മഴക്കാലവും തണുപ്പുകാലവുമൊക്കെ ജലദോഷത്തിൻ്റെയും ചുമയുടേയുമൊക്കെ കാലം കൂടിയാണ്. പൊടി, അലർജി, തണുത്ത ആഹാരങ്ങൾ കഴിക്കുന്നത് തുടങ്ങിയതെല്ലാം കഫക്കെട്ടിനും നെഞ്ചിലെ തിരക്കിനുമൊക്കെ കാരണമായി മാറാറുണ്ട്. ഓരോ തവണയും അസുഖം ഉണ്ടാവുമ്പോൾ ആൻറിബയോട്ടിക് മരുന്നുകൾ കഴിച്ച് നിങ്ങളുടെ ശരീരത്തെ കേടു വരുത്തേണ്ടതില്ല. നിങ്ങളുടെ ജലദോഷവും കഫക്കെട്ടും മാറാൻ സഹായിക്കുന്ന പ്രകൃതിദത്ത ഡീകോംജെസ്റ്റന്റ് മരുന്നുകൾ ഇനി വീട്ടിൽ തന്നെ ഉണ്ടാക്കാം. ജലദോഷവും കഫക്കെട്ടും ചുമയും ഒക്കെ ഉണ്ടാകുമ്പോൾ എളുപ്പത്തിൽ പരിഹാരം നൽകാൻ സഹായിക്കുന്ന മൂന്ന് വീട്ടുവൈദ്യങ്ങളെ നമുക്കിന്ന് പരിചയപ്പെടാം.
റെസിപ്പി 1
> ഒരു പാത്രത്തിൽ കാൽ കപ്പ് നാരങ്ങ നീരെടുക്കാം. ഇതിലേക്ക് രണ്ട് ടേബിൾസ്പൂൺ തേനും കാൽ കപ്പ് അസംസ്കൃത ആപ്പിൾ സിഡെർ വിനെഗറും ചേർത്ത് മിക്സ് ചെയ്യുക.
> ഇതിലേക്ക് അര ടീസ്പൂൺ ചുവന്ന മുളക് (Cayenne pepper) പൊടിച്ചത്, ഒരു ടീസ്പൂൺ ചുക്ക് (ഉണക്കിയ ഇഞ്ചി ) അര ടീസ്പൂൺ മഞ്ഞൾപ്പൊടി എന്നിവ ചേർത്ത് നന്നായി ഇളക്കുക
> ഒരു നുള്ള് കുരുമുളക് കൂടി ചേർത്ത് എല്ലാ ചേരുവകളും നന്നായി ചേരുന്നതുവരെ ഇളക്കി കൊണ്ടിരിക്കാം
> ഒരു ഗ്ലാസ് പാത്രത്തിലേക്ക് ഇത് പകർത്തി പിന്നീടുള്ള ഉപയോഗത്തിനായി ശീതീകരിച്ചു സൂക്ഷിക്കുക. മികച്ച ഫലങ്ങൾക്കായി ദിവസവും ഈ സിറപ്പിൽ നിന്ന് ഒരു സ്പൂൺ വീതം കഴിക്കുക.
Also read: ചുമ മാറാൻ തേനും നാരങ്ങാനീരും ചേർത്ത് പ്രതിവിധികൾ
റെസിപ്പി 2
> അഞ്ചോ ആറോ തര്ക്കാരിക്കിഴങ്ങുകളും ഒരു ചെറിയ സവാളയും കഴുകി ചെറുതായി അരിഞ്ഞെടുക്കുക
> രണ്ട് ചേരുവകളും ഒരു മിക്സിയിലിട്ട് നന്നായി അരച്ചെടുത്ത് മിശ്രിതമാക്കുക
> ഇപ്പോൾ, ഒരു കപ്പ് തേനും നാരങ്ങാനീരും ഇതിലേക്ക് ചേർത്ത് നന്നായി ഇളക്കികൊടുക്കാം
> ഒരു പാത്രത്തിൽ അടച്ചുവെച്ച് ഒരാഴ്ച ശീതീകരിച്ച് സൂക്ഷിക്കുക. രണ്ട്-ടേബിൾസ്പൂൺ വീതം ഈ സിറപ്പ് നിങ്ങൾക്ക് ദിവസവും കഴിക്കാം.
റെസിപ്പി 3
> കാൽ കപ്പ് ഷിയ ബട്ടർ, വെളിച്ചെണ്ണ എന്നീ രണ്ട് ചേരുവകളും മിക്സ് ചെയ്ത് കുറച്ച് നേരം മിഷങ്ങൾ നന്നായിളക്കി കൊണ്ടിരിക്കാം.
> ഈ മിശ്രിതത്തിലേക്ക് കുറച്ച് തുള്ളി നാരങ്ങ, കുരുമുളക്, യൂക്കാലിപ്റ്റസ് അവശ്യ എണ്ണകൾ എന്നിവ കൂടി ചേർത്ത് വീണ്ടും കുറച്ച് സമയം കൂടി മിക്സ് ചെയ്യാം.
വായു കടക്കാത്ത ഒരു പാത്രത്തിലടച്ച് ഇത് സൂക്ഷിക്കുക. നെഞ്ചിലും മൂക്കിലും അസ്വസ്ഥതകളും, ജലദോഷവും കഫക്കെട്ടും ചുമയുടെ ലക്ഷണങ്ങളുമൊക്കെ അനുഭവപ്പെടുന്ന സമയങ്ങളിൽ വേപ്പർ റബ്ബ് രൂപത്തിലുള്ള ഇത് ചെറിയ അളവിൽ നിങ്ങളുടെ പുറകിലും നെഞ്ചിൻ്റെ ഭാഗത്തും പുരട്ടുക. മൂക്കൊലിപ്പ് ഉണ്ടെങ്കിൽ ഇത് ചൂടുവെള്ളത്തിട്ട് ആവി പിടിക്കുക.
Also read: നാവിലെ കറുത്ത പാടുകൾ അകറ്റാം, ഈ വീട്ടുവൈദ്യങ്ങൾ മതി
ഇതിലെ ചേരുവകൾ നൽകുന്ന പ്രയോജനങ്ങൾ
ആപ്പിൾ സിഡെർ വിനെഗർ : ഉള്ളിലെ കഫത്തെ നേർത്തതാക്കാനും ജലദോഷത്തിൽ നിന്ന് ആശ്വാസം നൽകാനും സഹായിക്കുന്നു.
നാരങ്ങ: സിട്രിക് ആസിഡിനാൽ സമ്പന്നമായതാണ് നാരങ്ങ. ഇതിലെ വിറ്റാമിൻ സി പ്രതിരോധശേഷി വർദ്ധിപ്പിക്കാൻ സഹായിച്ചുകൊണ്ട് നിങ്ങളുടെ ഉള്ളിലെ കഫത്തിൻ്റെ കനം കുറയ്ക്കാൻ സഹായിക്കും. നാരങ്ങ അവശ്യ എണ്ണയിൽ ആന്റിസെപ്റ്റിക്, ആൻറി ബാക്ടീരിയൽ, വിരുദ്ധ ബാഹ്യാവിഷ്ക്കാര ഗുണങ്ങളുമുണ്ട്.
തേൻ : ജലദോഷം, രോഗശാന്തി, ആൻറി ബാക്ടീരിയൽ, ആന്റിമൈക്രോബയൽ ഗുണങ്ങൾ ജലദോഷത്തെ ചികിത്സിക്കാൻ ഏറ്റവും ഫലപ്രദമാണ്.
ചുവന്ന മുളക്: സൈനസെറ്റിസിനെ ഇല്ലാതാക്കുന്നു.
ഇഞ്ചി : തൊണ്ടയിലെ വേദനയും തരിതരിപ്പും ശമിപ്പിക്കുകയും രക്തചംക്രമണം മെച്ചപ്പെടുത്തുകയും ചെയ്യുന്നതിലൂടെ ജലദോഷത്തിന്റെയും പനിയുടെയും ലക്ഷണങ്ങളെ ലഘൂകരിക്കുന്നു.
മഞ്ഞൾ : ശരീരവീക്കം കുറയ്ക്കുന്നു.
കുരുമുളക് : കഫത്തെ അയവുള്ളതാക്കി പുറന്തള്ളാൻ സഹായിക്കുന്നു.
തർക്കാരികിഴങ്ങ് : ബ്രോങ്കൈറ്റിസ്, ജലദോഷം, അലർജികൾ എന്നിവയുമായി ബന്ധപ്പെട്ട് നെഞ്ചിലുണ്ടാകുന്ന തിരക്ക് ഒഴിവാക്കാൻ സഹായിക്കും.
വെളുത്തുള്ളി : തണുപ്പിൽ നിന്നും നെഞ്ചിലെ തിരക്കിൽ നിന്നും ഒഴിവാക്കുന്നു.
സവാള: കഫത്തിൻ്റെ കൂടുതൽ വികസനം തടയുകയും ഇതിനെ ലയിപ്പിച്ചു കളയുകയും ചെയ്യുന്നു. ഇതിലെ ആന്റിമൈക്രോബയൽ ഗുണങ്ങൾ അണുബാധ തടയാനും സഹായിക്കുന്നു.
യൂക്കാലിപ്റ്റസ്, വെളിച്ചെണ്ണ അവശ്യ എണ്ണകൾ : കഫം നീക്കം ചെയ്ത് ശരീരവും ശ്വാസകോശവും വൃത്തിയാക്കും. പ്രകോപിതമായ തൊണ്ടയിലെ ലക്ഷണങ്ങളെ പരിഹരിക്കാനും സഹായിക്കും.