ഗര്ഭിണികളിലെ ഓസ്റ്റിയോപൊറോസിസ് ഇല്ലാതാക്കാന് ഇവ പരിഗണിക്കണം
ഗര്ഭിണികളില് കണ്ടുവരുന്ന ഓസ്റ്റിയോ പൊറോസീസ് നിയന്ത്രിക്കാന് എന്തെല്ലാം കാര്യങ്ങള് ശ്രദ്ധിക്കണം എന്ന് നോക്കാം.
Authored byഅഞ്ജലി എം സി | Samayam Malayalam8 Jun 2023, 8:32 am
ഗര്ഭിണികളില് ഉണ്ടാകുന്ന എല്ലുകളുടെ ബലക്ഷയം പലതരം ആരോഗ്യ പ്രശ്നങ്ങള് ഭാവിയില് ഉണ്ടാക്കുന്നു. സ്ഥിരമായിട്ടുള്ള നടുവേദനയും ഇവരുടെ ആരോഗ്യത്തെ നശിപ്പിക്കുന്നു എന്ന് തന്നെ പറയാം.
എന്താണ് ഓസ്റ്റിയോ പൊറോസീസ്
ഇന്ന് ഗര്ഭിണികളില് എല്ലുകള്ക്ക് ഓസ്റ്റിയോ പൊറോസീസ് എന്ന അവസ്ഥ കണ്ടുവരാറുണ്ട്. അസ്ഥികളില് നിന്നും കാല്ത്സ്യവും പോഷകങ്ങളും എല്ലാം നഷ്ടമാകുമ്പോള് സംഭവിക്കുന്നതാണ് ഇത്. ഇത്തരം അവസ്ഥയാണ് പിന്നീട് എല്ല് തേയ്മാനം, എല്ല് പൊടിഞ്ഞ് പോകുന്ന അവസ്ഥ എന്നിവയിലേയ്ക്ക് സ്ത്രീകളെ നയിക്കുന്നത്.
പലപ്പോഴും പ്രായമാകുന്നവരിലാണ് ഇത്തരത്തില് അസ്ഥിക്ഷയം കണ്ട് വരാറുള്ളത്. എന്നാല്, ഇന്ന് ചെറുപ്പക്കാരിലും അതുപോലെ, പ്രസവം കഴിഞ്ഞ സ്ത്രീകളിലും ഗര്ഭിണികളിലും ഇത്തരം രോഗങ്ങള് കാണുന്നുണ്ട്. താളം തെറ്റിയ ആഹാരരീതികളും കാത്സ്യത്തിന്റെ കുറവ്, വിറ്റമിന് ഡി പോലെയുള്ള പോഷകങ്ങളുടെ കുറവ്, എന്നിവയെല്ലാം ഈ രോഗത്തിലേയ്ക്ക് നയിക്കുന്ന പ്രധാന കാരണങ്ങളാണ്.
ഗര്ഭിണികളില് എന്തുകൊണ്ട് ഇത്തരം പ്രശ്നം ഉണ്ടാകുന്നു
ഗര്ഭിണികളില് ഹോര്മോണ് വ്യതിയാനം ഉണ്ടാകാന് സാധ്യത കൂടുതലാണ്. ഇത് ചിലരില് എല്ലുകള്ക്ക് ക്ഷണം ഉണ്ടാകുന്നതിന് കാരണമാകാറുണ്ട്. അതുപോലെ, ഗര്ഭിണികള് നല്ലപോലെ കാത്സ്യം അടങ്ങിയ ആഹാരങ്ങള് കഴിക്കണം. എന്നാല്, ഇതിന്റെ അളവില് വ്യതിയാനം സംഭവിച്ചാലും എല്ലുകളുടെ ആരോഗ്യത്തെ ഇത് ബാധിക്കുന്നുണ്ട്.
ഇതില് ഏറ്റവും പ്രധാനപ്പെട്ട കാര്യം എന്താണെന്ന് വെച്ചാല് ശരീരത്തിലേയ്ക്ക് കാത്സ്യം എത്തണമെങ്കില് വിറ്റമിന് ഡി അനിവാര്യമാണ്. വിറ്റമിന് ഡി ലഭിക്കാന് അത്യാവശ്യം സൂര്യ പ്രകാശം കൊള്ളണം. അതുപോലെ തന്നെ, ഗര്ഭിണി ആകുന്നതിന് മുന്പേ തന്നെ ഓസ്റ്റിയോ പൊറോസീസ് ഉണ്ടായിട്ടുള്ളവര് അതിന് കൃത്യമായ ചികിത്സ എടുക്കാന് മറക്കരുത്.
Video - ഗര്ഭിണികള് ശ്രദ്ധിക്കേണ്ട ചില കാര്യങ്ങള്
ഗര്ഭിണികളിലെ ഓസ്റ്റിയോ പൊറോസിസ് കുറയ്ക്കാന് നല്ലപോലെ പ്രോട്ടീന് റിച്ചായിട്ടുള്ള ആഹാരം കഴിക്കാന് ശ്രദ്ധിക്കണം. നല്ലപോലെ പ്രോട്ടീന് എത്തുമ്പോള് അത് പേശികളുടെ ആരോഗ്യത്തെ ബലപ്പെടുത്തുന്നു. ഇത്തരത്തില് പേശികളെ ബലപ്പെടുത്തുമ്പോള് ഇത് എല്ലുകളിലേയ്ക്ക് വരുന്ന അമിത ഭാരത്തെ നിയന്ത്രിക്കാന് സഹായിക്കുന്നുണ്ട്.
പ്രോട്ടീന് പോലെ തന്നെ കാത്സ്യവും അടങ്ങിയ ആഹാരം കഴിക്കാന് മറക്കരുത്. കാത്സ്യം ശരീരത്തിലേയ്ക്ക് എത്തിയാല് മാത്രമാണ് എല്ലുകള്ക്ക് ബലം ലഭിക്കുക. ഇതിനായി, പാല് ഉല്പന്നങ്ങള്, കടല് മത്സ്യം, ചീര, ബദാം എന്നിവയെല്ലാം കഴിക്കാം. അതുപോലെ തന്നെ വിറ്റമിന് ഡി അടങ്ങിയ ആഹാരങ്ങള് കഴിക്കാനും ശ്രദ്ധിക്കണം. എന്നാല് മാത്രമാണ് കാത്സ്യം ശരീരത്തിലേയ്ക്ക് ആഗിരണം ചെയ്യപ്പെടുകയുള്ളൂ.
ശീലങ്ങള്
ചിലര്ക്ക് ഇടയ്ക്കിടയ്ക്ക് കാപ്പി, അല്ലെങ്കില് ചായ എന്നിവ കുടിക്കുന്നശീലം കാണാന് സാധിക്കും. എന്നാല്, ഇത്തരത്തില് ഇടയ്ക്കിടയ്ക്ക് കഫേയ്ന് ശരീരത്തിലേയ്ക്ക് എത്തുന്നത് പോഷകങ്ങള് ആഗിരണം ചെയ്യപ്പെടുന്നത് തടസ്സപ്പെടുന്നു. അതുപോലെ തന്നെ നിങ്ങളിലെ പുകവലി ശീലവും മദ്യപാനവും കുറയ്ക്കാന് ശ്രദ്ധിക്കണം. ഇതെല്ലാം തന്നെ ശരീരത്തിലേയ്ക്കുള്ള പോഷകങ്ങള് എത്തുന്നത തടയുന്നു.
ഇത്തരത്തില് പോഷകക്കുറവ് അനുഭവപ്പെടുന്നത് എല്ലുകളുടെ ആരോഗ്യം ഇല്ലാതാക്കുന്നതിലേയ്ക്ക് നയിക്കുന്നു. ഇത് ഓസ്റ്റിയോ പൊറോസീസ് ഉണ്ടാകുന്നതിനും അതുപോലെ തന്നെ എല്ല് തേയ്മാനം ഉണ്ടാകുന്നതിനുമെല്ലാം കാരണമാകുന്നു.
എന്തിനും ഏതിനും വ്യായാമം ഒരു പരിഹാരം തന്നെയാണ്. ഗര്ഭിണികള്ക്കും വ്യായാമം ചെയ്യുന്നത് നിരവധി ഗുണം നല്കുന്നുണ്ട്. പ്രത്യേകിച്ച് സുഖപ്രസവം നേടുന്നതിന് വ്യായാമം സഹായിക്കുന്നുണ്ട്. ഇതിന് മാത്രമല്ല, എല്ലുകളുടെ ആരോഗ്യം നിലനിര്ത്തുന്നതിനും വ്യായാമം ചെയ്യുന്നത് സഹായിക്കുന്നു. പ്രത്യേകിച്ച് പേശികളെ ബലപ്പെടുത്താനും എല്ലുകളിലേയ്ക്ക് ഭാരം എത്താതിരിക്കാനും ഇത് സഹായിക്കുന്നുണ്ട്.
പത്ര പ്രവര്ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്കൂള് കാലഘട്ടം മുതല് സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന് പ്രേരിപ്പിച്ചത്. മാധ്യമ മേഖലയില് മൂന്ന് വര്ഷത്തെ പ്രവര്ത്തി പരിചയമുള്ള അഞ്ജലി ലൈഫ്സ്റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.