Kangaroo Care: ജനിച്ച വാവയ്ക്ക് കംഗാരു കെയര് നല്കാം
കംഗാരു കെയർ എന്നത് നവജാത ശിശുക്കൾക്ക് നൽകുന്ന ഒരു സംരക്ഷണ രീതിയാണ്. ഇതെങ്ങനെ ചെയ്യാം എന്നറിയൂ.
Authored byസരിത പിവി | Samayam Malayalam24 Jan 2023, 2:40 pm
വയറ്റിലെ 9 മാസത്തെ വാസത്തിന് ശേഷം പുറംലോകം കാണുന്ന കുഞ്ഞാവയ്ക്ക് പുതിയ ലോകവുമായി ചേർന്ന് പോകാൻ സമയമെടുക്കും. അതിന്റേതായ അസ്വസ്ഥതകളും ഭീതിയുമെല്ലാം കരച്ചിലിലൂടെയാകും വാവ പ്രകടിപ്പിയ്ക്കുക. കുഞ്ഞ് ജനിച്ച് കഴിഞ്ഞാലുടൻ കുഞ്ഞിനെ അമ്മയുടെ ദേഹത്തോട് ചേർത്ത് കിടത്തുന്ന രീതിയുണ്ട്. ഇതാണ് കംഗാരു കെയർ എന്നറിയപ്പെടുന്നത്. അമ്മയുടെ ശരീരത്തോട് ചേർന്ന് അമ്മയുടെ ചൂടും മണവും സാന്നിധ്യവും അറിയുന്ന രീതിയിൽ കുഞ്ഞിനെ കിടത്തുന്ന രീതിയാണിത്. സ്കിൻ ടു സ്കിൻ എന്ന് വേണമെങ്കിൽ പറയാം. ഇത്തരത്തിലെ കംഗാരൂ കെയർ നൽകുന്ന ഗുണങ്ങൾ പലതാണ്.
സ്കിൻ ടു സ്കിൻ കെയർ
സ്കിൻ ടു സ്കിൻ കെയർ എന്നത് കുഞ്ഞിനെ ജനിച്ചയുടൻ കമഴ്ത്തി അമ്മയുടെ നെഞ്ചോട് ചേർത്ത് കിടത്തുന്ന രീതിയാണ്. ഇതേ രീതിയിൽ കിടത്തി അമ്മയേയും കുഞ്ഞിനേയും ബ്ലാങ്കറ്റ് കൊണ്ട് പുതപ്പിയ്ക്കുന്നു. ഇതേ രീതിയിൽ ഏതാണ്ട് 1 മണിക്കൂറോളം കുഞ്ഞിനെ കിടത്തുന്നു. യൂണിസെഫ് വിവരിയ്ക്കുന്ന രീതിയും കൂടിയാണിത്. ഇത് കുഞ്ഞിന്റെ ഹൃദയമിടിപ്പും ശ്വാസതാളവുമെല്ലാം നല്ല രീതിയിലാക്കാൻ സഹായിക്കുന്നു. കുഞ്ഞിന് പുറംലോകവുമായി ചേർന്നു വരാൻ കൂടി സഹായിക്കുന്ന രീതിയാണ് കംഗാരു കെയർ എന്നറിയപ്പെടുന്ന ഈ രീതി. Blood Pressure:ബിപി കുറയ്ക്കാൻ സഹായിക്കും 4 വൈറ്റമിനുകൾ
കുഞ്ഞിനെ
അമേരിക്കൻ അക്കാഡമി ഓഫ് പീഡിയാട്രിക്സ്(AAP) പറയുന്നത് പ്രസവം കഴിഞ്ഞയുടൻ അമ്മയും കുഞ്ഞും സാധാരണ അവസ്ഥയിലെങ്കിൽ ഇതേ രീതിയിൽ കുഞ്ഞിനെ കിടത്താം എന്നാണ്. ഇതേ രീതിയിൽ ഒരു മണിക്കൂർ നേരമെങ്കിലും കുഞ്ഞിനെ കിടത്തണം. ഇതേ രീതിയിൽ കിടത്തി തന്നെ ആവശ്യമായ പരിശോധനകളും മറ്റും നടത്തുകയും വേണമെന്നാണ് എഎപി പറയുന്നത്. ഏത് തരം പ്രസവമെങ്കിലും, ഇത് സിസേറിയനാണെങ്കിലും സാധാരണ പ്രസവമെങ്കിലും അമ്മയ്ക്കും കുഞ്ഞിനും മറ്റ് ആരോഗ്യ പ്രശ്നങ്ങൾ ഇല്ലെങ്കിൽ ഇതേ രീതിയിൽ കംഗാരു കെയർ നൽകാം.
അമ്മയ്ക്കും കുഞ്ഞിനും
അമ്മയ്ക്കും കുഞ്ഞിനും ഏറെ ഗുണങ്ങൾ നൽകുന്ന ഒന്നാണ് കംഗാരു കെയറിംഗ് എന്നത്. ഇത് കുഞ്ഞിന് അമ്മയിലൂടെ പുറലോകവുമായി ബന്ധം സ്ഥാപിയ്ക്കാൻ സാധിയ്ക്കുന്നു. പ്രത്യേകിച്ചും തികച്ചും പുതിയ അന്തരീക്ഷത്തിലേയ്ക്ക് പിറന്ന് വീഴുമ്പോൾ. ഇതേ രീതിയിൽ കുഞ്ഞിനെ കിടത്തുമ്പോൾ ഇത് കുഞ്ഞിന്റെ ഹൃദയ, ലംഗ്സ് പ്രവർത്തനങ്ങൾ നല്ല രീതിയിൽ നടക്കാൻ സഹായിക്കുന്നു. ഇത് കുഞ്ഞിന്റെ താപനില മെച്ചപ്പെടുത്താനും സഹായിക്കുന്നു. ഇതു പോലെ തന്നെ അമ്മയുടെ നെഞ്ചിൽ കിടത്തുമ്പോൾ ഇത് പാലൂട്ടൽ എന്ന പ്രക്രിയയ്ക്കും ഗുണം നൽകുന്നു. ഇത് കുഞ്ഞിനെ സ്വാഭാവികമായി പാൽ കുടിയ്ക്കാൻ സഹായിക്കുന്നു എന്നും എഎപി പറയുന്നു. കുഞ്ഞിന്റെ തലച്ചോറിന് പാൽ കുടിയ്ക്കാനുള്ള സ്വാഭാവിക താൽപര്യം ഇത്തരത്തിൽ കുഞ്ഞിനെ കിടത്തുന്നതിലൂടെ ലഭിയ്ക്കുന്നു.
Father and child
കംഗാരു കെയർ അമ്മയ്ക്കും നൽകുന്ന പല വിധ ഗുണങ്ങളുമുണ്ട്. എൻഡോർഫിൻ,പ്രോലാക്ടിൻ, ഓക്സിടോസിൻ എന്നീ ഹോർമോൺ ഉൽപാദനത്തിന് ഇത് സഹായിക്കുന്നു. പ്രോലാക്ടിൻ എന്ന ഹോർമോൺ പാലുൽപാദനത്തിന് സഹായിക്കുന്ന ഒന്നാണ്. മററ് ഹോർമോണുകൾ നല്ല മാനസികാവസ്ഥയ്ക്ക് സഹായിക്കുന്നു. പോസ്റ്റ്പാർട്ടം ഡിപ്രഷൻ അതായത് പ്രസവശേഷം അമ്മയ്ക്കുണ്ടാകാൻ സാധ്യതയുള്ള ഡിപ്രഷന് ഇത് ഒരു പരിധി വരെ പരിഹാരമാകും. ഹോർമോൺ ബാലൻസിലൂടെയാണ് ഇത് സംഭവിയ്ക്കുന്നത്. ഇത് മാനസികാസ്വാസ്ഥ്യം കുറയ്ക്കുന്നു. പ്രസവാനന്തര ഡിപ്രഷൻ പല തരത്തിലെ പ്രശ്നങ്ങളും അമ്മയ്ക്കും ഇതിലൂടെ കുഞ്ഞിനുമുണ്ടാക്കും. അമ്മയ്ക്ക് മാത്രമല്ല, അച്ഛനും ഇതേ രീതിയിൽ സ്കിൻ ടു സ്കിൻ ചെയ്യാവുന്നതാണെന്ന് മെഡിക്കൽ വിദഗ്ധർ പറയുന്നു. ഇത് അച്ഛനും കുഞ്ഞുമായുളള ബന്ധം മെച്ചപ്പെടുത്താനും സഹായിക്കുന്നു.
ജേര്ണലിസം രംഗത്ത് 17 വര്ഷങ്ങളിലേറെ പരിചയ സമ്പത്ത്. പ്രിന്റ് മീഡിയായില് തുടങ്ങി ഡിജിറ്റല് മീഡിയയില് സജീവം. വാര്ത്താ, ലൈഫ്സ്റ്റൈല് മേഖലകളില് കൂടുതല് പരിചയം. വായനക്കാര്ക്ക് താല്പര്യമുള്ള മേഖലകള് കണ്ടെത്തി ലളിതമായ രീതിയില് അവതരിപ്പിയ്ക്കാന് വൈദഗ്ധ്യം.വായനയും എഴുത്തും താല്പര്യം.സമകാലീന വിഷയങ്ങള് അടിസ്്ഥാനമാക്കി ലേഖനങ്ങള് എഴുതുന്നതില് പ്രത്യേക ശ്രദ്ധ. എഴുത്തിന് പുറമേ വായന, മ്യൂസിക് എന്നിവയോട് കൂടുതല് താല്പര്യം.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.