ഗര്‍ഭധാരണത്തിന് യൂട്രസ്
ഗര്‍ഭധാരണത്തിന് യൂട്രസ് അനുകൂലമായിരിയ്ക്കുകയെന്നത് ഏറെ പ്രധാനമായ ഘടകമാണ്. സ്ത്രീ ശരീരത്തിലെ അണ്ഡവും പുരുഷനിലെ ബീജവും ഫെല്ലോപിയന്‍ ട്യൂബില്‍ വച്ച് സംയോജിയ്ക്കുന്നു. പിന്നീടിത് ഫെല്ലോപിയന്‍ ട്യൂബിലൂടെ സഞ്ചരിച്ച് യൂട്രസിലെത്തുന്നു. യൂട്രസിന്റെ ഭിത്തിയില്‍ ഇത് പറ്റിപ്പിടിച്ചു വളരാന്‍ തുടങ്ങുമ്പോഴാണ് ശരിയായ ഗര്‍ഭധാരണം എന്നു പറയാനാകൂ. ഇതിനാണ് ഇംപ്ലാന്റേഷന് എന്നു പറയുന്നത്. ഗര്‍ഭം ഉറയ്ക്കുന്ന ഘട്ടമെന്നു പറയാം.
ഗര്‍ഭധാരണത്തെ സഹായിക്കുന്നതില്‍
ഗര്‍ഭധാരണത്തെ സഹായിക്കുന്നതില്‍ ചില കാര്യങ്ങള്‍ സഹായകമാകുന്നു. ഇതിലൊന്നാണ് കാലില്‍ ഓവുലേഷന്‍ സമയത്ത് സോക്‌സ് ഇടുക എന്നത്. സോക്‌സ് ധരിയ്ക്കുമ്പോള്‍ നമ്മുടെ കാല്‍ ഭാഗം ചൂടാകുന്നു. കാലിലെ ചൂട് ശരീരത്തിലേയ്ക്കു കടക്കുന്നു. അതായത് കാല്‍ ചൂടാകുമ്പോള്‍ ശരീരം ചൂടാകുന്നു. ഇത് ശരീരത്തിലെ രക്തപ്രവാഹം വര്‍ദ്ധിപ്പിയ്ക്കുന്നു. പാദത്തിന്റെ ടെംപറേച്ചര്‍ വയറിന്റെ, യൂട്രസിന്റെ ടെംപറേച്ചറുമായി ബന്ധപ്പെട്ടിരിയ്ക്കുന്നു. പ്രത്യേകിച്ചും യൂട്രസിലേയ്ക്കുള്ള രക്തപ്രവാഹം. ഇത് ഗര്‍ഭധാരണത്തിന് അനുകൂലമായ ഘടകമാണ്. മാത്രമല്ല, സ്ത്രീയുടെ കാലിലെ നാഡികള്‍ യൂട്രസുമായി ബന്ധപ്പെട്ടിരിയ്ക്കുകയും ചെയ്യുന്നു. ഇതാണ് ഗര്‍ഭധാരണ ശേഷി വര്‍ദ്ധിപ്പിയ്ക്കാന്‍ സോക്‌സ് സഹായിക്കുമെന്നു പറയുന്നത്.
യൂട്രസിന്റെ തണുപ്പ്
യൂട്രസിന്റെ തണുപ്പ് അതായത് കോള്‍ഡ് യൂട്രസ് എന്നത് ഗര്‍ഭധാരണത്തിന് തടസം നില്‍ക്കുന്ന ഘടകമാണ്. ചൈനീസ് മെഡിസിന്‍ പ്രകാരം തണുപ്പെന്നത് യൂട്രസിനെ പ്രതികൂലമായി ബാധിയ്ക്കുന്നു. ഇത് സ്ത്രീകളിലെ വന്ധ്യതയ്ക്കു വഴിയൊരുക്കുന്നു. ശരീരത്തിന് ചൂടുണ്ടാകുന്നത് രക്തപ്രവാഹം നടക്കുന്നുവെന്നതിന്റെ സൂചന കൂടിയാണ്. യൂട്രസിലെ രക്തപ്രവാഹം ഗര്‍ഭധാരണത്തിന് അനുകൂലമായ സംഗതിയാണ്. രക്തപ്രവാഹം കുറയുന്നത് ഗര്‍ഭധാരണത്തിന് തടസവും. അപ്പോള്‍ സ്വാഭാവികമായും യൂട്രസിന്റെ തണുപ്പ്, കോള്‍ഡ് യൂട്രസ് ഗര്‍ഭധാരണത്തെ വിപരീതമായി ബാധിയ്ക്കുന്നു.കോള്‍ഡ് യൂട്രസ് തടയാനുള്ള ഒരു വഴിയാണ് കാലില്‍ സോക്‌സ് ധരിയ്ക്കുന്നത്.
ഓവുലേഷന്‍ സമയത്ത്
ഓവുലേഷന്‍ സമയത്ത്, പ്രത്യേകിച്ചു ബന്ധപ്പെടുന്ന സമയത്തും ശേഷവും സ്ത്രീ സോക്‌സിടുന്നത് സ്ത്രീയിലെ ഗര്‍ഭധാരണ സാധ്യത വര്‍ദ്ധിപ്പിയ്ക്കുന്നുവെന്ന് സയന്‍സ് പറയുന്നു. സ്ത്രീയില്‍ പെട്ടെന്നു ഗര്‍ഭധാരണം നടക്കുവാന്‍ സയന്‍സ് പറയുന്ന ഒരു വഴിയാണ് ഓവുലേഷന്‍ സമയത്തു പ്രധാനമായും സോക്‌സ് ധരിയ്ക്കുകയെന്നത്. ഇതിലൂടെ യൂട്രസിലേയ്ക്കുള്ള രക്തപ്രവാഹം വര്‍ദ്ധിയ്ക്കുകയും ചെയ്യുന്നു. ഇംപ്ലാന്റേഷന് മാത്രമല്ല, ഗര്‍ഭധാരണം നടക്കാനും ആവശ്യത്തിനുള്ള രക്തപ്രവാഹം അത്യാവശ്യമാണ്.പ്രത്യേകിച്ചും ഓവുലേഷന്‍ സമയത്തും ഇംപ്ലാന്റേഷന് നടക്കാന്‍ സാധ്യതയുള്ള ഓവുലേഷന്‍ ശേഷം 10-12 ദിവസങ്ങളിലും സോക്‌സ് ഇടുന്നത് ഗര്‍ഭധാരണ സാധ്യത വര്‍ദ്ധിപ്പിയ്ക്കുന്ന ഒരു ഘടകമാണ്. മുടി കൊഴിച്ചിലോ, ഈ വൈറ്റമിനുകള്‍ പരീക്ഷിയ്ക്കൂ