കുഴിനഖം പെട്ടെന്ന് ഉണ്ടാകുന്ന ഒരു അവസ്ഥയാണ്. നഖത്തിന് ചുറ്റുമുള്ള ചർമ്മത്തിൽ നീർവീക്കമുണ്ടാകുന്ന അവസ്ഥയാണ് ഇത്. കുഴിനഖം വന്ന് കഴിഞ്ഞാൽ വളരെ അധികം അസ്വസ്ഥകളാണ് ഉണ്ടാകുന്ന. പലപ്പോഴും അതികഠിനമായ വേദന അനുഭവപ്പെടാം. ഇത്തരം അവസരങ്ങളിൽ വേദന കഠിച്ചമർത്തുകയാണ് പലരും ചെയ്യാറ്. എന്നാൽ കുഴിനഖത്തിന് പ്രതിവിധികൾ വീട്ടിൽ തന്നെ ഉണ്ട്.
കുഴി നഖം ഉണ്ടാകുന്നത്: അധിക സമയം കൈകാലുകളിൽ നനവ് ഉണ്ടാകുന്നത്, അധിക സമയം കൈകാലുകളിൽ നനവുണ്ടാക്കുന്ന ജോലികളിൽ ഏർപ്പെടുന്നത്, പ്രമേഹ രോഗികളിൽ, രോഗപ്രതിരോധ ശേഷി കുറഞ്ഞവരിൽ ഒക്കെ ഇത്തരത്തിൽ സാധാരണയായി കുഴി നഖം കണ്ടു വരുന്നുണ്ട്. പലപ്പോഴും പാടത്തും പറമ്പിലും പണിയെടുക്കുന്നവരിലും കുഴി നഖം ഉണ്ടാകാറുണ്ട്.
പാടത്തും പറമ്പിലും ജോലി ചെയ്യുന്നവരിൽ: പലപ്പോഴും പാടത്തും പറമ്പത്തും നിരന്തരമായി ജോലി ചെയ്യുന്നവരിൽ കുഴി നഖം കണ്ടു വരാറുണ്ട്. ജോലി ചെയ്യുന്നിടത്ത് നനവ് അധികമായി ഉണ്ടാവുമ്പോഴും ഡിറ്റര്ജന്റ്, വളം, മണ്ണ് തുടങ്ങിയവയുമായി നിരന്തരം സമ്പര്ക്കം പുലര്ത്തുമ്പോഴും നഖത്തിന് ചുറ്റുമുള്ള ചര്മ്മത്തിനും ഇടയിലുള്ള ക്യൂട്ടിക്കിള് എന്ന ഭാഗത്തിന് ക്ഷതം സംഭവിക്കുന്നു. അതുവഴി ബാക്ടീരിയ, ഫംഗസ് തുടങ്ങിയവ നഖത്തിന് ചുറ്റുമുള്ള ചര്മ്മത്തിലേക്ക് പ്രവേശിക്കുന്നു. ഇതിന്റെ ഫലമായി നഖത്തിന് ചുറ്റും ചുവപ്പും, തടിപ്പും, വീക്കവും വേദനയും ഉണ്ടാകുന്നു. ഈ അവസ്ഥയാണ് കുഴി നഖം. ഇത് രൂക്ഷമായാൽ പഴുപ്പും ഉണ്ടാകാനുള്ള സാധ്യത കൂടുതലാണ്. ഇത് നീണ്ടു നിന്നാൽ നഖം തന്നെ ഇല്ലാതാക്കാനും സാധ്യതയുണ്ട്.
'മായം... സർവ്വത്ര മായം'; ഭക്ഷണത്തിലെ മായം കണ്ടെത്താനുള്ള പൊടിക്കൈകൾ!
കുഴി നഖം ഇല്ലാതാക്കാൻ വിക്സ് ഉപയോഗിക്കാം: കുഴിനഖം ഇല്ലാതാക്കാനുള്ള ഏറ്റവും നല്ലൊരു മാർഗ്ഗമാണ് വിക്സ് ഉപയോഗിക്കുക എന്നത്. കുഴി നഖത്തിന് എതിരായ വിക്സ് പ്രവർത്തിക്കും. കുഴി നഖം ബാധിച്ച വിരലുകളിൽ വിക്സ് തേച്ച് ഉണങ്ങാൻ അനുവദിക്കുക. ദിവസവും ഇത്തരത്തിൽ ചെയ്യുന്നത് വളരെ ഏറെ നല്ലതാണ്.
സോപ്പ് പെട്ടെന്ന് അലിഞ്ഞു പോകുന്നതാണോ പ്രശ്നം?; വീട്ടിൽ പ്രയോഗിക്കാൻ ചില പൊടിക്കൈകൾ!
ഉപ്പു വെള്ളം ഉപയോഗിക്കാം കുഴി നഖം ഇല്ലാതാക്കാൻ: ഉപ്പു വെള്ളം ഉപയോഗിച്ച് നമുക്ക് കുഴി നഖത്തെ പാടെ ഇല്ലാതാക്കാൻ സാധിക്കും. ഇത് എങ്ങനെയാണ് എന്ന് നോക്കാം. ഒരു പാത്രത്തിൽ പാദം മുങ്ങിയിരിക്കാൻ പാകത്തിൽ ചൂടുവെള്ളം എടുക്കുക. അതിൽ ഹൈഡ്രജൻ പെറോക്സൈഡ് ചേർത്ത ശേഷം കാൽ മുക്കി വെക്കുക. കാൽ പുറത്തെടുത്ത് വിരലുകളിൽ ഉപ്പ് വെക്കുക. മൂന്ന് മിനിറ്റ് നേരം ഇങ്ങനെ വെക്കുക. ശേഷം പാത്രത്തിലെ വെള്ളത്തിൽ ഒരു കപ്പ് ഉപ്പ് ചേർത്ത് അര മണിക്കൂർ കാൽ അതിൽ മുക്കി വെക്കുക. കടലിന് സമീപത്ത് താമസിക്കുന്നവർ കടൽ വെള്ളത്തിൽ കാലുകൾ മുക്കി വെക്കുന്നതും വളരെ നല്ലതാണ്.
വേപ്പെണ്ണ കൊണ്ട് കുഴി നഖം ഇല്ലാതാക്കുന് വിധം നോക്കാം: കുഴി നഖം കൊണ്ട് പ്രയാസപ്പെടുന്നവർക്ക് വേപ്പെണ്ണ കൊണ്ട് പരിഹാരം കാണാവുന്നതാണ്. വേപ്പെണ്ണയുടെ ആന്റി ഫംഗൽ ഗുണങ്ങൾ നഖത്തിലെ പൂപ്പൽ ബാധയെ വളരെ പെട്ടെന്ന് തന്നെ ഇല്ലാതാക്കുന്നു. മാത്രമല്ല വിരലുകളുടെ രൂപഭംഗി മെച്ചപ്പെടുത്താനും വേപ്പെണ്ണയ്ക്ക് കഴിയും. നഖത്തിന് ചുറ്റും വേപ്പെണ്ണ പുരട്ടി മസ്സാജ് ചെയ്താൽ മതി.
ശ്രദ്ധിക്കേണ്ട കാര്യം എന്താണെന്ന് വെച്ചാൽ നഖവും ചുറ്റുമുള്ള ഭാഗങ്ങളും നനവില്ലാതെ സൂക്ഷിക്കുക എന്നതാണ്. പലപ്പോഴും പലതരത്തിലുള്ള ജോലികളിലും ഏർപ്പെടുമ്പോൾ വിരലുകളിലും കൈകാലുകളിലും നനവുണ്ടാകുന്നുണ്ടെങ്കിൽ ഗ്ലൌസുകളും കാലുറകളും ധരിക്കാൻ ശ്രദ്ധിക്കുക.
ഓയിൻമെന്റുകളും മറ്റു മരുന്നുകളും കഴിക്കുന്നുണ്ടെങ്കിൽ ആരോഗ്യ വിദഗ്ദന്റെ നിർദ്ദേശം അനുസരിച്ച് മാത്രമായിരിക്കുക. അങ്ങനെ അല്ലെങ്കിൽ നിങ്ങളുടെ ആരോഗ്യം പ്രശ്നത്തിലാകും എന്ന് അറിഞ്ഞിരിക്കുക. മാത്രമല്ല ഇത്തരത്തിലുള്ളവർ ദിവസവും രാവിലെയും രാത്രിയിലും പത്ത് മിനിറ്റ് ഉപ്പു ലായനിയിൽ വിരലുകൾ മുക്കി വെക്കുന്നത് നല്ലതാണ്. ഇത് നിങ്ങളുടെ വിരലുകളിലുള്ള പൂപ്പലുകളെ ഇല്ലാതാക്കാൻ സഹായിക്കും. അത് കൊണ്ട് തന്നെ ഇത്തരം കാര്യങ്ങൾ വളരെ അധികം ശ്രദ്ധിക്കുക.