ഭക്ഷണം
കുട്ടികളില് പ്രതിരോധ ശേഷി വര്ധിപ്പിക്കാനായി ദിവസത്തില് ഏതെങ്കിലുമൊരു പഴം അല്പമെങ്കിലും കുട്ടികള് കഴിക്കുന്നുണ്ടെന്ന് ഉറപ്പാക്കുക. ഇതില് ഏറ്റവും പ്രധാനം സീസണല് പഴങ്ങളാണ്. പച്ചക്കറികളും പ്രധാനമാണ്. അതുപോലെ വീട്ടില് തന്നെ തയ്യാറാക്കുന്ന അച്ചാര്, അല്ലെങ്കില് ചട്ണി എന്നിവയും കുട്ടികളെ അല്പം കഴിപ്പിക്കുക. തൈരും നല്ലതാണ്. കാല്സ്യം, പ്രോട്ടീന് സമ്പുഷ്ടമാണ്. വയറ്റിനകത്തെ നല്ലയിനം ബാക്ടീരിയകളുടെ വളര്ച്ചയ്ക്കും പോഷകങ്ങള് ലഭിക്കുന്നതിനുമെല്ലം ഇവ സഹായകമാണ്.
ഭക്ഷണം ഏറെ പ്രധാനമാണ്. പ്രോട്ടീനിന്റെ സമ്പുഷ്ടമായ സ്രോതസാണ് ചോറ്. അതിനാല് തന്നെ ദിവസത്തിലൊരിക്കലെങ്കിലും കുട്ടികള്ക്ക് ചോറ് നല്കേണ്ടതാണ്. ഇതുപോലെ ചപ്പാത്തിയും നല്കാം. ആരോഗ്യകരമായ ഏത്തപ്പഴം, മുട്ട എന്നിവയെല്ലാം നല്കാം.പ്രതിരോധശേഷിയെ മെച്ചപ്പെടുത്താന് സഹായിക്കുന്ന മറ്റൊരു ഭക്ഷണമാണ് നട്സ്. ഇതും മിതമായ അളവില് കുട്ടികള്ക്ക് പതിവായി നല്കാം. സിട്രസ് ഫലങ്ങള് നല്ല പ്രതിരോധം തീര്ക്കുന്നു. പച്ചക്കറികളും പ്രധാനമാണ്.
വീട്ടില് തയ്യാറാക്കുന്ന ഭക്ഷണം
വീട്ടില് തയ്യാറാക്കുന്ന ഭക്ഷണം കഴിക്കുന്നതിലൂടെ പ്രതിരോധശേഷി ശക്തിപ്പെടുത്താനും കുട്ടികള്ക്കാകും. ഏത് വിഭവങ്ങളും നമുക്ക് കഴിയാവുന്ന രീതിയില് ആകര്ഷകമായി വീട്ടില് തന്നെ തയ്യാറാക്കാം. ജങ്ക് ഫുഡ്, പാക്കറ്റ് ഫുഡ് പരമാവധി കുട്ടികളെ ശീലിപ്പിക്കാതിരിക്കുക. ഹോം മെയ്ഡ്' സ്നാക്സ് മാത്രം കൊടുത്ത് ശീലിപ്പിക്കുക. വീട്ടില് തന്നെ സ്നാക്സ് തയ്യാറാക്കി സൂക്ഷിച്ച് കുട്ടികള്ക്ക് നല്കി ശീലിക്കുക.
ഉറക്കം
കുട്ടികളിലെ പ്രതിരോധ ശേഷി വര്ദ്ധിപ്പിയ്ക്കാന് പ്രധാനപ്പെട്ട ഒന്നാണ് ഉറക്കമെന്നത്. ചുരുങ്ങിയത് 8 മണിക്കൂര് ഉറക്കം കുട്ടികള്ക്ക് അത്യാവശ്യമാണ്. മുതിര്ന്നവരുടെ ചിട്ടയില്ലായ്മയില് ഒരിക്കലും കുട്ടികളെ പങ്കാളികള് ആക്കരുത്. അതിനാല് ചിട്ടയായ ഉറക്ക സമയം ആവശ്യമാണ്. കുട്ടികളുടെ ഉറക്കസമയത്തില് കാര്യമായ മാറ്റങ്ങള് വരുത്താതിരിക്കുക. ഒരു രാത്രിയിലെ ഉറക്കമില്ലായ്മ പോലും കുട്ടികളിലെ പ്രതിരോധ ശേഷി കുറയ്ക്കും.
.
ശാരീരിക അധ്വാനം
മറ്റൊരു ഘടകം ശാരീരികമായ അധ്വാനമാണ്. കുട്ടികളുടെ വളര്ച്ചയ്ക്കും പ്രതിരോധത്തിനുമെല്ലാം ശാരീരിക അധ്വാനം അത്യാവശ്യം. ഇത് കളികള് വഴിയും വീട്ടിലെ ചെറു പണികള് വഴിയുമാകാം. വീട്ടിലെ ജോലികള് ചെയ്ത് കുട്ടികളെ ശീലിപ്പിക്കുക. ഇതെല്ലാം കുട്ടികള്ക്ക് ശാരീരികവും മാനസികവുമായ ആശ്വാസം നല്കും. ഇവയെല്ലാം തന്നെ പരോക്ഷമായി പ്രതിരോധ ശേഷിയെ പരിപോഷിപ്പിക്കുകയും ചെയ്യും. മുറി വൃത്തിയാക്കുന്നതില് പങ്കെടുപ്പിക്കുക, മുറ്റം ഭംഗിയാക്കാനും പൂന്തോട്ടം ക്രമീകരിക്കാനും പരിശീലിപ്പിക്കുക. ഇലക്ട്രോണിക് വസ്തുക്കളുമായി അധിക നേരം സംസര്ഗം കുട്ടികള്ക്ക് ദോഷമേ വരുത്തൂ.