ഇതിന് അടിസ്ഥാനമായ കാര്യം ഓവുലേഷന് അഥവാ സ്ത്രീ ശരീരത്തില് നടക്കുന്ന അണ്ഡവിസര്ജനം തന്നെയാണ്. സ്ത്രീയുടെ ഓവുലേഷന് ദിവസങ്ങളിലാണ് ഗര്ഭധാരണ സാധ്യത വര്ദ്ധിയ്ക്കുന്നത്. ഇത്തരം ദിവസങ്ങള് നോക്കിയോ ഇതിന് അടുത്തുള്ള ദിവസങ്ങള് നോക്കിയോ ബന്ധപ്പെടുന്നതാണ് ഗര്ഭധാരണ സാധ്യത ഏറെ വര്ദ്ധിപ്പിയ്ക്കുന്നത്. സ്ത്രീയില് ആര്ത്തവ ശേഷം വരുന്ന ഓവുലേഷന് ദിവസമാണ് ഇതിനായി തിരഞ്ഞെടുക്കണ്ടത്. ആര്ത്തവ ചക്രം നോക്കിയാണ് ഓവുലേഷന് ദിവസവും തീരുമാനിയ്ക്കുക. പുരുഷന്റെ കാര്യത്തില് ബീജത്തിന് ആയുസ് 3-5 ദിവസം വരെയുണ്ടെങ്കിലും സ്ത്രീയ്ക്കിത് 24, കൂടുതല് പോയാല് 36 മണിക്കൂര് മാത്രമാണ്. വേണമെങ്കില് സുരക്ഷയ്ക്കായി രണ്ടു ദിവസം എന്നും വച്ചോളൂ. ഇതിനുള്ളില് ബീജവുമായി സംയോഗം നടന്നാല് മാത്രമേ ഗര്ഭധാരണം നടക്കൂ.
ഇതു കണക്കു കൂട്ടാന് സ്ത്രീയിലെ ആര്ത്തവ ചക്രം അറിയേണ്ടത് പ്രധാനമാണ്. എങ്കില് മാത്രമേ ഓവുലേഷനും ഇതോടനുബന്ധമായി വരുന്ന സേഫ്, അണ്സേഫ് പിരീഡ് കണക്കു കൂട്ടാനും പറ്റൂ. ഉദാഹരണത്തിന് 28 ദിവസത്തെ ആര്ത്തവ ചക്രമെങ്കില്, അതായത് 28 ദിവസം കൂടുമ്പോള് വരുന്ന ആര്ത്തവ ചക്രമെങ്കില് 14-ാം ദിവസമാകും, ഓവുലേഷന് നടക്കുക. ഇതിനാല് തന്നെ ആര്ത്തവം കഴിഞ്ഞ് 9-18 വരെയുള്ള ദിവസങ്ങള് അണ്സേഫ് പിരീഡ് എന്നു പറയാം. അതായത് ഗര്ഭധാരണ ശേഷിയുള്ള ദിവസങ്ങള്. കാരണം അണ്ഡത്തിന് ആയുസു കുറവെങ്കിലും ബീജത്തിന് ആയുസുണ്ട്, 3-5 ദിവസം വരെ. ഇതിനാല് തന്നെ ഓവുലേഷന് അഞ്ചു ദിവസം മുന്പു വരെയുളള സെക്സും ഓവുലേഷന്റെ അന്നോ പിറ്റേന്നോ ഉള്ള സെക്സും ഗര്ഭധാരണ സാധ്യത കൂട്ടുന്നു. ഇതിനാല് തന്നെ ആര്ത്തവം മുതല് 9 ദിവസം വരെയും 19 ദിവസം മുതല് അടുത്ത ആര്ത്തവം വരെയും സേഫ് പിരീഡ് ആയി കണക്കാക്കാം. ഗര്ഭനിരോധന ഉപാധികള് ഉപയോഗിച്ചില്ലെങ്കിലും ഗര്ഭധാരണ സാധ്യത കുറവായ, ഇല്ലാത്ത ദിവസങ്ങള്.
ഇതുപോലെ ആര്ത്തവ ചക്രം 21 ദിവസമെങ്കില്, പൊതുവേ സ്ത്രീയുടെ ആര്ത്തവ ചക്രം 21-31 ദിവസങ്ങള് വരെയായിരിയ്ക്കും ഉണ്ടാകുക. പലരിലും ഇതില് വ്യത്യാസങ്ങള് വരാം. ഇതിന് കാരണം ആര്ത്തവ സംബന്ധമായ ക്രമക്കേടുകള് ആയിരിയ്ക്കും, 21 ദിവസത്തെ ആര്ത്തവ ചക്രത്തില് ആര്ത്തവം തുടങ്ങി 8-12 ദിവസം വരെയും അണ്സേഫ് പിരീഡ് ആണ്. ഇനി 34-35 ദിവസത്തിലാണ് ആര്ത്തവം വരുന്നതെങ്കില് ഓവുലേഷന് ദിവസം 20-21 ദിവസങ്ങളിലായിരിയ്ക്കും. ഇവരില് സേഫ് പിരീഡ് ആര്ത്തവം മുതല് 15 ദിവസം വരെയും പിന്നെ ആര്ത്തവം കഴിഞ്ഞ് 25-35 ദിവസം വരെയുമാണ്. 40 ദിവസമുള്ള ആര്ത്തവ ചക്രത്തില് 20 ദിവസം വരെ സേഫ് പിരീഡ് ആണ്. പിന്നെ 30 ദിവസത്തിനു ശേഷവും. അതായത് ആര്ത്തവ ചക്രം അനുസരിച്ച് ഓവുലേഷനും ഇത് അനുസരിച്ച് സേഫ്, അണ്സേഫ് പിരീഡും വ്യത്യാസപ്പെട്ടിരിയ്ക്കും. ഗര്ഭകാലത്ത് വയറിന് അസാധാരണ വലിപ്പമെങ്കില്...
ഇത് കൃത്യമായ ആര്ത്തവ ചക്രം ഉള്ള സ്ത്രീകളുടെ കാര്യത്തിലാണ്. എന്നാല് ആര്ത്തവ ക്രമക്കേടുകള് ഉളളവരില് ഇത്തരം സേഫ് പിരീഡ് കണക്കു കൂട്ടല് ഒരിക്കലും ശരിയായി വരാറില്ല. ഇതിനാല് തന്നെ സേഫ് പിരീഡ് സെക്സ് എന്ന കാര്യവും ശരിയായി വരില്ല. ഇവര് കുഞ്ഞുങ്ങള് വേണ്ടെന്നുണ്ടെങ്കില് മറ്റു ഗര്ഭനിരോധന വഴികള് നോക്കുന്നതാണ് നല്ലത്. ഇതു തന്നെയാണ് ഇതിന്റെ പ്രധാന ന്യൂനതയും. അതായത് ആര്ത്തവ ചക്രം ശരിയല്ലെങ്കില് ഇതൊരിക്കലും ശരിയായി വരില്ല.
ഇതു പോലെ തന്നെ ഓവുലേഷന് അറിയാന് സ്ത്രീയുടെ ബേസല് ബോഡി ടെംപറേച്ചര് അളക്കുന്നത് പോലുളള ചില വഴികളുമുണ്ട്. അതായത് ഈ സമയത്ത് സ്ത്രീയുടെ ശരീരത്തിലെ ചൂടു വര്ദ്ധിയ്ക്കുന്നു. ഇത് ഒാവുലേഷന് അടയാളമാണ്. ഇതു കൂടി സേഫ് പിരീഡ് കണക്കു കൂട്ടാന് ഉപയോഗിയ്ക്കാം. എന്നാല് ശരിയായ ആര്ത്തവ ചക്രമുള്ള സ്ത്രീകളില് പോലും ചിലപ്പോള് ചില കാര്യങ്ങളാല് താല്ക്കാലികമായി ആര്ത്തവ, ഓവുലേഷന് ക്രമക്കേടുകളുണ്ടാാകാം. ഉദാഹരണത്തിന് ചില മരുന്നുകള്, സ്ട്രെസ് , സ്ഥലം മാറുക തുടങ്ങിയ ചില കാരണങ്ങളാല്. ഇത്തരം ഘട്ടങ്ങളിലും സേഫ് പിരീഡ് കണക്കു കൂട്ടുന്നത് അത്ര എളുപ്പമാകില്ല. ഇതിനാല് തന്നെ ഇത്തരം ഘട്ടങ്ങളില് മറ്റേതെങ്കിലും ഗര്ഭ നിരോധന വഴി സ്വീകരിയ്ക്കുന്നതായിരിയ്ക്കും ആശാസ്യം. യോനീസ്രവ ഗര്ഭശേഷി അറിയാല് വിരല് പരിശോധന ഇങ്ങനെ...
സ്ത്രീയുടെ ഓവുലേഷന് ദിവസങ്ങള് തിരിച്ചറിയാന് സഹായിക്കുന്ന ഓവുലേഷന് കിറ്റുകള് ലഭ്യമാണ്. ഇതു മാത്രമല്ല, സ്ത്രീ ശരീരത്തില് നടക്കുന്ന ചില മാറ്റങ്ങള് ഇതിനുള്ള സൂചനയുമാണ്. ഗര്ഭധാരണ സൂചന നല്കുന്ന ഒന്നാണ് യോനീസ്രവം അഥവാ വജൈനല് സ്രവം. സ്ത്രീയില് ഓവുലേഷന് അടുക്കുമ്പോള് യോനീസ്രവവും വര്ദ്ധിയ്ക്കും. ശരീരം ഗര്ഭധാരണത്തിന് ഒരുങ്ങിയെന്നതിന്റെ സൂചന കൂടിയാണിത്. ഈ സമയത്ത് കൂടുതല് കട്ടിയുള്ള, മുട്ടയുടെ വെള്ള പോലെയുള്ള യോനീസ്രവമാണ് ശരീരം ഉല്പാദിപ്പിയ്ക്കുക. ഓവുലേഷന് നടക്കുന്നുവെന്നതിന്റെ ഒരു പ്രധാന അടയാളം കൂടിയാണിത്. പ്രസവ ശേഷം ഹസ്ബെന്റ്സ് സ്റ്റിച്ച് (ഡാഡീസ് സ്റ്റിച്ച്), അറിയാമോ??