വീട്ടിനുള്ളിലെ പൊടിയും ഗന്ധവുമാണോ പ്രശ്നം? വഴിയുണ്ട്!
പലപ്പോഴും വീട്ടിലുള്ള പലർക്കും ചുമ, ജലദോഷം മൂക്കടപ്പ് പോലെയുള്ളവ വരുന്നത് പൊടി കാരണമായിരിക്കും. ഇത് നമ്മൾ സൂക്ഷിച്ചില്ലെങ്കിൽ ഒരു പക്ഷെ നമ്മുടെ ആരോഗ്യത്തിന് തന്നെ വില്ലനായി മാറാനുള്ള സാധ്യത കൂടുതലാണ്.
Samayam Malayalam 5 Dec 2019, 4:56 pm
പലപ്പോഴും പല വീടുകളിലെയും പ്രശ്നങ്ങളിൽ ഒന്നാണ് പൊടിയും ഗന്ധവും. പലവീടുകളിലും കയറിയാൽ തന്നെ നമുക്ക് മനസ്സിലാക്കാൻ സാധിക്കും, ഒരു പ്രത്യേക തരം ഗന്ധം. എന്തൊക്കെ ചെയ്തിട്ടും ഇത് മാറുന്നില്ലെന്ന പരാതിക്കാരായിരിക്കും. ചില വിടൂകളിലാകട്ടെ പുസ്തക ഷെൽഫും അലമാരകളും പൊടി നിറഞ്ഞ് കിടപ്പുണ്ടാകും. എങ്ങനെയാണ് ഇതിനെയൊക്കെ വൃത്തിയാക്കുക എന്ന് പല വീട്ടമ്മമമാരും തല പുകഞ്ഞ് ആലോചിക്കുന്നുണ്ടാകും.
Also read: നിങ്ങളുടെ ചോര കുടിക്കുന്ന ഈ 'ഡ്രാക്കുള'യെ തുരത്താനുള്ള വഴികള്!
പലപ്പോഴും വീട്ടിലുള്ള പലർക്കും ചുമ, ജലദോഷം മൂക്കടപ്പ് പോലെയുള്ളവ വരുന്നത് തന്നെ ഇത്തരത്തിലുള്ള പൊടി കാരണമായിരിക്കും. ഇത് നമ്മൾ സൂക്ഷിച്ചില്ലെങ്കിൽ ഒരു പക്ഷെ നമ്മുടെ ആരോഗ്യത്തിന് തന്നെ വില്ലനായി മാറാനുള്ള സാധ്യത കൂടുതലാണ്. എങ്ങനെയാണ് ഇത്തരത്തിലുള്ള ദുർഗന്ധവും പൊടികളും ഇല്ലാതാക്കാം എന്ന് നമുക്ക് നോക്കാം. പല വീടുകളിലും റും സ്പ്രേകളും മറ്റും ഉപയോഗിച്ചാണ് ദുർഗന്ധങ്ങളെ അകറ്റുന്നത്. എന്നാൽ ഇത് വളരെ ചുരുങ്ങിയ നേരത്തേക്ക് മാത്രമായിരിക്കും. എന്നാൽ എല്ലാ കാലത്തും ഇത്തരത്തിലുള്ള ദുർഗന്ധങ്ങളും പൊടിയും ഇല്ലാതാക്കാനുള്ള പൊടിക്കൈകൾ നമുക്ക് നോക്കാം.
പലപ്പോഴും വീടുകളിലുള്ള അനാവശ്യ സാധന സാമഗ്രികളായിരിക്കും ഇത്തരത്തിലുള്ള ദുർഗന്ധങ്ങൾക്കും പൊടികൾക്കും കാരണക്കാർ. ഇത് ഇല്ലാതാക്കിയാൽ തന്നെ ഒരു പരിധി വരെ നമുക്ക് പൊടിയിൽ നിന്നും ദുർഗന്ധത്തിൽ നിന്നും വീടിനെ രക്ഷിച്ചെടുക്കാൻ സാധിക്കും. പല വീടുകളിലും സാധന സാമഗ്രികളും ഉടുപ്പുകളും പുസ്തകങ്ങളുമൊക്കെ വാരി വലിച്ചിട്ടിട്ടുണ്ടാകും. ഇത് വളരെ ഏറെ പ്രശ്നങ്ങൾ ഉണ്ടാക്കുന്നു എന്ന് അറിഞ്ഞിരിക്കുക. ഇത്തരത്തിൽ സാധനങ്ങളും വസ്ത്രങ്ങളും മറ്റും വാരിവലിച്ചിടുന്നതിലൂടെ അവുക്കും പൊടിയും ദുർഗന്ധവും കുമിഞ്ഞു കൂടാനുള്ള സാധ്യത വളരെ കൂടുതലാണ് എന്ന് അറിഞ്ഞിരിക്കുക. അത് കൊണ്ട് തന്നെ വീട്ടിൽ ആവശ്യമില്ലാത്ത സാധനങ്ങളെ വളരെ പെട്ടെന്ന് തന്നെ ഒഴിവാക്കുക. വസ്ത്രങ്ങളും മറ്റും വളരെ പെട്ടെന്ന് തന്നെ അലക്കിയിടാൻ ശ്രദ്ധിക്കുക. ഇത്തരത്തിൽ ചെയ്യുമ്പോൾ വളരെ പെട്ടെന്ന് തന്നെ നമുക്ക് ഈ പ്രശ്നത്തിന് പരിഹാരം കാണാൻ സാധിക്കും.
പൊടി അടിക്കുമ്പോൾ: പൊടി അടിച്ച് വൃത്തിയാക്കുമ്പോൾ ശ്രദ്ധിക്കേണ്ട കാര്യം എന്താണെന്ന് വെച്ചാൽ മേലെ നിന്ന് താഴോട്ട് അടിക്കുക. ഒരിക്കലും താഴെ നിന്ന് തുടങ്ങരുത്.
പൊടി അടിച്ച ശേഷം: പൊടി അടിച്ച് വൃത്തിയാക്കിയ ശേഷം എന്തെങ്കിലും നീക്കം ചെയ്യാതെ പൊടികൾ അവശേഷിക്കുന്നുവെങ്കിൽ അവയെ മാറ്റുന്നതിനായി വാക്യും ചെയ്യുക. ഇത്തരത്തിൽ ചെയ്യുമ്പോൾ പൊടികൾ വീട്ടിൽ നിന്ന് ഇല്ലാതാക്കാൻ സാധിക്കും.
Also read: ആര്ത്തവ വേദന സഹിക്കാന് പറ്റുന്നില്ലെങ്കില് പാലില് മഞ്ഞള് ചേര്ത്ത് കുടിച്ചു നോക്കൂ!
പൊടി, ദുർഗന്ധം: പൊടി ദുർഗന്ധം എന്നിവയെ തടയാൻ കുറഞ്ഞത് 10 മിനിറ്റ് എങ്കിലും ജാലകങ്ങൾ തുറന്നിടുക. ജാലകങ്ങൾ തുറന്ന് കൊണ്ട് വീട് വൃത്തിയാക്കുക. ഇത്തരത്തിൽ ചെയ്യുന്നതിലൂടെ വളരെ പെട്ടെന്ന് തന്നെ വീട്ടിൽ നിന്ന് പൊടിയും ഗന്ധവും അകറ്റാൻ സാധിക്കും.
വീട്ടിൽ കൂടെക്കൂടെ പൊടി അടിഞ്ഞു കൂടുന്നു എന്നതാണോ നിങ്ങളുടെ പ്രശ്നം? വീട്ടിൽ ദുർഗന്ധം തളം കെട്ടി നിൽക്കുന്നുണ്ടോ? എങ്കിൽ പരിഹാരമുണ്ട്. ഈ രണ്ട് കാര്യങ്ങൾക്കും നിങ്ങൾ ആദ്യം ചെയ്യേണ്ടത് കഴിയുന്നിടത്തോളം ജനാലകൾ തുറന്നിടു എന്നതാണ്. പൊടി തടയുന്നതിനും ദുർഗന്ധമകറ്റുന്നതിനും വായുവിന്റെ ശുദ്ധി അത്യാന്താപേക്ഷിതമാണ്. തണുത്ത കാലാവസ്ഥയിൽ നവോന്മേഷമുള്ള ശുദ്ധ വായു ലഭിക്കുന്നതിന് വേണ്ടിയാണ് ഇത്. ഇത്തരത്തിൽ ചെയ്യുമ്പോൾ വളരെ പെട്ടെന്ന് തന്നെ ദുർഗന്ധവും പൊടിയും മാറിക്കിട്ടാനുള്ള സാധ്യത ഉണ്ട്.
വീടുകളിലെ ദുർഗന്ധമകറ്റാൻ വായു ശുദ്ധീകരിക്കുന്ന എന്തെങ്കിലും സംവിധാനത്തെ പരിഗണിക്കുന്നത് നല്ലതാണ്. പൂർണ്ണമായു ഫലപ്രദമാക്കുന്നതിനു വേണ്ടി അവയെ എല്ലാ മുറിയിലും സജ്ജീകരിക്കാൻ ശ്രദ്ധിക്കുക. ഇത് നിങ്ങളുടെ വീട്ടിലെ ദുർഗന്ധങ്ങൾ അകറ്റാൻ സഹായിക്കും.
Also read: ഇനി തേക്കുമ്പോള് ഇക്കാര്യങ്ങള് ശ്രദ്ധിക്കുക!
പൊടികളുടെയും അനാവശ്യ ഗന്ധത്തിന്റെയും ഏറ്റവും വലിയ സങ്കേതങ്ങളാണ് അപഹോൾസ്റ്ററികളും പരവതാനികളും. അത് കൊണ്ട് ലെതർ ഉപയോഗിച്ചുള്ള സെറ്റികൾ വീട്ടിൽ മാറ്റി സ്ഥാപിക്കാൻ ശ്രദ്ധിക്കുക. പരവതാനികൾക്ക് പകരം കട്ടിയുള്ള തറ പണിയുക. തുണികൊണ്ടുള്ള മറവിരിപ്പുകൾക്കു പകരം ബ്ലൈൻഡുകൾ ഉപയോഗിക്കുക. കൂടാതെ കിടക്കയിൽ ഉപയോഗിക്കുന്ന തലയിണയും പുതപ്പും കഴുകാൻ ശ്രദ്ധിക്കുക തുടങ്ങിയ കാര്യങ്ങൾ ശ്രദ്ധിച്ചാൽ തന്നെ നിങ്ങളുടെ വീട് വൃത്തിയോടെയും ദുർഗന്ധമില്ലാതെയും സൂക്ഷിക്കാൻ സാധിക്കും.
വീട്ടിലെ ദുർഗന്ധങ്ങളും പൊടികളും അകറ്റാൻ നമ്മൾ തന്നെയാണ് ശ്രദ്ധിക്കേണ്ടത്. പലപ്പോഴും വീട്ടിലുള്ള ആൺകുട്ടികളുടെ മുറിയിൽ പോയാൽ നമുക്ക് കാണാൻ സാധിക്കുന്നത് എന്താണെന്ന് വെച്ചാൽ വാരിവലിച്ചിട്ടിരിക്കുന്ന വസ്ത്രങ്ങളും ഉപകരണങ്ങളുമൊക്കെയായിരിക്കും. ഇത്തരത്തിലുള്ള മുറികളിൽ നിന്നും മറ്റുമാണ് ദുർഗന്ധങ്ങൾ ഉണ്ടാകുന്നത് എന്ന് അറിഞ്ഞിരിക്കുക. അത് കൊണ്ട് തന്നെ മുറികളും മറ്റും നല്ല വൃത്തിയോടെ സൂക്ഷിക്കാൻ ശ്രദ്ധിക്കുക.