കുഞ്ഞിന്റെ കിഡ്‌നി
കുഞ്ഞിന്റെ കിഡ്‌നിയാണ് അംമ്‌നിയോട്ടിക് ഫ്‌ളൂയിഡ് ഉല്‍പാദിപ്പിയ്ക്കുന്നത്. ഇത് ഭ്രൂണത്തിന്റെ മൂത്രത്തിലൂടെ അമ്മയുടെ വയറ്റിലേയ്‌ക്കെത്തുന്നു. ഈ ഫ്‌ളൂയിഡ് കുഞ്ഞ് അഥവാ ഭ്രൂണം ഉള്ളിലേയ്‌ക്കെടുക്കുന്നു. ശ്വസന പ്രക്രിയയിലൂടെയാണ് ഇതു സംഭവിയ്ക്കുന്നത്. ഇതിലൂടെയാണ് വയററിലെ ഫ്‌ളൂയിഡ് ബാലന്‍സ് ചെയ്യപ്പെടുന്നത്. ഈ ബാലന്‍സില്‍ പ്രശ്‌നമുണ്ടായാല്‍ ഇത് അമ്മയ്ക്കും കുഞ്ഞിനും ദോഷം വരുത്തുന്നു.
ചില സന്ദര്‍ഭങ്ങളില്‍
ചില സന്ദര്‍ഭങ്ങളില്‍ വയറ്റില്‍ അംമ്‌നിയോട്ടിക് ഫ്‌ളൂയിഡ് അധികമാകുന്നു. പോളിഹൈഡ്രൈാംമ്‌നിയോസ് എന്നാണ് ഈ പ്രത്യേക അവസ്ഥ അറിയപ്പെടുന്നത്.കുഞ്ഞിന് ചുറ്റുമായുള്ള ഫ്‌ളൂയിഡിന്റെ അളവു വര്‍ദ്ധിയ്ക്കുന്നതാണ് ഈ അവസ്ഥ. ഇത് ഗര്‍ഭാവസ്ഥയിലും പ്രസവത്തിനുമെല്ലാം പ്രശ്‌നങ്ങള്‍ സൃഷ്ടിയ്ക്കുകയും ചെയ്യുന്നു. ഇത്തരം അവസ്ഥയെങ്കില്‍ കൂടുതല്‍ മെഡിക്കല്‍ ശ്രദ്ധ അത്യാവശ്യമാകുന്നു.
സാധാരണ ഈ അവസ്ഥയെങ്കില്‍
സാധാരണ ഈ അവസ്ഥയെങ്കില്‍ വലിയ ലക്ഷണങ്ങളൊന്നും വരില്ല. ശ്വസിയ്ക്കുവാന്‍ ബുദ്ധിമുട്ട്, ഇടയ്ക്കിടെ യൂട്രസ് കോണ്‍ട്രാക്ഷനുകള്‍ എന്നിവയാണ് തോന്നുക. എന്നാല്‍ ഈ അവസ്ഥ കൂടുതലെങ്കില്‍ വയറു വേദന അനുഭവപ്പെടുന്നു. യൂട്രസ് സൈസ് കുഞ്ഞിന്റെ വളര്‍ച്ചയ്ക്ക അനുസരിച്ചല്ലാതെ കൂടുതല്‍ വലുതാകുന്നുവെങ്കില്‍, അമ്മയുടെ വയര്‍ വലിപ്പം പെട്ടെന്നു വലുതാകുന്നുവെങ്കില്‍ ഇതിന്റെ കാരണം അംമ്‌നിയോട്ടിക് സ്രവത്തിലുണ്ടാകുന്ന വര്‍ദ്ധനവു തന്നെയാണ്. Also read: കരുവാളിപ്പ് മാറ്റാൻ മുഖത്ത് ബദാം എണ്ണ മസ്സാജ്!
ഈ അവസ്ഥയ്ക്കു
ഈ അവസ്ഥയ്ക്കു പല കാരണങ്ങളുണ്ടാകാം. രണ്ടോ അതില്‍ കൂടുതലോ കുഞ്ഞുങ്ങള്‍ ഗര്‍ഭത്തിലുണ്ടാകുക, ഗര്‍ഭകാല പ്രമേഹം, കുഞ്ഞിന് അംമ്‌നിയോട്ടിക് ഫ്‌ളൂയിഡ് ഉള്ളിലേയ്‌ക്കെടുക്കുവാന്‍ സാധിയ്ക്കാതെ വരിക, കുഞ്ഞ് കൂടുതല്‍ മൂത്രം ഉല്‍പാദിപ്പിയ്ക്കുക, കുഞ്ഞിന്റെ ഗ്യാസ്‌ട്രോ ഇന്‍ഡസ്‌റ്റൈനല്‍ ഭാഗത്തോ യൂറിനറി ട്രാക്റ്റിലോ ബ്ലോക്കുണ്ടാകുക, തലച്ചോറിലോ സ്‌പൈനല്‍ കോഡിലോ വൈകല്യമുണ്ടാകുക തുടങ്ങിയവയയെല്ലാം പോളിഹൈഡ്രൈാംമ്‌നിയോസ് എന്ന അവസ്ഥയ്ക്കു കാരണമാകുന്നു. ഇതല്ലാതെ കുഞ്ഞിനുള്ള ജനിതക വൈകല്യം, ലംഗ്‌സ്, നെര്‍വസ് സിസ്റ്റം എന്നിവയ്ക്കുളള പ്രശ്‌നം, കുഞ്ഞിനുണ്ടാകുന്ന അണുബാധ, കുഞ്ഞില്‍ ബ്ലഡ് സെല്ലുകള്‍ കുറയുന്നത്, അനീമിയ എന്നിവയെല്ലാം തന്നെ ഈ പ്രശ്‌നത്തിന് കാരണമാകുന്നു.
ഇത്തരം അവസ്ഥയെങ്കില്‍
ഇത്തരം അവസ്ഥയെങ്കില്‍ ഇത് അമ്മയ്ക്കും കുഞ്ഞിനും ദോഷം ചെയ്യും. നീണ്ട പ്രസവ വേദന, മാസം തികയും മുന്‍പുള്ള പ്രസവം, പ്ലാസന്റ് നേരത്തെ വേര്‍പെടുക, ഫ്‌ളൂയിഡ് പെട്ടെന്നു നഷ്ടപ്പെടുക, ശ്വസന തടസം, പ്രസവ ശേഷം അമിത രക്ത പ്രവാഹം എന്നിവയെല്ലാം ഇതു കാരണമുണ്ടാകും. കുഞ്ഞിന് വൈകല്യങ്ങള്‍, പൊസിഷന്‍ വ്യത്യാസം കാരണം പ്രസവത്തോടെയുണ്ടാകുന്ന ബുദ്ധിമുട്ടുകള്‍, പ്ലാസന്റ് സ്ഥാനം തെറ്റിയതു കൊണ്ടു കുഞ്ഞിന് ഓക്‌സിജന്‍ കുറവുണ്ടാകുക എന്നിവയെല്ലാം ഫലമായി വരും. ചിലപ്പോള്‍ ഈ പ്രശ്‌നം കുഞ്ഞിന്റെ മരണത്തിനു പോലും കാരണമാകാം.
അള്‍ട്രാസൗണ്ട് സ്‌കാനിംഗിലൂടെ
അള്‍ട്രാസൗണ്ട് സ്‌കാനിംഗിലൂടെയാണ് ഇതു കണ്ടെത്താന്‍ സാധിയ്ക്കുന്നത്. രക്തപരിശോധന, അംമ്‌നിയോസെന്റസിസ് തുടങ്ങിയ പരിശോധനകളിലൂടെയും ഇതു കണ്ടത്താന്‍ സാധിയ്ക്കും. അംമ്‌നിയോറിഡക്ഷന്‍ എന്നതിലൂടെ ഈ അളവു കുറയ്ക്കാന്‍ സാധിയ്ക്കും. ചില മരുന്നുകളും ഇതിനു ലഭ്യമാണ്. കുഞ്ഞിനേയും അമ്മയേയും ബാധിയ്ക്കുന്ന പ്രശ്‌നമായതിനാല്‍ തന്നെ ഇക്കാര്യത്തില്‍ കൂടുതല്‍ ശ്രദ്ധയാവശ്യവുമാാണ്. Also read: കരുവാളിപ്പ് മാറ്റാൻ മുഖത്ത് ബദാം എണ്ണ മസ്സാജ്!