യാത്രകൾ ഇഷ്ടപ്പെടാത്തവർ ഉണ്ടോ? വർഷാവസാനത്തിന് മുന്നോടിയായി പലരും യാത്രകൾ പ്ലാൻ ചെയ്യുന്ന സമയമാണിത്. ട്രെക്കിങ്ങും ക്യാമ്പിങ്ങും പിക്നിക്കും എന്ന് വേണ്ട പല തരത്തിലുള്ള സഞ്ചാരങ്ങൾക്ക് തയ്യാറെടുക്കുകയാണ് നമ്മളിൽ പലരും, അല്ലെ? കാത്തിരുന്ന് ലഭിച്ച അവധിക്കാലം, വളരെ സൂക്ഷ്മതയോടെ തിരഞ്ഞെടുത്ത ഡെസ്റ്റിനേഷൻ. എന്നാൽ ഇത്തരം യാത്രകളുടെ രസംകൊല്ലിയായി ഒരാളെത്തും. കൊതുക്!
യാത്രകളുടെ കാര്യം തത്കാലം മാറ്റി നിർത്താം. വീട്ടിലായിരിക്കുമ്പോൾ പോലും ഒരു പ്രാണി നമ്മെ വിടാതെ പിന്തുടരുന്നുണ്ട് എങ്കിൽ അത് ഈ കൊതുകാണ്. കൊതുക് പരത്തുന്ന രോഗങ്ങൾ കൂടിയതോടെ, കൊതുകിനെ ഭയന്ന് ഒരു സമയം കഴിഞ്ഞാൽ വീടിനു പുറത്തിറങ്ങാത്തവരുമുണ്ട് നമുക്കിടയിൽ. അതെ സമയം വീടിനുള്ളിലെ കൊതുകിനെ തുരത്താൻ പല മാർഗ്ഗങ്ങളും നാം പരീക്ഷിക്കാറുണ്ട്. പ്രത്യേകിച്ചും വൈകുന്നേരങ്ങളിലാണ് കൊതുകു ശല്യം രൂക്ഷമാകുന്നത്. കുന്തിരിക്കം പുകച്ചും ചകിരിത്തൊണ്ട് കത്തിച്ചുമൊക്കെ പലരും കൊതുകിനെ പടിക്ക് പുറത്ത് നിർത്താൻ പല മാർഗ്ഗങ്ങളും പരീക്ഷിക്കാറുണ്ട്. കൊതുക് ശല്യം രൂക്ഷമായ സ്ഥലങ്ങളിൽ മിക്ക വീടുകളിലും വളരെ നേരത്തെ തന്നെ ജനാലകളും വാതിലുകളും അടച്ചിടും. എന്നാലും എന്തെങ്കിലും വിടവിലൂടെ ഈ വില്ലന്മാർ അകത്തു കടന്നിരിക്കും.
എന്നാൽ ഇനി കൊതുകുണ്ടെങ്കിൽ ധൈര്യമായിരുന്നോളൂ... നിങ്ങളുടെ ചുറ്റും പറന്നു നടന്നാലും ഈ പ്രാണി മേലിൽ നിങ്ങളെ തൊടാൻ ധര്യം കാണിക്കില്ല. എങ്ങനെയെന്നല്ലേ? ചില കൊതുക് നിവാരണ ഉപാധികൾ തന്നെ. എന്നാൽ ഇവ നിങ്ങൾ വിപണിയിൽ സാധാരണ ലഭിക്കുന്നവയല്ല. വീട്ടിൽ തന്നെ തയ്യാറാക്കുന്ന പാർശ്വഫലങ്ങൾ ഒട്ടും ഇല്ലാത്ത മോസ്ക്വിറ്റോ റിപ്പല്ലന്റുകൾ! ഇവ തയ്യാറാക്കാൻ നിങ്ങൾക്ക് ആകെ വേണ്ടത് ചില അവശ്യ എണ്ണകൾ മാത്രമാണ്. ഇവ എങ്ങനെ തയാറാക്കാം എന്ന് നോക്കിയാലോ?
Also read: നിങ്ങളുടെ ചോര കുടിക്കുന്ന ഈ 'ഡ്രാക്കുള'യെ തുരത്താനുള്ള വഴികള്!
പ്രകൃതിദത്ത കൊതുക് നിവാരണ മാർഗ്ഗങ്ങൾ (Mosquito Repellents)
1. ലെമൺ - യൂക്കാലിപ്റ്റസ് ഓയിൽ
ഇത് തയ്യാറാക്കാൻ നിങ്ങൾക്ക് വേണ്ടത്:
10 ml ലെമൺ - യൂക്കാലിപ്റ്റസ് ഓയിൽ
90 ml ഒലിവ് എണ്ണ അല്ലെങ്കിൽ വെളിച്ചെണ്ണ
ഉപയോഗിക്കേണ്ട വിധം
ഈ രണ്ട് എണ്ണകളും മേൽ പറഞ്ഞ അളവിൽ നന്നായി യോജിപ്പിച്ച് ഒരു കുപ്പിയിൽ സൂക്ഷിക്കാം. എന്നിട്ട് ആവശ്യാനുസരണം ശരീരത്തിൽ പുരട്ടാം. കൊതുക് ആ ഭാഗത്തേയ്ക്ക് വരില്ല. നിങ്ങൾ പുറത്താണെങ്കിൽ ഈ എണ്ണ പുറത്തു കാണുന്ന ശരീരഭാഗങ്ങളിൽ പുരട്ടിക്കൊടുക്കാം.
ലെമൺ - യൂക്കാലിപ്റ്റസ് എണ്ണയിൽ സിട്രോൺലാൽ (citronellal), -Menthane-3,8-ഡിയോൾ (PMD) തുടങ്ങിയ ഘടകങ്ങൾ അടങ്ങിയിട്ടുണ്ട്. ഇതിൽ സിട്രോൺലാൽ കൊതുകുകളെ തുരത്താൻ സഹായിക്കുന്ന മികച്ച പ്രതിവിധിയായി പ്രവർത്തിക്കുമ്പോൾ PMD എണ്ണ ഘടകം ഏത് തരാം പ്രാണികൾക്കെതിരെയും പോരാടുന്നു.
വേണ്ടത്:
10 - 12 തുള്ളി പെപ്പർമിന്റ് ഓയിൽ
30 ml വെളിച്ചെണ്ണ
ഉപയോഗിക്കേണ്ട വിധം
മേല്പറഞ്ഞ ചേരുവകൾ രണ്ടും നന്നായി യോജിപ്പിച്ച ശേഷം കൈകളിലും കാലുകളിലും പുരട്ടാം. വീട്ടിലിരിക്കുമ്പോഴോ, അതല്ലെങ്കിൽ പുറത്ത് പോകുമ്പോഴോ ഈ മിശ്രിതം ഉപയോഗിക്കാവുന്നതാണ്. പെപ്പർമിന്റ് ഓയിൽ വെളിച്ചെണ്ണയുടെ സംയോജിപ്പിക്കുമ്പോൾ സ്വാഭാവികമായും ശക്തമായ ഒരു കൊതുക് നിവാരണ പ്രതിവിധി രൂപപ്പെടുകയാണ്.പെപ്പർമിന്റിൽ അടങ്ങിയിരിക്കുന്ന ലിമോണെൻ, മെന്തോൾ പോലുള്ളവ കൊതുകുകളെ അകറ്റി നിർത്തും. വെളിച്ചെണ്ണയിൽ അടങ്ങിയിരിക്കുന്ന അൺസാച്വറേറ്റഡ് ഫാറ്റി ആസിഡുകളും മറ്റ് ഘടകങ്ങളും പെപ്പർമിന്റ് ഓയിൽ ശരീരത്തിൽ വളരെ ആഗിരണം ചെയ്യപ്പെടുന്നത് തടയുന്നു.
Also read: ഇനി മുടിയുടെ അറ്റം പിളരില്ല; ഈ കാര്യങ്ങൾ ചെയ്താൽ മതി
3. വേപ്പെണ്ണ + വെളിച്ചെണ്ണ
ആവശ്യമായ ചേരുവകൾ:
10 തുള്ളി വേപ്പെണ്ണ
30 ml വെളിച്ചെണ്ണ
ഉപയോഗിക്കേണ്ട വിധം
വേപ്പെണ്ണയും വെളിച്ചെണ്ണയും മേല്പറഞ്ഞ അളവിൽ യോജിപ്പിച്ചെടുത്ത ശേഷം ശരീരത്തിൽ പുരട്ടുക എന്നത് മാത്രമേ നിങ്ങൾ ചെയ്യേണ്ടതുള്ളൂ. മികച്ച ഫലം ലഭിക്കാൻ ദിവസത്തിൽ രണ്ട് തവണ എങ്കിലും ഇത് ശരീരത്തിൽ പ്രയോഗിക്കാം. വേപ്പിൽ പ്രകൃതിദത്തമായ സ്വാഭാവിക കൊതുക് നിവാരണ ഘടകങ്ങൾ അടങ്ങിയിട്ടുണ്ട്. കൂടാതെ മികച്ച സുഗന്ധവും പ്രധാനം ചെയ്യും. വെളിച്ചെണ്ണയുടെയും വേപ്പണ്ണയുടെയും സംയോജനം കൊതുകിനെ മാത്രമല്ല, മറ്റ് ചെറുപ്രാണികളും നിങ്ങളുടെ ശരീരത്തിലേയ്ക്ക് അടുക്കുന്നത് തടയും.
വേണ്ടത്:
50 ml ആപ്പിൾ സിഡാർ വിനെഗർ
50 ml വെള്ളം
10-12 തുള്ളി അവശ്യ എണ്ണ (clove, citronella, eucalyptus oil ഇവയിൽ ഏതെങ്കിലും)
ഉപയോഗിക്കേണ്ട വിധം
ഈ മിശ്രിതം തയ്യാറാക്കാൻ ആദ്യമായി ആപ്പിൾ സിഡാർ വിനെഗർ വെള്ളത്തിൽ യോജിപ്പിച്ച ശേഷം നിങ്ങൾ തിരഞ്ഞെടുത്ത അവശ്യ എണ്ണയുമായി ചേർക്കുക. നന്നായി യോജിപ്പിക്കുക. അതിനു ശേഷം ഈ മിശ്രിതം ഒരു സ്പ്രേ ബോട്ടിലിൽ സൂക്ഷിക്കാവുന്നതാണ്. ആവശ്യത്തിനനുസരിച്ച് നിങ്ങളുടെ ചർമ്മത്തിലേയ്ക്ക് ഈ മിശ്രിതം സ്പ്രേ ചെയ്യുക. കൊതുകിനെ അകറ്റാനുള്ള മികച്ച മാർഗ്ഗമാണിത്. ആപ്പിൾ സിഡാർ വിനെഗർ നേരിട്ട് ചർമ്മത്തിൽ പ്രയോഗിക്കുന്നത് ഹാനികരമായതിനാലാണ് വെള്ളത്തിൽ ലയിപ്പിച്ച് ശേഷം ഉപയോഗിക്കുന്നത്. ആപ്പിൾ സിഡാർ വിനഗറിൽ കൊതുകിനെ തുരത്താൻ ശക്തിയുള്ള മികച്ച ഘടകങ്ങൾ അടങ്ങിയിട്ടുണ്ട്.
Also read: ആർത്തവ കാലത്തെ വേദന ഇല്ലാതാക്കാൻ എന്ത് ചെയ്യണം?
വേണ്ടത്:
10 തുള്ളി ടീ ട്രീ ഓയിൽ
30 ml വെളിച്ചെണ്ണ
ഉപയോഗിക്കേണ്ട വിധം
ഈ പ്രതിപാദിച്ചിരിക്കുന്ന അളവിൽ ഇവ രണ്ടും നന്നായി യോജിപ്പിച്ച് എടുക്കുക. ശേഷം നിങ്ങളുടെ ചർമ്മത്തിൽ പുരട്ടാവുന്നതാണ്. ടീ ട്രീ ഓയിലിൽ ധാരാളം ഔഷധ ഗുണങ്ങൾ ഉണ്ട്. ഇതിന്റെ അതിശക്തമായ ആന്റിസെപ്റ്റിക്, ആന്റി ഇൻഫ്ലമേറ്ററി സവിശേഷതകൾ കൊതുകുകളെ നിങ്ങളിൽ നിന്ന് അകറ്റി നിർത്താൻ സഹായിക്കും. കൊതുകടിയേറ്റ സാഹചര്യമാണ് ഉള്ളതെങ്കിൽ ഈ മിശ്രിതം പുരട്ടിയാൽ മതിയാകും. ടീ ട്രീ ഓയിലിന് വീര്യം കൂടുതലായതിനാലാണ് വെളിച്ചെണ്ണയുടെ സംയോജിപ്പിച്ച ശേഷം ഉപയോഗിക്കുന്നത്.