മുലയൂട്ടുന്നത്
മുലയൂട്ടുന്നത് ഗര്‍ഭനിരോധന വഴി കൂടിയാണെന്ന് പറയാം. ഏതു ഗര്‍ഭനിരോധന ഉപാധിയും 100 ശതമാനം വിജയകരമല്ലെന്ന് പറയുന്നതു പോലെ തന്നെ ഇതും പൂര്‍ണ വിജയമല്ലെന്നു പറയേണ്ടത് അത്യാവശ്യമാണ്. സ്വാഭാവിക ഗര്‍ഭ നിരോധന വഴികള്‍ പരീക്ഷിയ്ക്കുമ്പോഴുണ്ടാകുന്ന എല്ലാ പ്രശ്‌നങ്ങളും ഇതിനുണ്ട് ഇതിനാല്‍ തന്നെ മുലയൂട്ടുന്ന സമയത്ത് ഗര്‍ഭധാരണം നടക്കില്ലെന്നാണ് പൊതുവേ കണക്കാക്കപ്പെടുകയെങ്കിലും ഇതിനുളള സാധ്യത പൂര്‍ണമായി തള്ളിക്കളയാനാകില്ലെന്നതു ചുരുക്കം.
ഗര്‍ഭധാരണം
മുലപ്പാല്‍ ഉല്‍പാദിപ്പിയ്ക്കുന്ന സമയത്ത് നടക്കുന്ന ഹോര്‍മോണ്‍ പ്രവര്‍ത്തനങ്ങള്‍ തന്നെയാണ് ഇതിനും കാരണം. മുലപ്പാല്‍ ഉല്‍പാദന സമയത്ത് പ്രോലാക്ടിന്‍ എന്ന ഒരു ഹോര്‍മോണ്‍ ഉയര്‍ന്ന തോതില്‍ ഉല്‍പാദിപ്പിയ്ക്കപ്പെടുന്നു. ഇതിന്റെ സാന്നിധ്യം ഗര്‍ഭധാരണം സംഭവിയ്ക്കുമ്പോള്‍ തന്നെയുണ്ടാകുമെങ്കിലും പ്രസവ ശേഷമാണ് ഇതിന്റെ ഉല്‍പാദനം ഏറെ വര്‍ദ്ധിയ്ക്കുക. ഇതാണ് മുലപ്പാലിന് കാരണമായി വരുന്ന ഹോര്‍മോണ്‍. മുലയൂട്ടുമ്പോള്‍ ശരീരത്തില്‍ ഓക്‌സിടോസിന്‍ എന്ന റിലാക്‌സ് ഹോര്‍മോണും ഉല്‍പാദിപ്പിയ്ക്കപ്പെടുന്നു. ഇവ ഗര്‍ഭധാരണം തടയുന്നു.
ഹോര്‍മോണ്‍
ഈ ഹോര്‍മോണ്‍ കാരണമാണ് ശരീരത്തില്‍ ആര്‍ത്തവവും ഓവുലേഷനുമൊന്നും സംഭവിയ്ക്കാതിരിയ്ക്കുന്നത്. ഓവുലേഷന്‍ ഹോര്‍മോണിനെ പ്രവര്‍ത്തന രഹിതമാക്കുന്ന ഒന്നാണ് ഈ ഹോര്‍മോണ്‍. ഇതിനാല്‍ തന്നെ ഓവുലേഷന്‍ നടക്കുന്നില്ല. ഇതു കാരണം അണ്ഡോല്‍പാദനം നടക്കില്ല. ഇതിനാല്‍ തന്നെ ഭ്രൂണ രൂപീകരണവും ഉണ്ടാകുന്നില്ല. പ്രോലാക്ടിന്‍ മാത്രമല്ല, ഈ സമയത്ത് ശരീരത്തില്‍ ഉല്‍പാദിപ്പിയ്ക്കപ്പെടുന്ന ഓക്‌സിടോസിനും ഗര്‍ഭധാരണം തടയുന്നതില്‍ പ്രധാന പങ്കു വഹിയ്ക്കുന്നുണ്ട്.
ആര്‍ത്തവം നടന്നില്ലെങ്കിലും
എന്നാല്‍ ആര്‍ത്തവം നടന്നില്ലെങ്കിലും ചില സന്ദര്‍ഭങ്ങളില്‍ ഓവുലേഷന്‍ സംഭവിയ്ക്കുന്നത് പ്രസവം നടന്ന സ്ത്രീകളില്‍ അസാധാരമല്ല. അതായത് ആര്‍ത്തവ, ഓവുലേഷന്‍ പ്രക്രിയകള്‍ പുറമേയ്ക്കു കാണുന്നില്ലെങ്കിലും ശരീരത്തില്‍ ഇതു നടക്കാം. സാധാരണ ഗതിയില്‍ അണ്ഡോല്‍പാദനവും നടക്കാം. ഈ സമയത്ത് മുന്‍കരുതലില്ലാതെ ബന്ധപ്പെട്ടാല്‍ ഗര്‍ഭധാരണ സാധ്യത തള്ളിക്കളയാനുമാകില്ല. അതായത് മുലയൂട്ടുന്ന സമയത്ത് ആദ്യ കുറേ മാസങ്ങളെങ്കിലും ആര്‍ത്തവം വരാത്തത് സാധാരണയെങ്കിലും ഇത് പൂര്‍ണമായും ഗര്‍ഭ നിരോധന വഴിയായി എടുക്കാന്‍ സാധിയ്ക്കില്ല. ആര്‍ത്തവവും ഓവുലേഷനും പ്രത്യക്ഷത്തില്‍ സംഭവിയ്ക്കുന്നില്ലെങ്കിലും സ്ത്രീ ശരീരത്തിനുളളില്‍ ഇത്തരം പ്രക്രിയകള്‍ നടക്കാനുള്ള സാധ്യത തള്ളിക്കളയാനാകില്ലെന്നര്‍ത്ഥം. പ്രമേഹം നിയന്ത്രിയ്ക്കാന്‍ കൊത്തമര മരുന്നാക്കാം