിക്കും. ഇവ പൂർണ്ണമായും പ്രകൃതിദത്തമായതിനാൽ, ഫലം കാണുവാൻ കുറച്ച് സമയം വേണ്ടിവരുന്നതാണ്. ഈ ഒറ്റമൂലികൾ പരീക്ഷിച്ച് കഴിഞ്ഞിട്ടും നിങ്ങളുടെ താരൻ പ്രശ്നത്തിന് ഒരു ശമനവുമില്ല എന്നാണെങ്കിൽ, ഒരു വിദഗ്ദ്ധ ഡോക്ടറെ സമീപിക്കുന്നതാവും ഏറ്റവും ഉചിതം.