വയറ്റിലെ കുഞ്ഞിന്റെ സ്ഥാനം
വയറ്റിലെ കുഞ്ഞിന്റെ സ്ഥാനം അവസാന മാസമാകുമ്പോഴേയ്ക്കും പ്രധാനമാണ്. കാരണം കുഞ്ഞു പുറത്തു വരാന് ശരിയായ പൊസഷനില് എത്തേണ്ടത് പ്രധാനം. ഇത് സ്വാഭാവിക പ്രസവം നടക്കാനും പ്രധാനമാണ്. ആന്റീരിയര്, പോസ്റ്റീരിയര്, ട്രാന്സ്വേഴ്സ, ബ്രീച്ച് എന്നീ വാക്കുകളാണ് സാധാരണ നിലയില് വയറ്റിലെ കുഞ്ഞിന്റെ പൊസിഷന് വിവരിയ്ക്കാന് സാധാരണ ഉപയോഗിയ്ക്കാറ്. ഇത്തരം പൊസിഷനുകള് കൊണ്ട് വ്യക്തമാക്കുന്നതെന്തെന്നറിയൂ.
ആന്റീരിയര് പൊസിഷന് എന്നറിയപ്പെടുന്നത്
കുഞ്ഞ് തല കുത്തി, അമ്മയുടെ വയററില്, മുഖം അമ്മയുടെ പിന്ഭാഗത്തേയ്ക്ക് അഭിമുഖമായുള്ള പൊസിഷനാണ് ആന്റീരിയര് പൊസിഷന് എന്നറിയപ്പെടുന്നത്. ഈ പൊസിഷനില് താടി കുഞ്ഞിന്റെ നെഞ്ചു ഭാഗത്തോട് ചേര്ന്നിരിയ്ക്കും. പെല്വിസിലൂടെ താഴേയ്ക്കിറങ്ങാന്, അതായത് പുറത്തേയ്ക്കു വരാന് തയ്യാറായ പൊസിഷനാണിത്. കഴുത്തും തലയും കുഞ്ഞിന് ചലിപ്പിയ്ക്കാനും സാധിയ്ക്കും. സാധാരണ ഗതിയില് കുഞ്ഞുങ്ങള് 33-36 ആഴ്ചകളില് ഇതേ രീതിയിലേയ്ക്കു മാറും. നോര്മര് പ്രസവം നടക്കാന് ഏറെ ചേര്ന്ന പൊസിഷനാണിത്.
പോസ്റ്റീരിയര് പൊസിഷനില്
പോസ്റ്റീരിയര് പൊസിഷനില് കുഞ്ഞ് തല കുത്തി തന്നെയായിരിയ്ക്കും. എന്നാല് മുഖം പിന്ഭാഗത്തേയ്ക്കെന്നതിന് പകരം അമ്മയുടെ മുന്ഭാഗത്തേയ്ക്ക് അതായത് വയര് ഭാഗത്തേയ്ക്കായിരിയ്ക്കും, അഭിമുഖമായി വരുന്നത്. പ്രസവത്തിന്റെ ആദ്യ ഘട്ടത്തില് പത്തില് ഒരു കുട്ടി ഈ പൊസിഷനിലാണ്. പ്രസവം നടക്കുമ്പോള് ഇവര് തനിയെ ശരിയായ പൊസിഷനിലേയ്ക്കു മാറും. അതായത് തല പിന്ഭാഗത്തേയ്ക്ക് അഭിമുഖമായ രീതിയിലേയ്ക്ക്. എന്നാല് കുഞ്ഞ് ഈ പൊസിഷനിലേയ്ക്കു മാറിയില്ലെങ്കില് പ്രസവിയ്ക്കാന് കൂടുതല് സമയവും നടുവേദനയുമുണ്ടാകും. പ്രസവ സമയത്ത് വേദന കുറയ്ക്കാന് എപ്പിഡ്യൂറല് കൊടുക്കേണ്ട അവസ്ഥയുമുണ്ടാകും.
ബ്രീച്ച് പൊസിഷനുണ്ട്
ബ്രീച്ച് പൊസിഷനുണ്ട്. ഇവിടെ കുഞ്ഞ് തല കുത്തിയല്ല, തല മുകളിലേയ്ക്കായി നിതംബ ഭാഗമോ കാലോ താഴേയ്ക്കായി വരുന്ന രീതിയിലാകും. ക്ലംപീററ് ബ്രിച്ചില് കാലുകള് മുകളിലേയ്ക്കു മടക്കി നിതംബ ഭാഗമായിരിയ്ക്കും, അമ്മയുടെ വജൈനല് ഭാഗത്തേയ്ക്കു വരിക. ഫ്രാങ്ക് ബ്രീച്ച് എന്ന പൊസിഷനില് കുഞ്ഞിന്റെ നിതംബ ഭാഗം തന്നെയാണ് താഴേയ്ക്കുണ്ടാകുക. എന്നാല് കുഞ്ഞിന്റെ കാലുകള് മുകളിലേയ്ക്ക് ഉയര്ത്തി പൊക്കി വച്ച അവസ്ഥയായിരിയ്ക്കും. ഫൂട്ട്ലിംഗ് ബ്രീച്ച് എന്ന പൊസിഷനുമുണ്ട്. ഇവിടെ കുഞ്ഞിന്റെ കാലുകളായിരിയ്ക്കും, വജൈനല് ഭാഗത്തേയ്ക്ക് നീണ്ടു നില്ക്കുന്നത്.
ഈ പൊസിഷന് സാധാരണ പ്രസവത്തിന് ചേര്ന്നതല്ല
ഈ പൊസിഷന് സാധാരണ പ്രസവത്തിന് ചേര്ന്നതല്ല. ഇതില് സാധാരണ പ്രസവം നടന്നാല് കുഞ്ഞിന് ജനന വൈകല്യങ്ങളുണ്ടാകാന് സാധ്യതയേറെയാണ്. മാത്രമല്ല, പൊക്കിള്ക്കൊടി കുഞ്ഞിന്റെ കഴുത്തില് ചുറ്റാനും സാധ്യതയുണ്ട്. അമ്മയ്ക്കും ഇത്തരത്തിലെ പ്രസവം ഏറെ ബുദ്ധിമുട്ടാകും. ഇതിനാല് തന്നെ ഇത്തരം അവസ്ഥയാണെങ്കില് ഒന്നുകില് സിസേറിയന് അല്ലങ്കില് സാധാരണ പൊസിഷനില് കുഞ്ഞിനെ എത്തിയ്ക്കാന് എക്സ്ടേര്ണല് സെഫാലിക് വേര്ഷന് എന്നൊരു ടെക്നിക് പ്രയോഗിയ്ക്കാറുണ്ട്. വയര് ഭാഗത്ത് മര്ദമേല്പ്പിച്ച് കുഞ്ഞിനെ സാധാരണ പൊസിഷനിലേയ്ക്കു കൊണ്ടു വരുന്ന വഴിയാണിത്. കോപ്പര് ടി വയ്ക്കുന്ന സ്ത്രീകള് അറിയുക
ട്രാന്സ്വേഴ്സ് ലൈ
ട്രാന്സ്വേഴ്സ് ലൈ എന്നൊരു പൊസിഷനുണ്ട്. കുഞ്ഞ് ഗര്ഭപാത്രത്തില് കുറുകേ കിടക്കുന്ന അവസ്ഥ. കീഴോട്ടും മേലോട്ടുമല്ലാതെ കുറുകെയായിരിയ്ക്കും, ഇത്. ഇത്തരം അവസ്ഥയില് സാധാരണ പ്രസവം അപൂര്വമാണ്. സാധാരണ ഗതിയില് പ്രസവ സമയമാകുമ്പോള് കുഞ്ഞ് താഴേയ്ക്കുള്ള പൊസിഷനില് വരും. ഇല്ലെങ്കില് സിസേറിയനിലൂടെ പുറത്തെടുക്കേണ്ടി വരും. ഇവിടെ കുഞ്ഞിനു മുന്പേ പ്രസവത്തില് മറുപിള്ള പുറത്തു വരാന് സാധ്യതയുമുണ്ട്. ഇത് അപകടകരവുമാണ്. ആര്ത്തവ മുന്പേ, ഓവുലേഷന് ശേഷം അറിയാം, ഗര്ഭലക്ഷണം