Skincare After Delivery : അമ്മയാകാൻ ഒരുങ്ങുന്നത് ഏതൊരു സ്ത്രീയെ സംബന്ധിച്ചും ആഹ്ലാദകരമായ വേളയാണ്. കുഞ്ഞുവാവയെ വരവേൽക്കാനുള്ള തയ്യാറെടുപ്പുകൾ നടത്തുന്നത് അത്രമേൽ മനോഹരമായ കാര്യവും. ഒരു ഗർഭിണിയും ജീവിക്കുന്നത് ഉദരത്തിലെ തുടിപ്പിന്റെ താളത്തിനോട് ചേർന്നാണ്. അത്രത്തോളം മഹത്തരമായ മറ്റൊന്നില്ല. കുഞ്ഞതിഥിയെ പ്രതീക്ഷിച്ചുള്ള കാത്തിരിപ്പ് അവളെ സംബന്ധിച്ച് ഏറെ ആകാംക്ഷയുടെ കാലം കൂടിയാണ്. മാസങ്ങളുടെ കാത്തിരിപ്പിന് ശേഷം കുഞ്ഞ് ജീവൻ അമ്മയുടെ കൈകളിലെത്തുമ്പോൾ, വലിയൊരു ദൗത്യം പൂർത്തിയാക്കിയതിന്റെ ആത്മ നിർവൃതി അവൾ അനുഭവിക്കുന്നുണ്ടാകും. ഗർഭകാലം ഓരോ സ്ത്രീയെ സംബന്ധിച്ചും പ്രതീക്ഷയുടെയും കാത്തിരിപ്പിന്റെയും സമയമാണെങ്കിൽ, പ്രസവശേഷം ശരീരഭംഗി എങ്ങനെ വീണ്ടെടുക്കാം എന്ന് ആശങ്കപ്പെടുന്നവരാണ് കൂടുതൽ പേരും. ഗർഭകാലത്ത് ശരീരം പല വിധ മാറ്റങ്ങൾക്ക് വിധേയമാകുന്നു. ചർമ്മത്തിലുണ്ടായ മാറ്റങ്ങൾ, മുടിയുമായി ബന്ധപ്പെട്ട പ്രശ്നങ്ങൾ, പ്രസവശേഷം വയർ എങ്ങനെ ഒതുക്കും എന്ന ചിന്ത അങ്ങനെ ഓരോന്നും വെല്ലുവിളി നിറഞ്ഞ കാര്യങ്ങളാണ്. ഇതുകൂടാതെ വയറിൽ പ്രത്യക്ഷപ്പെട്ട സ്ട്രെച്ച് മാർക്കുകൾ എങ്ങനെ നീക്കം ചെയ്യണം എന്നതും പലരെയും അലട്ടുന്ന കാര്യമാണ്.
പ്രസവശേഷം
ഒരു കുഞ്ഞിന് ജന്മം നൽകിയ ശേഷം ഗർഭധാരണത്തിന് മുമ്പുണ്ടായിരുന്ന ശാരീരിക അവസ്ഥയിലേയ്ക്ക് തിരിച്ചെത്തുക എന്നത് അല്പം ബുദ്ധിമുട്ടുള്ള കാര്യമാണ്. എന്നിരുന്നാലും ഇത് അസാധ്യകരമായ ഒന്നല്ല എന്നതും ഓർക്കുക. ഇഷ്ടപ്പെട്ട പഴയ വസ്ത്രങ്ങൾ ധരിക്കാനും, പഴയ ശരീരപ്രകൃതി വീണ്ടെടുക്കാനും ഇനി കഴിയില്ല എന്നോർത്ത് വിഷമിച്ചിരിക്കേണ്ട. അതിനായി നിങ്ങൾ ശ്രദ്ധിക്കേണ്ടതും ചെയ്യേണ്ടതും ഇത്ര മാത്രം.
ചർമ്മഭംഗി വീണ്ടെടുക്കാൻ എക്സ്ഫോളിയേഷൻ
പ്രസവശേഷം വയറിലെ ചർമ്മം അയഞ്ഞ് തൂങ്ങിയതായി കാണപ്പെടാം. ചർമ്മത്തിന്റെ ഭംഗി വീണ്ടെടുക്കാനും ചർമ്മത്തിന് കൂടുതൽ ഉറപ്പ് ലഭിക്കാനും ഒരു സ്ക്രബ് ഉപയോഗിക്കാം. ഈ എക്സ്ഫോളിയേറ്റിംഗ് സ്ക്രബ് രക്തചംക്രമണം മെച്ചപ്പെടുത്താനും ചർമ്മം ആരോഗ്യവും ഭംഗിയുള്ളതുമാക്കാനും സഹായിക്കും. ഈ സ്ക്രബ് തയ്യാറാക്കാൻ രണ്ട് ടേബിൾസ്പൂൺ ഉപ്പ്, അര ടീസ്പൂൺ നാരങ്ങ നീര്, ഒരു മുട്ട വെള്ള എന്നിവ ചേർത്ത് നന്നായി യോജിപ്പിച്ചെടുക്കുക. ഇനി ഇതുപയോഗിച്ച് വയറിന് മുകളിൽ മസാജ് ചെയ്യുക. മുട്ടയുടെ വെള്ള ചർമ്മത്തെ ശക്തമാക്കാൻ സഹായിക്കുമ്പോൾ, ഉപ്പ് ചർമ്മത്തിലെ നിർജ്ജീവ കോശങ്ങളെ അകറ്റാൻ സഹായിക്കുന്നു. ഈ രീതി കൂടാതെ ഉപ്പ്, ഓട്സ് പൊടിച്ചത്, ഒലിവ് ഓയിൽ എന്നിവ ചേർത്തും മസാജ് ചെയ്യാം.
വയറിൽ പുരട്ടാൻ കറ്റാർ വാഴയും ഇഞ്ചിയും:
രണ്ട് ടേബിൾസ്പൂൺ ഇഞ്ചി ചതച്ചെടുത്തതിലേയ്ക്ക് ഒരു ടേബിൾ സ്പൂൺ കറ്റാർ വാഴ ജെൽ, നാരങ്ങ നീര്, തേൻ എന്നിവ ചേർത്ത് നന്നായി യോജിപ്പിക്കണം. ഇനി ഇതുപയോഗച്ച് വയറിൽ നന്നായി മസാജ് ചെയ്യുക. ഏകദേശം 20 മിനിറ്റ് കഴിഞ്ഞ് കഴുകി കളയാം.
കറ്റാർ വാഴയിൽ അടങ്ങിയിരിക്കുന്ന മാലിക് ആസിഡിന് ചർമ്മത്തിലെ കൊളാജനുമായി ചേർന്നു പ്രവർത്തിക്കാനും അതിന്റെ ഇലാസ്തികത മെച്ചപ്പെടുത്താനും സാധിക്കും. ഇഞ്ചി കൊഴുപ്പ് അലിയിച്ചു കളയാൻ സഹായിക്കുന്നു, തേനിന്റെ ആന്റി-ഏജിംഗ്, ആൻറി ഓക്സിഡൻറ് പ്രോപ്പർട്ടികൾ, ചർമ്മത്തിന് കൂടുതൽ ഉറപ്പേകാൻ സഹായിക്കുന്നു. നാരങ്ങാ കൊളാജന്റെ ഉത്പാദനം മെച്ചപ്പെടുത്തും. ഈ ചേരുവകളെല്ലാം ചേരുമ്പോൾ ചർമ്മത്തിന് കൂടുതൽ ഉറപ്പും ഭംഗിയും ലഭിക്കുന്നു.
ശരീരസൗന്ദര്യം വീണ്ടെടുക്കാൻ കഴിക്കേണ്ടത്
> ബ്രൊക്കോളി, ചീര, തക്കാളി, കുരുമുളക്, കാരറ്റ്, ബീറ്റ്റൂട്ട് തുടങ്ങിയ പച്ചക്കറികൾ എന്നിവയൊക്കെ ചർമ്മത്തെ ബലപ്പെടുത്താൻ സഹായിക്കുന്നു. ഈ പച്ചക്കറികൾ ചേർത്ത് സാലഡുകൾ തയ്യാറാക്കികഴിക്കാം. അല്ലെങ്കിൽ ജ്യൂസ് രൂപത്തിലും ഉപയോഗിക്കാം.
> ഓറഞ്ച്, സ്ട്രോബെറി, ബ്ലാക്ക്ബെറി, റാസ്ബെറി തുടങ്ങിയ ഫലങ്ങൾ ശരീരത്തിലെ കൊളാജന്റെ ഉത്പാദനം വർദ്ധിപ്പിക്കുന്നതിനും ആരോഗ്യകരമായ പോഷകങ്ങൾ നൽകുന്നതുമാണ്.
> ചിക്കൻ , മത്തങ്ങ വിത്തുകൾ, കൂൺ, കശുവണ്ടി മുതലായവയിൽ അടങ്ങിയിട്ടുള്ള സിങ്ക് ചർമ്മത്തിലെ പാടുകൾ നീക്കം ചെയ്യാനും ബലപ്പെടുത്താനും സഹായിക്കും.
> പ്രോട്ടീൻ അടങ്ങിയ ഭക്ഷണങ്ങളായ മുട്ട, ചിക്കൻ, പയറുവർഗ്ഗങ്ങൾ, സോയ പാൽ, ക്വിനോവ, മുളകൾ എന്നിവയും പേശികളെ മെച്ചപ്പെടുത്താൻ സഹായിക്കും.
ചർമ്മം ബലപ്പെടുത്താൻ മസാജ് തെറാപ്പി
മസ്സാജ് ചെയ്യുന്നത് ചർമ്മത്തിലെ രക്തയോട്ടം മെച്ചപ്പെടുത്തും. വയറിലെ പേശികൾക്ക് ബലം നൽകാൻ ഇത് മികച്ച മാർഗ്ഗമാണ്. രണ്ട് ദിവസം കൂടുമ്പോൾ ഏതെങ്കിലും മസ്സാജ് ഓയിൽ ഉപയോഗിച്ച് വയർ ഭാഗം മസ്സാജ് ചെയ്യാം. വെളിച്ചെണ്ണ, കടുകെണ്ണ, ബദാം ഓയിൽ എന്നിവയിലേതെങ്കിലും ഇതിനായി തിരഞ്ഞെടുക്കാം. അല്ലെങ്കിൽ രണ്ട് ടീസ്പൂൺ നാരങ്ങാ നീരിൽ ബദാം ഓയിൽ, റോസ് വാട്ടർ എന്നിവ ചേർത്തും മസാജ് തെറാപ്പി ചെയ്യാവുന്നതാണ്. ശേഷം ചൂടു വെള്ളത്തിൽ കുളിക്കുന്നത് അതിവേഗ ഫലം നൽകും.
വെള്ളം കുടിക്കണം; വ്യായാമം മുടക്കരുത്
ദിവസവും ഒരു മണിക്കൂർ എങ്കിലും വ്യായാമം ചെയ്യുന്നത് ശരീരത്തിന്റെ ഇലാസ്തികത വർദ്ധിപ്പിക്കുന്നതിന് വളരെയധികം സഹായിക്കും. വ്യായാമം ചെയ്യുമ്പോൾ വിയർപ്പിലൂടെ ശരീര ദ്രാവകങ്ങൾ നഷ്ടപ്പെടാൻ ഇത് കാരണമാകും. അതിനാൽ വെള്ളം ധാരാളമായി കുടിയ്ക്കാൻ ശ്രദ്ധിക്കണം. വെള്ളം കുടിക്കുന്നത് ജലാംശം നിലനിർത്തുക മാത്രമല്ല, ചർമ്മത്തിന്റെ ഇലാസ്തികതയും വഴക്കവും വർദ്ധിപ്പിക്കാനും സഹായിക്കുന്നു. ചെറു വ്യായാമങ്ങളിൽ നിന്ന് തുടങ്ങുന്നതാണ് നല്ലത്. ക്രമേണ രീതിയും വേഗവും മാറ്റി തുടങ്ങാം. നടത്തം, നീന്തൽ, ഓട്ടം തുടങ്ങിയ ചെറു വ്യായാമങ്ങളിൽ നിന്ന് തുടങ്ങിക്കോളൂ. പിന്നീട് എയറോബിക് പോലുള്ളവയും പരീക്ഷിക്കാം.
പ്രസവശേഷം
ഒരു കുഞ്ഞിന് ജന്മം നൽകിയ ശേഷം ഗർഭധാരണത്തിന് മുമ്പുണ്ടായിരുന്ന ശാരീരിക അവസ്ഥയിലേയ്ക്ക് തിരിച്ചെത്തുക എന്നത് അല്പം ബുദ്ധിമുട്ടുള്ള കാര്യമാണ്. എന്നിരുന്നാലും ഇത് അസാധ്യകരമായ ഒന്നല്ല എന്നതും ഓർക്കുക. ഇഷ്ടപ്പെട്ട പഴയ വസ്ത്രങ്ങൾ ധരിക്കാനും, പഴയ ശരീരപ്രകൃതി വീണ്ടെടുക്കാനും ഇനി കഴിയില്ല എന്നോർത്ത് വിഷമിച്ചിരിക്കേണ്ട. അതിനായി നിങ്ങൾ ശ്രദ്ധിക്കേണ്ടതും ചെയ്യേണ്ടതും ഇത്ര മാത്രം.
ചർമ്മഭംഗി വീണ്ടെടുക്കാൻ എക്സ്ഫോളിയേഷൻ
പ്രസവശേഷം വയറിലെ ചർമ്മം അയഞ്ഞ് തൂങ്ങിയതായി കാണപ്പെടാം. ചർമ്മത്തിന്റെ ഭംഗി വീണ്ടെടുക്കാനും ചർമ്മത്തിന് കൂടുതൽ ഉറപ്പ് ലഭിക്കാനും ഒരു സ്ക്രബ് ഉപയോഗിക്കാം. ഈ എക്സ്ഫോളിയേറ്റിംഗ് സ്ക്രബ് രക്തചംക്രമണം മെച്ചപ്പെടുത്താനും ചർമ്മം ആരോഗ്യവും ഭംഗിയുള്ളതുമാക്കാനും സഹായിക്കും. ഈ സ്ക്രബ് തയ്യാറാക്കാൻ രണ്ട് ടേബിൾസ്പൂൺ ഉപ്പ്, അര ടീസ്പൂൺ നാരങ്ങ നീര്, ഒരു മുട്ട വെള്ള എന്നിവ ചേർത്ത് നന്നായി യോജിപ്പിച്ചെടുക്കുക. ഇനി ഇതുപയോഗിച്ച് വയറിന് മുകളിൽ മസാജ് ചെയ്യുക. മുട്ടയുടെ വെള്ള ചർമ്മത്തെ ശക്തമാക്കാൻ സഹായിക്കുമ്പോൾ, ഉപ്പ് ചർമ്മത്തിലെ നിർജ്ജീവ കോശങ്ങളെ അകറ്റാൻ സഹായിക്കുന്നു. ഈ രീതി കൂടാതെ ഉപ്പ്, ഓട്സ് പൊടിച്ചത്, ഒലിവ് ഓയിൽ എന്നിവ ചേർത്തും മസാജ് ചെയ്യാം.
വയറിൽ പുരട്ടാൻ കറ്റാർ വാഴയും ഇഞ്ചിയും:
രണ്ട് ടേബിൾസ്പൂൺ ഇഞ്ചി ചതച്ചെടുത്തതിലേയ്ക്ക് ഒരു ടേബിൾ സ്പൂൺ കറ്റാർ വാഴ ജെൽ, നാരങ്ങ നീര്, തേൻ എന്നിവ ചേർത്ത് നന്നായി യോജിപ്പിക്കണം. ഇനി ഇതുപയോഗച്ച് വയറിൽ നന്നായി മസാജ് ചെയ്യുക. ഏകദേശം 20 മിനിറ്റ് കഴിഞ്ഞ് കഴുകി കളയാം.
കറ്റാർ വാഴയിൽ അടങ്ങിയിരിക്കുന്ന മാലിക് ആസിഡിന് ചർമ്മത്തിലെ കൊളാജനുമായി ചേർന്നു പ്രവർത്തിക്കാനും അതിന്റെ ഇലാസ്തികത മെച്ചപ്പെടുത്താനും സാധിക്കും. ഇഞ്ചി കൊഴുപ്പ് അലിയിച്ചു കളയാൻ സഹായിക്കുന്നു, തേനിന്റെ ആന്റി-ഏജിംഗ്, ആൻറി ഓക്സിഡൻറ് പ്രോപ്പർട്ടികൾ, ചർമ്മത്തിന് കൂടുതൽ ഉറപ്പേകാൻ സഹായിക്കുന്നു. നാരങ്ങാ കൊളാജന്റെ ഉത്പാദനം മെച്ചപ്പെടുത്തും. ഈ ചേരുവകളെല്ലാം ചേരുമ്പോൾ ചർമ്മത്തിന് കൂടുതൽ ഉറപ്പും ഭംഗിയും ലഭിക്കുന്നു.
ശരീരസൗന്ദര്യം വീണ്ടെടുക്കാൻ കഴിക്കേണ്ടത്
> ബ്രൊക്കോളി, ചീര, തക്കാളി, കുരുമുളക്, കാരറ്റ്, ബീറ്റ്റൂട്ട് തുടങ്ങിയ പച്ചക്കറികൾ എന്നിവയൊക്കെ ചർമ്മത്തെ ബലപ്പെടുത്താൻ സഹായിക്കുന്നു. ഈ പച്ചക്കറികൾ ചേർത്ത് സാലഡുകൾ തയ്യാറാക്കികഴിക്കാം. അല്ലെങ്കിൽ ജ്യൂസ് രൂപത്തിലും ഉപയോഗിക്കാം.
> ഓറഞ്ച്, സ്ട്രോബെറി, ബ്ലാക്ക്ബെറി, റാസ്ബെറി തുടങ്ങിയ ഫലങ്ങൾ ശരീരത്തിലെ കൊളാജന്റെ ഉത്പാദനം വർദ്ധിപ്പിക്കുന്നതിനും ആരോഗ്യകരമായ പോഷകങ്ങൾ നൽകുന്നതുമാണ്.
> ചിക്കൻ , മത്തങ്ങ വിത്തുകൾ, കൂൺ, കശുവണ്ടി മുതലായവയിൽ അടങ്ങിയിട്ടുള്ള സിങ്ക് ചർമ്മത്തിലെ പാടുകൾ നീക്കം ചെയ്യാനും ബലപ്പെടുത്താനും സഹായിക്കും.
> പ്രോട്ടീൻ അടങ്ങിയ ഭക്ഷണങ്ങളായ മുട്ട, ചിക്കൻ, പയറുവർഗ്ഗങ്ങൾ, സോയ പാൽ, ക്വിനോവ, മുളകൾ എന്നിവയും പേശികളെ മെച്ചപ്പെടുത്താൻ സഹായിക്കും.
ചർമ്മം ബലപ്പെടുത്താൻ മസാജ് തെറാപ്പി
മസ്സാജ് ചെയ്യുന്നത് ചർമ്മത്തിലെ രക്തയോട്ടം മെച്ചപ്പെടുത്തും. വയറിലെ പേശികൾക്ക് ബലം നൽകാൻ ഇത് മികച്ച മാർഗ്ഗമാണ്. രണ്ട് ദിവസം കൂടുമ്പോൾ ഏതെങ്കിലും മസ്സാജ് ഓയിൽ ഉപയോഗിച്ച് വയർ ഭാഗം മസ്സാജ് ചെയ്യാം. വെളിച്ചെണ്ണ, കടുകെണ്ണ, ബദാം ഓയിൽ എന്നിവയിലേതെങ്കിലും ഇതിനായി തിരഞ്ഞെടുക്കാം. അല്ലെങ്കിൽ രണ്ട് ടീസ്പൂൺ നാരങ്ങാ നീരിൽ ബദാം ഓയിൽ, റോസ് വാട്ടർ എന്നിവ ചേർത്തും മസാജ് തെറാപ്പി ചെയ്യാവുന്നതാണ്. ശേഷം ചൂടു വെള്ളത്തിൽ കുളിക്കുന്നത് അതിവേഗ ഫലം നൽകും.
വെള്ളം കുടിക്കണം; വ്യായാമം മുടക്കരുത്
ദിവസവും ഒരു മണിക്കൂർ എങ്കിലും വ്യായാമം ചെയ്യുന്നത് ശരീരത്തിന്റെ ഇലാസ്തികത വർദ്ധിപ്പിക്കുന്നതിന് വളരെയധികം സഹായിക്കും. വ്യായാമം ചെയ്യുമ്പോൾ വിയർപ്പിലൂടെ ശരീര ദ്രാവകങ്ങൾ നഷ്ടപ്പെടാൻ ഇത് കാരണമാകും. അതിനാൽ വെള്ളം ധാരാളമായി കുടിയ്ക്കാൻ ശ്രദ്ധിക്കണം. വെള്ളം കുടിക്കുന്നത് ജലാംശം നിലനിർത്തുക മാത്രമല്ല, ചർമ്മത്തിന്റെ ഇലാസ്തികതയും വഴക്കവും വർദ്ധിപ്പിക്കാനും സഹായിക്കുന്നു. ചെറു വ്യായാമങ്ങളിൽ നിന്ന് തുടങ്ങുന്നതാണ് നല്ലത്. ക്രമേണ രീതിയും വേഗവും മാറ്റി തുടങ്ങാം. നടത്തം, നീന്തൽ, ഓട്ടം തുടങ്ങിയ ചെറു വ്യായാമങ്ങളിൽ നിന്ന് തുടങ്ങിക്കോളൂ. പിന്നീട് എയറോബിക് പോലുള്ളവയും പരീക്ഷിക്കാം.