ചിലര്ക്ക് ഗര്ഭധാരണം സംഭവിയ്ക്കുക 72 മണിക്കൂറിലായിരിയ്ക്കും. ചിലര്ക്ക് ഇതിലേറെ സമയം പിടിയ്ക്കും. ബന്ധപ്പെട്ട ശേഷം എത്ര സമയത്തിനുളളിലാണ് ഗര്ഭധാരണം നടക്കുന്നതെന്ന കാര്യത്തില് പലര്ക്കും സംശയമുണ്ടാകാം. പ്രത്യേകിച്ചും ഗര്ഭധാരണത്തിന് ശ്രമിയ്ക്കുന്നവര്ക്ക്.
ഗര്ഭധാരണം
ബന്ധപ്പെട്ട ശേഷം ഉടന് തന്നെ ഗര്ഭധാരണം സംഭവിയ്ക്കുന്നില്ലെന്നതാണ് വാസ്തവം. ഇത് 6 ദിവസം വരെ പിടിയ്ക്കാമെന്നാണ് വിദഗ്ധര് അഭിപ്രായപ്പെടുന്നത്. അണ്ഡവും ബീജവും ഫെല്ലോപിയന് ട്യൂബില് എത്തിപ്പെട്ട് ഒരുമിക്കുമ്പോഴാണ് ഗര്ഭധാരണം സംഭവിയ്ക്കുന്നത്. സ്ത്രീയുടെ ഓവുലേഷന് സമയത്താണ് ഗര്ഭധാരണമെന്ന പ്രക്രിയ സംഭവിയ്ക്കുന്നതും. ഓവുലേഷനിലൂടെ സ്ത്രീയുടെ ഓവറികളില് നിന്നും അണ്ഡം ഫെല്ലോപിയന് ട്യൂബിലേക്കാണ് പുറന്തള്ളപ്പെടുന്നത്. ഇത് ബീജം ലഭ്യമാണെങ്കില് അതുമായി ചേര്ന്ന് സൈഗോട്ട് രൂപപ്പെടുന്നു. ഈ സൈഗോട്ട് യൂട്രസിലേക്ക് സഞ്ചരിച്ചെത്താന് 3-4 ദിവസം പിടിയ്ക്കും. ഈ സൈഗോട്ട് യൂട്രസിലെത്തി യൂട്രസ് ഭിത്തിയില് പറ്റിപ്പിയ്ക്കുന്ന പ്രക്രിയയാണ് ഇംപ്ലാന്റേഷന്. ഇത് നടക്കുമ്പോഴാണ് ഗര്ഭധാരണം സംഭവിയ്ക്കുന്നുവെന്ന് പറയാനാകൂ.
കാലയളവ്
യുകെ നാഷണല് ഹെല്ത്ത് സെര്വീസ് പ്രകാരം 100ല് 84 ദമ്പതിമാരും ഗര്ഭനിരോധന വഴികള് ഉപയോഗിച്ചല്ലാതെ ഒരു വര്ഷം റെഗുലര് സെക്സില് ഏര്പ്പെട്ടാല് ഗര്ഭധാരണം സംഭവിയ്ക്കും. മറ്റ് ചില വിദഗ്ധാഭിപ്രായ പ്രകാരം ആറു മാസമാണ് ഈ കാലയളവ്. ഒരു വര്ഷത്തിന് ശേഷവും മേല്പ്പറഞ്ഞ പ്രകാരം ബന്ധപ്പെട്ടിട്ടും ഗര്ഭധാരണം നടക്കുന്നില്ലെങ്കില് ഡോക്ടറെ കാണുന്നതായിരിയ്ക്കും ഉചിതം. ഗര്ഭധാരണത്തിന് തടസം നില്ക്കുന്ന എന്തെങ്കിലും പ്രശ്നങ്ങളുണ്ടോയെന്ന് മെഡിക്കല് പരിശോധനകളിലൂടെ കണ്ടെത്താനും പെട്ടെന്ന് തന്നെ ചികിത്സാ വിധികള് തേടാനും സാധിയ്ക്കും.
ഒരു സ്ത്രീ ഗര്ഭിണിയാകുന്നത്
ഒരു സ്ത്രീ ഗര്ഭിണിയാകുന്നത് പല ഘടകങ്ങളേയും ആശ്രയിച്ചിരിയ്ക്കും. ഇതില് പ്രായം, ആരോഗ്യം, പ്രത്യുല്പാദന ആരോഗ്യം എന്നിവ പ്രധാനപ്പെട്ടതാണ്. ചില സ്ത്രീകള് പെട്ടെന്ന് തന്നെ ഗര്ഭം ധരിയ്ക്കും. മറ്റു ചില സ്ത്രീകള് മെല്ലെയും. അനൂകൂല സാഹചര്യമെങ്കിലും ഗര്ഭധാരണം സംഭവിയ്ക്കുന്നില്ലെങ്കില് ഇത്തരം ഘട്ടത്തിലാണ് വന്ധ്യതാ പ്രശ്നങ്ങള് സംശയിക്കേണ്ടത്. സ്ത്രീകളിലുണ്ടാകുന്ന ഹോര്മോണ് തകരാറുകള്, അതായത് പിസിഒഎസ്, തൈറോയ്ഡ് , പിറ്റിയൂറ്ററി ഗ്ലാന്റ് പ്രശ്നങ്ങള്, അമിത വണ്ണം, അമിത വ്യായാമം, പ്രത്യുല്പാദനപരമായ തകരാറുകളായ അണുബാധകള്, ഫെല്ലോപിയന് ട്യൂബ് ബ്ലോക്ക്, എന്ഡോമെട്രിയോസിസ്, പുരുഷനില് നിന്നുള്ള കുറവ് സ്പേം അതായത് സ്പേം കൗണ്ട് കുറവ് എന്നിവയെല്ലാം തന്നെ ഗര്ഭധാരണം വൈകിപ്പിയ്ക്കുന്ന ഘടകങ്ങളാണ്.
ഫോള്സ് ടെസ്റ്റ് റിസല്ട്ട്
ഗര്ഭധാരണം നടന്ന ശേഷം, അതായത് ഇംപ്ലാന്റേഷന് നടന്ന ശേഷം 6-14 ദിവസത്തിന് ശേഷം ഗര്ഭധാരണ പരിശോധന നടത്തുന്നതാണ് നല്ലത്. അതായത് ഓവുലേഷന് ഏതാണ്ട് രണ്ടാഴ്ച കഴിഞ്ഞ്. കാരണം ഗര്ഭത്തുടക്കത്തില് പ്രഗ്നന്സി ടെസ്റ്റ് പൊസറ്റീവാക്കുന്ന എച്ച്സിജി ഹോര്മോണ് അതായത് ഗൊണാഡോട്രോഫിന് ഹോര്മോണ് അളവ് കുറവായിരിയ്ക്കും. ഇത് ശരിയായ തോതില് ഉല്പാദിപ്പിച്ച് തുടങ്ങിയാലാണ് മൂത്രത്തില് ഇതിന്റെ സാന്നിധ്യം വരുന്നതും ടെസ്റ്റ് പൊസറ്റീവാകുന്നത്. മൂത്രത്തില് ഈ ഹോര്മോണ് ഉള്ളതാണ് പരിശോധന പൊസറ്റീവ് ഫലം തരുന്നതിന് കാരണമാകുന്നത്. ഗര്ഭത്തുടക്കത്തില് ഈ അളവ് കുറവായതിനാല് ചിലപ്പോള് ഫോള്സ് ടെസ്റ്റ് റിസല്ട്ട് വരാന് സാധ്യതയുണ്ട്.