ആര്ത്തവ രക്തത്തിന്റെ നിറവും
ആര്ത്തവ രക്തത്തിന്റെ നിറവും സ്ത്രീയുടെ ഗര്ഭധാരണ ശേഷി സൂചനകള് നല്കുന്ന ഒന്നു തന്നെയാണ്. ചുവപ്പ് എന്നതാണു രക്ത നിറമെങ്കിലും ചിലപ്പോള് ഈ ചുവപ്പില് തന്നെ പല നിറ ഭേദങ്ങളും കാണാം. ഇതു പലപ്പോഴും പല സൂചനകള് നല്കുന്നുണ്ട്. ചില അസുഖങ്ങളുടെ സൂചനയായി ഇതിനു കാണാം. ഇതു പോലെ തന്നെ ഗര്ഭ ധാരണ സൂചന കൂടിയാണിത്. ആര്ത്തവ നിറം ഒരു സ്ത്രീയുടെ ഗര്ഭധാരണത്തെ എതെല്ലാം വിധത്തില് സൂചിപ്പിയ്ക്കുന്നുവെന്നറിയൂ.
സാധാരണ രീതിയില് ചുവപ്പു നിറത്തിലെ രക്തമാണ്
സാധാരണ രീതിയില് ചുവപ്പു നിറത്തിലെ രക്തമാണ് ആര്ത്തവ സമയത്തു ശരീരം പുറന്തള്ളുക. തെളിഞ്ഞ ചുവപ്പു നിറം എന്നു വേണം, പറയുവാന്. ഇത് സാധാരണ കട്ടിയോടെയുളളതും ആയിരിയ്ക്കും. ഇത് സ്ത്രീ ശരീരത്തിലെ പ്രത്യുല്പാദന ശേഷി സാധാരണ ഗതിയിലാണ് എന്ന സൂചനയാണ് നല്കുന്നത്. സാധാരണ ഗതിയിലെ ആര്ത്തവം 5-7 ദിവസം വരെയുമുണ്ടാകും. മാത്രമല്ല, ആര്ത്തവ ഇടവേള, അതായത് പീരിയഡ് സൈക്കിള് 28-30 ദിവസം വരെയാകാം. സാധാരണ ആരോഗ്യകമായ ആര്ത്തവ ചക്ര ദൈര്ഘ്യം 28 ദിവസം എന്നാണ് പറയുക.
Also read: പെട്ടെന്നു നല്ല നിറവും ചര്മവും, ഒന്നും പുരട്ടാതെ
ചിലരില് ചുവപ്പു നിറം കുറഞ്ഞ രക്തസ്രാവം
ചിലരില് ചുവപ്പു നിറം കുറഞ്ഞ രക്തസ്രാവം ഉണ്ടാകാറുണ്ട്. വിളറിയ ചുവപ്പു നിറം എന്നു പറയാം. അനീമിയ പോലുളള രോഗ സൂചനയാണ് ഇത്. ചിലപ്പോള് ആര്ത്തവം തുടങ്ങി രണ്ടു മൂന്നു ദിവസത്തിനുള്ളില് രക്തനിറം കുറയുന്നതായി കാണാം. ആര്ത്തവത്തിന് അവസാന ദിനങ്ങളില് ഇതു സാധാരണയെങ്കിലും ചുവപ്പു കുറഞ്ഞ രക്തസ്രാവം ഗര്ഭധാരണത്തിന് അനുകൂല സൂചനകളല്ല, നല്കുന്നത്. അനീമിയ പോലുള്ള പ്രശ്നങ്ങള് ചിലപ്പോള് ഗര്ഭധാരണത്തിനു തടസമാകാം.
ഗര്ഭപാത്ര സംബന്ധമായ
ചിലരില് ബ്രൗണ് നിറത്തിലെ രക്തപ്രവാഹമുണ്ടാകാം. യൂട്രസില് അല്പകാലം കെട്ടിക്കിടക്കുന്ന രക്തമാണ് ഇതു സൂചിപ്പിയ്ക്കുന്നത്. ഇതു പോലെ ഗര്ഭധാരണം നടക്കാത്ത സാഹചര്യത്തില് യൂട്രസ് ഭിത്തികള് പൊഴിഞ്ഞു വീഴുമ്പോള് ക്ലോട്ടിംഗ് പോലെ ഈ രക്തം പുറന്തള്ളപ്പെടുകയും ചെയ്യും. ഇതെല്ലാം സാധാരണ പ്രക്രിയ തന്നെയാണ്. എന്നാല് ഇത് അധികമാകുന്നതും എപ്പോഴും ആര്ത്തവ സമയത്ത് ഇത്തരം രീതിയില് തന്നെയാണ് രക്തം പോകുന്നതെങ്കിലും ഗര്ഭപാത്ര സംബന്ധമായ പ്രശ്നങ്ങളുമുണ്ടാകാം.
Also read:ഗര്ഭകാലത്ത് ഈ ബ്യൂട്ടി ടിപ്സ് അരുത്
ആര്ത്തവ രക്തത്തിന് പിങ്ക് നിറമെങ്കില്
ആര്ത്തവ രക്തത്തിന് പിങ്ക് നിറമെങ്കില് ഇതു സൂചന നല്കുന്നത് സ്ത്രീ ഹോര്മോണായ ഈസ്ട്രജന്റെ കുറവാണ്. ഈസ്ട്രജന് ഹോര്മോണ് കുറവെങ്കില് ഇത് ഗര്ഭധാരണത്തെ ബാധിയ്ക്കുന്ന ഒന്നാണ്. സ്ത്രീ ഹോര്മോണ് സ്ത്രീ ശരീരത്തിന്റെ സ്വാഭാവികമായ പ്രവര്ത്തനങ്ങള്ക്ക് ഏറെ അത്യാവശ്യമാണ്. ആര്ത്തവം, ഓവുലേഷന്, ഗര്ഭധാരണം തുടങ്ങിയ പ്രക്രിയകള്ക്കും ഇതേറെ അത്യാവശ്യമാണ്. ഇതു കൊണ്ടു തന്നെ ഇത്തരം നിറത്തിലെ ബ്ലീഡിംഗ് അല്പം ശ്രദ്ധ വേണം. ഹോര്മോണുകളാണ് ആത്യന്തികമായി പ്രത്യുല്പാദനത്തിലേയ്ക്കു ശരീരത്തെ നയിക്കുന്നത്. ഹോര്മോണ് പ്രക്രിയകള് തകിടം മറിയുന്നത് ശരീരത്തിന്റെ പല പ്രവര്ത്തനങ്ങളേയും ബാധിയ്ക്കുന്ന ഒന്നാണ്.
ഇതല്ലാതെ ഗര്ഭപാത്രത്തെ ബാധിയ്ക്കുന്ന
ഇതല്ലാതെ ഗര്ഭപാത്രത്തെ ബാധിയ്ക്കുന്ന, സ്ത്രീയുടെ പ്രത്യുല്പാദനത്തെ ബാധിയ്ക്കുന്ന ചില പ്രത്യേക അവസ്ഥകളുണ്ട്. എന്ഡോമെട്രിയായിസ്, ഫൈബ്രോയ്ഡുകള് പോലുളളവ. ഇത്തരം അവസ്ഥകളെങ്കില് ഇതെല്ലാം തന്നെ ഗര്ഭധാരണത്തെ ബാധിയ്ക്കുന്നവ തന്നെയാണ്. ഇത്തരം അവസ്ഥകളില് വ്യത്യസ്ത നിറത്തോടു കൂടിയ രക്തപ്രവാഹം ഉണ്ടാകാം. ഇതെല്ലാം തന്നെ സ്ത്രീ ശരീരത്തിന്റെ പ്രത്യുല്പാദനത്തെ ബാധിയ്ക്കുന്ന അവസ്ഥകള് തന്നെയാണ്.
ചില സ്ത്രീകളില് ആര്ത്തവ ദിനങ്ങള്
ചില സ്ത്രീകളില് ആര്ത്തവ ദിനങ്ങള് കൂടുതല് നീണ്ടു പോകും. ചിലരില് തീരെക്കുറവും. ഇതൊന്നും തന്നെ നല്ല ലക്ഷണങ്ങളായി കാണുവാന് സാധിയ്ക്കില്ല. ഇതിനു കാരണം ശരീരത്തിലുണ്ടാകുന്ന ഹോര്മോണ് മാറ്റങ്ങള് തന്നെയാണ്. ഹോര്മോണുകളാണ് ആത്യന്തികമായി പ്രത്യുല്പാദനത്തിലേയ്ക്കു ശരീരത്തെ നയിക്കുന്നത്. ഹോര്മോണ് പ്രക്രിയകള് തകിടം മറിയുന്നത് ശരീരത്തിന്റെ പല പ്രവര്ത്തനങ്ങളേയും ബാധിയ്ക്കുന്ന ഒന്നാണ്. പ്രധാനമായും പ്രത്യുല്പാദനത്തെ. ഇതെല്ലാം പ്രത്യുല്പാദനത്തിനു തടസം നില്ക്കുന്നവയാണ്.
പെട്ടെന്നുണ്ടാകുന്ന ആര്ത്തവ ക്രമക്കേടുകള്
പെട്ടെന്നുണ്ടാകുന്ന ആര്ത്തവ ക്രമക്കേടുകള് പല രോഗങ്ങളുടേയും ലക്ഷണങ്ങള് കൂടിയാകാം. പ്രത്യേകിച്ചും ഹോര്മോണ് പ്രശ്നങ്ങളുടെ. ഹോര്മോണ് പ്രശ്നങ്ങളെങ്കില് ഇത് മാസമുറ സംബന്ധമായ പല പ്രശ്നങ്ങള്ക്കും കാരണമാകും. ഇതല്ലാതെ ആര്ത്തവത്തിന്റെ ആരംഭത്തിലും മെനോപോസ് സമയത്തും ആര്ത്തവത്തില് വ്യതിയാനങ്ങളുണ്ടാകുന്നത് സാധാരണയാണ്.