അമ്മിഞ്ഞപ്പാല്‍ വേണ്ടത്ര ലഭിയ്ക്കുന്നുവോയെന്നാണ്..

മുലപ്പാൽ വേദനയില്ലാതെ സുഖപ്രദമായി കൊടുക്കാൻ സാധിക്കുന്നത്. കുഞ്ഞ് ദിവസത്തിൽ കുറഞ്ഞത് ആറു മുതൽ എട്ട് പ്രാവശ്യം മുല കുടിക്കുന്നത്, ഓരോ തവണ കുടിച്ചു കഴിയുമ്പോഴും കുഞ്ഞിന് വിശപ്പു മാറുന്നതായി തോന്നുന്നുവെങ്കില്‍, ഓരോ തവണ മുലപ്പാൽ കൊടുത്ത് കഴിയുമ്പോഴും സ്തനങ്ങൾ മൃദുവും ശൂന്യവും ആയതുപോലെ തോന്നുന്നത്.കുഞ്ഞ് മുലപ്പാൽ കുടിച്ചിറക്കുന്നത് നിങ്ങൾക്ക് കാണാനും കേൾക്കാനും സാധിക്കുന്നുണ്ട് എങ്കിൽ. കുഞ്ഞ് മുലപ്പാൽ കുടിച്ച് കഴിഞ്ഞ് മതിയായെങ്കിൽ സ്വയം പിടി വിടുമ്പോൾ.

കുഞ്ഞ് 24 മണിക്കൂറിനുള്ളിൽ കുറഞ്ഞത് ഏഴ് പ്രാവശ്യം മൂത്രമൊഴിക്കുന്നത്, മലവിസർജ്ജനം നടത്തുമ്പോൾ മഞ്ഞ നിറത്തിൽ പിരിഞ്ഞ പാൽ പോലെ കാണുന്നുണ്ടെങ്കിൽ, നന്നായി മുലപ്പാൽ കുടിക്കുന്ന കുഞ്ഞുങ്ങൾ ദിവസത്തിൽ പല പ്രാവശ്യമോ 2 ദിവസത്തിൽ ഒരിക്കലോ മലവിസർജ്ജനം നടത്തുന്നു.ഇതെല്ലാം തന്നെ കുഞ്ഞിന് മതിയായ പാല്‍ ലഭിയ്ക്കുന്നുവെന്നതിന്റെ സൂചനയാണ്.

കുഞ്ഞിന് സ്ഥിരമായി, ആവശ്യമുള്ളപ്പോളൊക്കെ മുലപ്പാൽ കൊടുക്കുന്നത് പാൽ മതിയായ അളവിൽ വീണ്ടും ഉത്പാദിപ്പിക്കുവാൻ സഹായകരമാവുന്നു. കുഞ്ഞ് ഉറങ്ങുന്ന അവസരങ്ങളിൽ ആണെങ്കിൽ പോലും, നിങ്ങൾ കുഞ്ഞിനെ ഉണർത്തി പാൽ ഇടയ്ക്കിടയ്ക്ക് കുടിക്കുവാൻ നല്‍കണം. ഇത് നിങ്ങളുടെ സ്തനങ്ങളിൽ കൂടുതൽ മുലപ്പാൽ ഉത്പാദിപ്പിക്കുവാൻ പ്രേരിപ്പിക്കുന്നു.

പാലുല്‍പാദനം വര്‍ദ്ധിപ്പിയ്ക്കാന്‍ സഹായിക്കുന്ന പല ഭക്ഷണങ്ങളുമുണ്ട്. അടുക്കളയിലെ ചില പ്രത്യേക ഭക്ഷണ വസ്തുക്കള്‍ ഈ പ്രശ്‌നത്തിന് പരിഹാരമാകും. വേണ്ടത്ര മുലപ്പാല്‍ ഉല്‍പാദനത്തിനു സഹായിക്കും. ഉലുവ, ജീരകം, എള്ള് എന്നിവയെല്ലാം ഈ ഗണത്തില്‍ പെടുന്നവയാണ്. ഗർഭിണികളും പ്രസവിച്ച അമ്മമാരും നന്നായി ഭക്ഷണം കഴിക്കുക. പ്രോട്ടീൻ, കാർബോ ഹൈഡ്രോറ്റ് തുടങ്ങിയവ അടങ്ങിയ ഭക്ഷണങ്ങളാണ് കൂടുതലായും കഴിക്കേണ്ടത്. ഇലക്കറികൾ, മുട്ട പോലുള്ളവ ഗർഭ കാലത്ത് തന്നെ കഴിക്കാൻ ശ്രദ്ധിക്കുക. ഇത്തരത്തിലുള്ള ഭക്ഷണങ്ങൾ മുലപ്പാൽ വർധിപ്പിക്കാൻ സഹായിക്കും. ഭക്ഷണം വാരി വലിച്ചു കഴിക്കുക എന്നതിൽ നിന്ന് പോഷകാഹാരങ്ങൾ കഴിക്കുക എന്ന രീതിയിലേക്ക് മാറുക. വൈറ്റമിൻ ഡി, അയൺ അടങ്ങിയ ഭക്ഷണങ്ങൾ മുലപ്പാൽ വർധിപ്പിക്കാൻ ഏറെ സഹായകമാണ്.

പ്രസവിച്ച ശേഷം ആദ്യ ഒരു മണിക്കൂറിൽ തന്നെ കുട്ടിക്ക് മുലയൂട്ടാൻ അമ്മമാർ ശ്രദ്ധിക്കുക. ഇത്തരത്തിൽ ചെയ്യുന്നത് പാൽ വർധിക്കാൻ സഹായിക്കും എന്നാണ് ശിശു വിദഗ്ദർ അഭിപ്രായപ്പെടുന്നത്. കുട്ടി പാല് കൂടുതൽ വലിച്ചു കുടിയ്ക്കുന്നത് പാലുൽപാദനം വർധിപ്പിക്കായനുള്ള പ്രധാന വഴികളിൽ ഒന്നാണ്. മാത്രമല്ല വളരെ സ്വാഭാവികമായ ഒരു വഴി കൂടിയാണ് ഇത്. ഇത് പോലെ ഗർഭ കാലത്ത് തന്നെ സ്തനങ്ങളിൽ നിപ്പിളുകൾ എണ്ണ പുരട്ടി പുറത്തേക്ക് വലിക്കുന്നത് നല്ലതാണ്. അല്ലാത്ത പക്ഷം നിപ്പിളുകൾ ഉൾവലിയുന്നത് കുഞ്ഞിന് പാൽ കുടിക്കാൻ ബുദ്ധിമുട്ടുണ്ടാക്കും എന്ന് മാത്രമല്ല മുലക്കണ്ണ് പൊട്ടുന്നതിനും ഇത് കാരണമാകും.