ബേക്കറി പലഹാരങ്ങള്‍
മിക്കവാറും കുട്ടികളുള്ള വീടുകളില്‍ പതിവായി വാങ്ങിവയ്ക്കുന്ന ഭക്ഷണസാധനങ്ങളിലൊന്നാണ് ബേക്കറി പലഹാരങ്ങള്‍. കുട്ടികള്‍ക്കായി ചെറുപ്പത്തിലേ ബേക്കറി വസ്തുക്കള്‍ ശീലമാക്കുന്നത് നല്ലതല്ല. പലരും വിശപ്പിനായി ഇത്തരം ഭക്ഷണങ്ങളാണ് കുട്ടികളെ ശീലിപ്പിയ്ക്കുന്നത്. ഇത് ചെറുപ്പത്തിലേ ശീലിപ്പിച്ച് വലുതിലും മാറ്റാന്‍ സാധിയ്ക്കാതെ വരും. ചെറുപ്പം തൊട്ട് തന്നെ ഈ ഭക്ഷണശീലം കുട്ടികളില്‍ വളര്‍ത്താതിരിക്കുക. സീസണലായ പഴങ്ങള്‍ കുട്ടികളെ കഴിപ്പിച്ച് ശീലിപ്പിക്കണം. മാമ്പഴം, നേന്ത്രപ്പഴം എന്നിങ്ങനെയുള്ള പഴങ്ങളാണ് കുട്ടികള്‍ക്ക് ഏറ്റവും നല്ലത്. പച്ചക്കറികള്‍, പഴങ്ങള്‍,നെയ്യ്, ചീസ്, ബട്ടര്‍, നട്‌സ് എന്നിവയെല്ലാം തന്നെ കുട്ടികള്‍ക്കായുള്ള ഭക്ഷണത്തില്‍ ഉള്‍പ്പെടുത്തുക. ജങ്ക് ഫുഡും കുട്ടികള്‍ക്ക് പരമാവധി നല്‍കാതിരിക്കുക.
ഉച്ചയ്ക്ക് കുട്ടികള്‍ക്ക്
ഉച്ചയ്ക്ക് കുട്ടികള്‍ക്ക് ചോറ് തന്നെ നല്‍കാം. എന്നാല്‍ അതിനോടൊപ്പം എന്തെങ്കിലും പയറുവര്‍ഗങ്ങളില്‍ പെട്ട ഭക്ഷണവും നല്‍കാന്‍ ശ്രമിക്കുക. കടല, രാജ്മ എന്നിവയെല്ലാം തന്നെ പോഷകങ്ങള്‍ നിറഞ്ഞതാണ്.. ഇവ നേരത്തെ വെള്ളത്തില്‍ കുതിര്‍ത്ത് വയ്ക്കണം. ശേഷം അധികം മസാലയൊന്നും ചേര്‍ക്കാതെ പാകം ചെയ്‌തെടുത്ത് നല്‍കാം. കഴിയുമെങ്കില്‍ ചെറുപ്പം തൊട്ട് തന്നെ കുട്ടികള്‍ക്ക് മോര്- തൈര് എന്നിവ ചോറിനൊപ്പം നല്‍കി ശീലിപ്പിക്കുക. ഇതും അവരുടെ ആരോഗ്യത്തിന് വളരെയധികം ഗുണം ചെയ്യും.
അത്താഴം
അത്താഴം കുട്ടികള്‍ക്ക് വൈകീട്ട് 7നു തന്നെ നല്‍കുന്നത് ശീലമാക്കുക.അത്താഴത്തിന് ചോറ് ഒഴിവാക്കി ശീലിക്കുന്നത് തന്നെയാണ് നല്ലത്. അല്ലെങ്കില്‍ ചപ്പാത്തി, അല്‍പം ചോറ്, സൂപ്പ്, സാലഡുകള്‍ പോലുള്ളവ നല്‍കാം. ചപ്പാത്തിയോ വെജിറ്റബിള്‍ പുലാവോ ഒക്കെയാകാം രാത്രിയിലത്തെ ഭക്ഷണം. പച്ചക്കറികള്‍ ഏതും ചെറുതില്‍ നിന്നേ അവരെ കഴിപ്പിച്ച് ശീലിക്കണം. ഇനി, ജങ്ക് ഫുഡുകള്‍ ആവശ്യപ്പെടുന്ന കുട്ടികളാണെങ്കില്‍ അത് വീട്ടില്‍ തന്നെ തയ്യാറാക്കി നല്‍കണം. ഹോം മെയ്ഡ് പിസയോ ബര്‍ഗറോ പാസ്തയോ ഒക്കെ താരതമ്യേന അപകടം കുറഞ്ഞതാണ്. ഇത് വല്ലപ്പോഴും മാത്രം എന്നതും ശീലമാക്കുക.
കുട്ടികള്‍ക്ക്
കുട്ടികള്‍ക്ക് ഇടയ്ക്കിടെ വിശപ്പു വരുന്നത് സാധാരണയാണ് .ആരോഗ്യകരമായ സ്‌നാക്‌സ് കൊടുക്കാം. ഇതിനായി വറുത്തതും പൊരിച്ചതും നല്‍കാതെ ഉണക്കമുന്തിരി, നട്‌സ് മുതലായവ ഉള്‍പ്പെടുത്താം. കുട്ടികള്‍ക്കാകുമ്പോള്‍ ഇടയ്ക്കിടെ സ്‌നാക്‌സ് നല്‍കണം. അതിനായി 'റൈസിന്‍സ്' തെരഞ്ഞെടുക്കാം. ഇതിലടങ്ങിയിരിക്കുന്ന വിറ്റാമിന്‍ ബി 12, അയേണ്‍ എന്നിവ കുട്ടികളുടെ ആരോഗ്യത്തിന് വലിയ രീതിയില്‍ ഗുണകരമാകും. ഊര്‍ജ്ജസ്വലതയോടെയിരിക്കാനും ഹോര്‍മോണ്‍ ബാലന്‍സ് കൃത്യമാകാനും ഇത് അവരെ സഹായിക്കുംരാത്രിയില്‍ പ്രത്യേകിച്ചും കിടക്കാന്‍ പോകുന്ന സമയത്ത് വറുത്തതും പൊരിച്ചതും ഒഴിവാക്കുക. അത്താഴത്തിന് ശേഷം എന്തെങ്കിലും അവര്‍ കഴിക്കാന്‍ ആവശ്യപ്പെട്ടാല്‍ പാല്‍, ഫ്രൂട്‌സ് എന്നിവ നല്‍കാം. കുട്ടികള്‍ രാത്രിയില്‍, പ്രത്യേകിച്ചും കിടക്കുന്നതിന് കുറേ സമയം മുന്‍പായി തന്നെ ടിവി, മൊബൈല്‍ തുടങ്ങിയവ ഉപയോഗിയ്ക്കാതെ നോക്കുക. Also read: മുഖക്കുരുവും പാടുകളും അകറ്റാൻ മഞ്ഞൾ പുരട്ടൂ, ഈ 4 രീതിയിൽ