ഓവറി വലിപ്പം കൂടിയാല്‍ ഗര്‍ഭതടസം...

ഓവറിയുടെ വലിപ്പ വ്യത്യാസം ഗര്‍ഭധാരണത്തെ ബാധിയ്ക്കുന്ന ഒന്നാണ്. ഓവറിയുടെ വലിപ്പം സാധാരണയില്‍ നിന്നും കൂടുതലെങ്കിലും കുറവെങ്കിലും ഗര്‍ഭധാരണത്തെ ബാധിയ്ക്കുന്ന സംഗതി തന്നെയാണ്. നോര്‍മല്‍ ഓവറി സൈസാണ് ഏറ്റവും നല്ലത്. ഇതാണ് ഗര്‍ഭധാരണത്തെ സഹായിക്കുന്നത്. വലിപ്പം കുടുതലുള്ളതും കുറവുള്ളതുമല്ല, നോര്‍മല്‍ സൈസിലെ ഓവറിയാണ് ആരോഗ്യകരമായ ഒന്ന്. അതായത് 3 cm* 2.5 cm* 1.5cm വലിപ്പമുള്ളത്. ഇതാണ് സാധാരണ അണ്ഡാശയത്തിന്റെ സൈസ്. ഗര്‍ഭധാരണത്തിന് ഏറ്റവും അനുകൂലമായത് ഈ സൈസാണ്.

ഒരു സ്ത്രീയുടെ ഓവറി 3 സെന്റീമീറ്റര്‍ നീളവും 2.5 സെന്റീമീറ്റര്‍ ഉയരവും 1.5 സെന്റീമീറ്റര്‍ വിസ്താരവുമുള്ളതാകും. ഓവുലേഷന്‍, ആര്‍ത്തവ സമയങ്ങളില്‍ ഓവറി വലിപ്പം കൂടുതലാകും. ഇവ സ്ത്രീയുടെ പ്രത്യുല്‍പാദനപരമായ പ്രക്രിയകളായതു കൊണ്ടുതന്നെ . എന്നാല്‍ ഈ സമയം കഴിഞ്ഞാല്‍ സാധാരണ വലിപ്പത്തിലേയ്ക്കു മാറുകയും ചെയ്യുന്നു.പ്രായം സ്ത്രീയുടെ ഓവറിയുടെ വലിപ്പത്തില്‍ വ്യത്യാസം വരുത്തുന്ന ഒന്നാണ്. ഒരു സ്ത്രീ പ്രായപൂര്‍ത്തിയാകുന്നതിനു മുന്‍പ്, ആര്‍ത്തവ പ്രക്രിയ ആരംഭിയ്ക്കുന്നതിനു മുന്‍പ് ഓവറിവലിപ്പം കുറവായിരിയ്ക്കും.പ്രായപൂര്‍ത്തിയാകുന്നതിനു മുന്‍പും മെനോപോസ് ശേഷവും ഇത് 20 മില്ലീമീറ്ററിനേക്കാള്‍ കുറവുമാകും. ഓവറിയുടെ വലിപ്പം സാധാരണയില്‍ നിന്നും കുറയുന്നത് ഗര്‍ഭധാരണത്തെ വിപരീതമായി ബാധിയ്ക്കുന്നു.

ഇതേ സമയം ഓവറി വലിപ്പം ആര്‍ത്തവ സമയത്തല്ലാതെ കൂടുന്നതും അപകടമാണ്. ഗര്‍ഭധാരണ സാധ്യതയെ വരെ ബാധിയ്ക്കുന്ന ചില രോഗങ്ങളായിരിയ്ക്കും, ഇതിനു കാരണം. പോളിസിസ്റ്റിക് ഓവറി സിന്‍ഡ്രോം, ഫോളിക്യുലാര്‍ സിസ്റ്റുകള്‍, കോര്‍പസ് ല്യൂട്ടിയം സിസ്റ്റ് എന്നിവയും ഓവറി വലിപ്പം കൂടുതലാകാന്‍ കാരണമാകുന്നു. മാത്രമല്ല, ഇത് വേദനയും ഉള്‍ഭാഗത്തു രക്തസ്രാവവുമുണ്ടാക്കും. ഇതെല്ലാം തന്നെ ഗര്‍ഭധാരണത്തിന് തടസം നില്‍ക്കുന്ന ഘടകങ്ങളാണ്.ക്യാന്‍സര്‍, ഓവറിയ്ക്കുണ്ടാകുന്ന ചില പ്രശ്‌നങ്ങള്‍ എന്നിവയെല്ലാം തന്നെ ഇതിനു കാരണമാകുന്നു. Also read: പല്ല് വേദന സഹിക്കാൻ പറ്റുന്നില്ലേ? സിമ്പിളായി പരിഹാരം

വന്ധ്യതാ പ്രശ്‌നങ്ങള്‍ക്കു ചികിത്സ തേടുന്ന സ്ത്രീകളില്‍ അണ്ഡോല്‍പാദനത്തിനായി ഹോര്‍മോണ്‍ കുത്തിവയ്പുകള്‍ എടുക്കുന്നത് സ്വാഭാവികമാണ്. ഇത്തരം ഘട്ടങ്ങളില്‍ ഓവറിയുടെ വലിപ്പം വര്‍ദ്ധിയ്ക്കും. പ്രത്യേകിച്ചും ഓവുലേഷന്‍ നടക്കുമ്പോള്‍. ഇതിനു ശേഷം ഇത് സാധാരണ വലിപ്പത്തിലേയ്ക്കു മാറുകയും ചെയ്യും.ഓവറി വലിപ്പം സിസ്റ്റുകള്‍, ഫൈബ്രോയ്ഡുകള്‍ എന്നിവ കാരണവും വര്‍ദ്ധിയ്ക്കാം. ഇത്തരം രോഗാവസ്ഥകളെല്ലാം തന്നെ ഹോര്‍മോണ്‍ പ്രശ്‌നങ്ങള്‍ കൊണ്ടാണ് പ്രധാനമായും ഉണ്ടാകുന്നത്. ഹോര്‍മോണ്‍ അസന്തുലിതാവസ്ഥ ഗര്‍ഭധാരണത്തെ ബാധിയ്ക്കുന്ന ഒന്നാണ്. സ്ത്രീയുടെ പ്രത്യുല്‍പാദന ചക്രത്തെ തന്നെ ബാധിയ്ക്കുന്ന ഒന്ന്.

ഗര്‍ഭ കാലത്ത് സ്ത്രീയുടെ പ്രത്യുല്‍പാദന അവയവങ്ങളില്‍ കാര്യമായ വ്യത്യാസങ്ങള്‍ വരും. ഇതില്‍ ഒന്നാണ് ഓവറി വലിപ്പവും. ഇത് ഈസ്ട്രജന്‍, പ്രൊജസ്‌ട്രോണ്‍ ഹോര്‍മോണ്‍ ഉല്‍പാദനം കാരണമാകും.ഗര്‍ഭകാലത്ത് ഇത്തരം ഹോര്‍മോണുകള്‍ വര്‍ദ്ധിയ്ക്കുന്നു. സ്ത്രീയുടെ ഓവുലേഷന്‍ സമയത്തും ഇവ വര്‍ദ്ധിയ്ക്കുന്നു. ഗര്‍ഭധാരണത്തെ സഹായിക്കുന്ന ഹോര്‍മോണുകളാണ് ഇവ.

ഇത് പ്രസവ ശേഷം സാധാരണ നില പ്രാപിയ്ക്കുകയും ചെയ്യും. ഗര്‍ഭധാരണത്തിന് ഇത്തരം സ്ത്രീ ഹോര്‍മോണുകള്‍ ഏറെ അത്യാവശ്യമാണ്. സ്ത്രീയില്‍ ആര്‍ത്തവ, ഓവുലേഷന്‍ പ്രക്രിയകളേയും മുലപ്പാല്‍ ഉല്‍പാദനത്തേയുമെല്ലാം സ്വാധീനിയ്ക്കുന്ന ഹോര്‍മോണുകളാണ് ഇവ. Also read: സ്ത്രീകളിലെ മുടി കൊഴിച്ചിൽ എന്തുകൊണ്ട്?