വായ്പുണ്ണ് വളരെ സാധാരണമായി കണ്ടുവരുന്ന ഒരു പ്രശ്നമാണ്, പ്രത്യേകിച്ചും നിങ്ങളുടെ ദൈനംദിന ഭക്ഷണക്രമത്തിൽ മസാലകൾ അടങ്ങിയ ഭക്ഷണങ്ങൾ കൂടുതലും പോഷകങ്ങൾ കുറവുമാണ് ഉള്ളതെങ്കിൽ. നിങ്ങൾ സമ്മർദ്ദത്തിലായിരിക്കുമ്പോഴും ധാരാളം പുകവലിക്കുമ്പോഴും ഇത് സംഭവിക്കാറുണ്ട്. കാരണം എന്തുതന്നെ ആയാലും, വായ്പുണ്ണ് വളരെയേറെ വേദനാജനകമാണ്, മാത്രമല്ല സംസാരിക്കാനും ഭക്ഷണം കഴിക്കാനുമുള്ള നിങ്ങളുടെ കഴിവിനെ പോലും ഇത് പലപ്പോഴും ബാധിക്കുന്നു. വായ്പുണ്ണ് കൈകാര്യം ചെയ്യാൻ നിങ്ങൾ ചെയ്യേണ്ടത് ഒന്നോ രണ്ടോ ദിവസം അതിരാവിലെ തേങ്ങാവെള്ളം കുടിക്കുക എന്നത് മാത്രമാണ്.
തേങ്ങാവെള്ളം കുടിക്കുന്നത് നിങ്ങളെ എങ്ങനെ സഹായിക്കുന്നു?
പല വേനൽക്കാല രോഗങ്ങളും ഭേദമാക്കാൻ പുരാതന കാലം മുതൽ തേങ്ങാവെള്ളം ഉപയോഗിക്കുന്നു. അതിശയകരമായ ഈ വേനൽക്കാല പാനീയത്തിന്റെ ഗുണങ്ങളെ ആയുർവേദം പോലും പ്രകീർത്തിക്കുന്നു. ആയുർവേദം അനുസരിച്ച്, ശരീരത്തിലെ അമിത ചൂട് വേനൽക്കാലത്ത് വായ്പുണ്ണിന്റെ രൂപത്തിൽ പ്രത്യക്ഷപ്പെടുന്നു. കടുത്ത വേനൽക്കാലത്ത് നിങ്ങൾക്ക് വായ്പുണ്ണ് വരാനുള്ള പ്രധാന കാരണവും ഇതാണ്. അതിനാൽ അതിരാവിലെ ഒരു ഗ്ലാസ് തേങ്ങാവെള്ളം കുടിക്കുന്നത് ഈ പ്രശ്നത്തെ ഫലപ്രദമായി നേരിടാൻ സഹായിക്കുന്നു.
തേങ്ങാവെള്ളം വളരെ പോഷകഗുണമുള്ളതാണ്, ഇതിൽ 94 ശതമാനം വെള്ളവും അടങ്ങിയിരിക്കുന്നു. വേനൽക്കാലത്ത് ശരീരം തണുപ്പിക്കാൻ ഇത് സഹായിക്കുന്നു. വേനൽക്കാലത്ത് വിയർപ്പ് മൂലം നഷ്ടപ്പെടുന്ന എല്ലാ ധാതുക്കളും നിറയ്ക്കുന്ന ഉയർന്ന അളവിൽ പോഷകങ്ങൾ അടങ്ങിയ പാനീയമാണിത്. ഇത് നിങ്ങളുടെ ഭക്ഷണക്രമത്തിൽ ചേർക്കുന്നത് വിദഗ്ദ്ധർ ശുപാർശ ചെയ്യുന്ന ഒരു കാര്യമാണെന്ന് മാത്രമല്ല, ഈ പാനീയത്തിന്റെ മറ്റെല്ലാ ഗുണങ്ങളും നിങ്ങൾക്ക് അതിലൂടെ ലഭിക്കുകയും ചെയ്യും. തേങ്ങാവെള്ളത്തിന്റെ ഏറ്റവും മികച്ച കാര്യം ഈ പാനീയം കുടിക്കുന്നതിലൂടെ പാർശ്വഫലങ്ങളൊന്നും ഉണ്ടാവുകയില്ല എന്നതാണ്. നിങ്ങൾക്ക് ഇതിലൂടെ നേട്ടങ്ങൾ മാത്രമേ ലഭിക്കുകയുള്ളൂ എന്ന് സാരം!
ശ്രദ്ധിക്കുക: ശരീരത്തിലെ അമിത ചൂട് കാരണം നിങ്ങൾക്ക് വായ്പുണ്ണ് വന്നാൽ, ദിവസത്തിൽ രണ്ടു തവണ തേങ്ങാവെള്ളം കുടിക്കുക. സമയം, അതിരാവിലെ അല്ലെങ്കിൽ ഉച്ചതിരിഞ്ഞ്, എന്തെങ്കിലും കഴിക്കുന്നതിന് മുൻപായിരിക്കണം. രണ്ടോ മൂന്നോ ദിവസം ഇത് ചെയ്യുക. ഇതിലൂടെ നിങ്ങൾക്ക് ഒട്ടനവധി ആരോഗ്യ ഗുണങ്ങളും ലഭിക്കുന്നതാണ്.