തേനീച്ചകള്‍
അധ്വാനിയ്ക്കുന്ന തേനീച്ചകള്‍ (worker bees) തേനീച്ചക്കൂട് വിട്ട് പുറത്തേയ്ക്ക് പോകുമ്പോള്‍ പൂക്കളില്‍ നിന്നും അവയുടെ പരാഗരേണുക്കള്‍ ശേഖരിച്ച് കൂട്ടില്‍ കൊണ്ടു വരുന്നു. ഇവയില്‍ തേനീച്ചകളുടെ തേനും ഉമിനീരും ചേര്‍ന്ന് പോഷക ഗുണം നിറയുന്നു. ഇതാണ് ബീ പൊള്ളന്‍ എന്ന് അറിയപ്പെടുന്നത്.ഇതിലൂടെ ഉണ്ടാകുന്ന ബീ പൊള്ളന്‍ ഏറെ പോഷകങ്ങള്‍ അടങ്ങിയതാണ്. ഇത് തേനിച്ചകള്‍ക്കുള്ള ഭക്ഷണമാണ്. തേനീച്ചക്കൂടിന്റെ ഉള്ളില്‍ സെല്‍ പോലുള്ള ഭാഗത്ത് നിറഞ്ഞിരിയ്ക്കുന്ന് ഇതാണ്. ഇത് അലര്‍ജി, പ്രോസ്‌റ്റേറ്റ് പ്രശ്‌നങ്ങള്‍ എന്നിവയ്ക്ക് മരുന്നാണ്. ശരീരത്തിന്റെ പ്രതിരോധശേഷി വര്‍ദ്ധിപ്പിയ്ക്കുന്ന ഒന്നാണ് ബീ പൊള്ളന്‍. തടി കുറയ്ക്കാന്‍ നല്ലതാണ്. പ്രത്യുല്‍പാദന ക്ഷമത വര്‍ദ്ധിപ്പിയ്ക്കാനും ഇത് ഉപയോഗിച്ചു വരുന്നു.
സ്ത്രീകളുടെ പ്രത്യുല്‍പാദന ശേഷിയ്ക്ക്
സ്ത്രീകളുടെ പ്രത്യുല്‍പാദന ശേഷിയ്ക്ക് ഏതെല്ലാം വിധത്തിലാണ് ബീ പൊള്ളന്‍ സഹായകമാകുന്നതെന്നറിയൂ. ഇതിലെ പോഷകങ്ങള്‍ തന്നെയാണ് പ്രധാന ഗുണം നല്‍കുന്നത്. ഇതില്‍ ആരോഗ്യകരമായ ജീവിതത്തിന് ആവശ്യമായ 96 ശതമാനം പോഷകങ്ങളും അടങ്ങിയിട്ടുണ്ട്. ശരീരത്തിന് വിഘടിപ്പിയ്ക്കാതെ തന്നെ നേരിട്ട് ഉപയോഗിയ്ക്കാന്‍ സാധിയ്ക്കുന്ന 40 ശതമാനം പ്രോട്ടീനുകള്‍ ഇതിലുണ്ട്. കാല്‍സ്യം, അയേണ്‍, കോപ്പര്‍, സിങ്ക്, മഗ്നീഷ്യ, പൊട്ടാസ്യം എന്നിവയെല്ലാം ഇതിലുണ്ട്. ഇവ ഒരു വിധത്തിലല്ലെങ്കില്‍ മറ്റൊരു വിധത്തില്‍ പ്രത്യുല്‍പാദന ശേഷി വര്‍ദ്ധിപ്പിയ്ക്കാന്‍ സഹായിക്കുന്നു.
ഈസ്ട്രജന്‍
സ്ത്രീ ഹോര്‍മോണ്‍ എന്നറിയപ്പെടുന്ന ഈസ്ട്രജന്‍ ഹോര്‍മോണ്‍ പ്രത്യുല്‍പാദനത്തിന് അത്യാവശ്യമാണ്. ബീ പൊള്ളന്‍ ഈസ്ട്രജന്‍ ഹോര്‍മോണ്‍ വര്‍ദ്ധിപ്പിയ്ക്കുന്നു. സ്ത്രീ ഹോര്‍മോണുകളുടെ സന്തുലിതാവസ്ഥ നില നിര്‍ത്താന്‍ സഹായിക്കുന്ന ഒന്നാണിത്. സ്ത്രീയിലെ അണ്ഡത്തെ ഗര്‍ഭധാരണം സംഭവിയ്ക്കുന്ന വേളയില്‍ ആരോഗ്യത്തോടെ സംരക്ഷിയ്ക്കാന്‍ ബീ പൊള്ളന്‍ സഹായിക്കുന്നു. ഇവ ലൈംഗിക താല്‍പര്യം വര്‍ദ്ധിപ്പിയ്ക്കാനും ഊര്‍ജനില മെച്ചപ്പെടുത്താനും സഹായിക്കുന്നു. ശരീരത്തിന്റെ പ്രതിരോധത്തിന് ആവശ്യമായ ഫാറ്റി ആസിഡുകള്‍, കാര്‍ബോഹൈഡ്രേറ്റുള്‍, ഗ്ലൂക്കോസ്, ആന്റി ഓക്‌സിഡന്റുകള്‍, ഫ്രക്ടോസ്, വൈറ്റമിനുകള്‍, എന്‍സൈമുകള്‍, ധാതുക്കള്‍ എന്നിവയാല്‍ സമ്പുഷ്ടമാണിത്.
മുലയൂട്ടുന്ന അമ്മമാരും
ഇവയ്ക്ക് ഗുണങ്ങള്‍ക്കൊപ്പം ദോഷങ്ങളുമുണ്ട്. ഇന്നത്തെ കാലത്ത് ഇത് ലഭിയ്ക്കുന്നത് പലപ്പോഴും കെമിക്കലുകളും മെറ്റലുകളുമെല്ലാം കലര്‍ത്തിയാകും. ഇത് ശുദ്ധമായ രൂപത്തില്‍ ഉപയോഗിച്ചാലേ ഗുണമുണ്ടാകൂ. വിപണിയില്‍ ലഭിയ്ക്കുന്നത് അത്ര ശുദ്ധമാകണം എന്നില്ല. അലര്‍ജി, ആസ്തമ പ്രശ്‌നങ്ങളെങ്കില്‍ ഇവയോട് അലര്‍ജിയുണ്ടാകാന്‍ സാധ്യതയേറെയാണ്.
ഇത്തരക്കാര്‍ക്ക് ചര്‍മത്തില്‍ പാടുകള്‍, പള്‍സ് കുറയുക, വലിവ്, അസ്വസ്ഥത എന്നിവയെല്ലാം ഉണ്ടാകാന്‍ സാധ്യതയേറെയാണ്. രക്തം കട്ടി കുറയാനുള്ള ബ്ലഡ് തിന്നേഴ്‌സ് മരുന്നുകള്‍ ഉപയോഗിയ്ക്കുന്നവര്‍ ഇത് ഡോക്ടറുടെ ഉപദേശ പ്രകാരം മാത്രം ഉപയോഗിയ്ക്കുക. ഇതു പോലെ പ്രോസ്‌റ്റേറ്റ്, വയര്‍ പ്രശ്‌നം, സന്ധിവേദന, ഹേ ഫീവര്‍ എന്നിവയെങ്കില്‍ ഡോക്ടറുടെ ഉപദേശ പ്രകാരം മാത്രം ഉപയോഗിയ്ക്കുക.
ഇതു പോലെ ഗര്‍ഭിണികളും മുലയൂട്ടുന്ന അമ്മമാരും ഇത് ഉപയോഗിയ്ക്കാതിരിയ്ക്കുക.