ചൂട് വെള്ളത്തിലെ കുളി നല്ലൊരു മറുമരുന്നാണ്. അത് സമ്മർദ്ദം കുറയ്ക്കുവാനും ശരീരവും മനസ്സും ശാന്തമാക്കുവാനും സഹായിക്കുന്നു. ചൂട് വെള്ളം നിറഞ്ഞ ബാത്ടബ്ബിൽ കിടക്കുന്നത് എന്ത് സുഖമുള്ള അനുഭവമാണ്, പ്രത്യേകിച്ചും നിങ്ങൾ ഗർഭിണിയാണെങ്കിൽ. എന്നാൽ, പരക്കെയുള്ള വിശ്വാസം എന്തെന്നാൽ, ഗർഭിണികൾക്ക് ചൂട് വെള്ളത്തിലുള്ള കുളി ഗുണകരമല്ല എന്നാണ്. എന്നാൽ, ഈ ഒരു വിശ്വാസം ശരിയാണോ അതോ പഴയ വെറും വിശ്വാസം മാത്രമാണോ?
ഗർഭകാലത്ത് ശരീരത്തിന് വളരെയാധികം ശ്രദ്ധ വേണ്ടതാണ്. അതിനാൽ, എന്തെങ്കിലും ചെയ്യുന്നതിന് മുൻപ് നന്നായി ആലോചിച്ച് മാത്രം ചെയ്യുക. വളരെ നിസ്സാരം എന്ന് കരുതുന്ന ചായ, കാപ്പി എന്നിവ കുടിക്കുന്നതിൽ പോലും മതിയായ ശ്രദ്ധ വേണം. അത് പോലെ തന്നെയാണ് കുളിയുടെ കാര്യവും. കുളിക്കാനായി ഉപയോഗിക്കുന്ന വെള്ളത്തിന്റെ താപനില നിങ്ങളുടെ ഗർഭകാലത്ത് ഗുണമോ ദോഷമോ ചെയ്തേക്കാം. അതിനാൽ ഇതിനെ കുറിച്ച് വ്യക്തമായി അറിഞ്ഞിരിക്കണം. ഗർഭകാലത്തെ ആദ്യത്തെ 3 മാസത്തിൽ ചൂട് വെള്ളത്തിൽ കുളിക്കുന്നതും അവസാന മൂന്ന് മാസത്തിൽ ചൂട് വെള്ളത്തിൽ കുളിക്കുന്നതും തമ്മിലുള്ള വ്യത്യാസവും, താപനിലയിലെ മാറ്റങ്ങൾ എങ്ങിനെ കുഞ്ഞിന്റെ വളർച്ചയെ ബാധിക്കുന്നു എന്നതിനെ കുറിച്ചും, സുരക്ഷിതമാണെങ്കിൽ, എപ്പോഴൊക്കെ ചൂട് വെള്ളത്തിൽ കുളിക്കാം എന്നതിനെ കുറിച്ചും എല്ലാം നിങ്ങൾ ബോധവാന്മാർ ആയിരിക്കണം.
Also read: പ്രസവശേഷം ചാടിയ വയറും സ്ട്രെച്ച് മാർക്കുകളും മാറുന്നില്ലേ? പരിഹാരമുണ്ട്
ഗർഭകാലത്ത് ചൂട് വെള്ളത്തിൽ കുളിക്കുന്നതിൽ കുഴപ്പമൊന്നുമില്ല. എന്നാൽ, വെള്ളത്തിന് ചൂട് അധികമില്ല എന്ന് ഉറപ്പ് വരുത്തുക. പത്ത് മിനിറ്റിൽ കൂടുതൽ നേരം നിങ്ങളുടെ ശരീരം 102° ഫാരൻഹീറ്റിൽ നിലനിർത്തുന്ന തരത്തിലുള്ള ചൂട് വെള്ളത്തിന് ഉണ്ടാകുവാൻ പാടില്ല.
ഗർഭിണികൾ അമിതമായ ചൂട് വെള്ളത്തിൽ കുളിച്ചാൽ പല ആരോഗ്യപ്രശ്നങ്ങൾക്കും അത് വഴിവയ്ക്കും. അവ എന്തൊക്കെയെന്ന് നോക്കാം.
☛ രക്തസമ്മർദ്ദം കുറയ്ക്കുവാനും, കുഞ്ഞിന് മതിയായ ഓക്സിജനും പോഷകങ്ങളും ലഭിക്കാതിരിക്കുവാനും ഇത് കാരണമാകുന്നു. ഇത് ഗർഭച്ഛിദ്രം ഉണ്ടാകുവാനുള്ള സാധ്യതയും വർദ്ധിപ്പിക്കുന്നു.
☛ പഠനങ്ങൾ വ്യക്തമാക്കുന്നത്, ഗർഭകാലത്തെ ആദ്യത്തെ മൂന്ന് മാസത്തിൽ ചൂട് വെള്ളത്തിൽ കുളിച്ചാൽ അത് കുഞ്ഞിന് ജനിതക വൈകൃത്യമായ സ്പൈന ബിഫിഡ (spina bifida) പോലുള്ള അവസ്ഥയ്ക്ക് കാരണമായേക്കും.
☛ ഗർഭിണികൾക്ക് ബലക്ഷയവും തലകറക്കവും ഉണ്ടായേക്കാം.
☛ കൂടാതെ, ഹൈപ്പർതെർമിയ ഉണ്ടായേക്കാം (ശരീരം ചൂട് പുറത്ത് വിടുന്നതിനെക്കാൾ കൂടുതൽ അകത്തേക്ക് വലിക്കുന്ന ഒരു അവസ്ഥ).
അതിനാൽ, ഏതെങ്കിലും തരത്തിലുള്ള പ്രസവ സംബന്ധമായ പ്രശ്നങ്ങൾ ഒഴിവാക്കുന്നതിനായി ഒരുപാട് ചൂടുള്ള വെള്ളത്തിൽ കുളിക്കാതിരിക്കുക. ഇതിനാലാണ് ഹോട്ട് ടബ്ബ്, സ്റ്റീം ബാത്ത് എന്നിവ ഗർഭകാലത്ത് ഒഴിവാക്കണം എന്ന് പറയുന്നത്. ചൂട് വെള്ളത്തിൽ നിങ്ങൾക്ക് കുളിക്കാം. എന്നാൽ, വളരെ നേരം നീണ്ടുനിൽക്കുന്ന അധികം ചൂടുള്ള വെള്ളത്തിലെ കുളി ഒഴിവാക്കുക.
വെള്ളത്തിന്റെ ചൂട് അസ്വസ്ഥത ഉണ്ടാകുന്നതല്ല എന്ന് ഉറപ്പുവരുത്തുക. ബാത്ത് ടബ്ബിൽ കിടക്കുമ്പോൾ വിയർക്കുവാനോ, ശരീരം ചുവക്കാനോ പാടുള്ളതല്ല. അങ്ങിനെ എന്തെങ്കിലും സംഭവിച്ചാൽ ഉടനെ ബാത്ത് ടബ്ബിൽ നിന്ന് എഴുന്നേൽക്കുക. ചൂട് കുറയുന്നത് വരെ കാത്തിരിക്കുക.
Also read: 'ഞാൻ ഗർഭിണിയാണോ'; അറിയാം ഗര്ഭത്തിന്റെ പ്രാരംഭ ലക്ഷണങ്ങള്
☛ മുറിയുടെ താപനിലയ്ക്ക് പകരം ശരീരത്തിന്റെ താപനില അനുസരിച്ച് വെള്ളം ചൂടാക്കി, അതിൽ കുളിച്ചാൽ അനേകം ഗുണഫലങ്ങൾ ഉണ്ടാകും. അവ ഏതൊക്കെയെന്ന് നമുക്ക് നോക്കാം
☛ ചൂട് വെള്ളത്തിൽ കുളിക്കുന്നത് പേശികൾക്ക് അയവ് വരുത്തുന്നു. ഇത് പേശികളുടെ പിരിമുറുക്കം അകറ്റി, ഗർഭം മൂലം ഉണ്ടാകുന്ന ഭാരം തുല്യമായി ശരീരത്തിൽ വീതിക്കുന്നു.
☛ എണ്ണ തേച്ച് ചൂട് വെള്ളത്തിൽ കുളിക്കുന്നത് ചർമ്മത്തിന് വളരെ നല്ലതാണ്. ഇത് സന്ധിവേദനയും കൊളുത്തിപ്പിടുത്തവും അകറ്റുവാൻ സഹായിക്കുന്നു.
☛ രാത്രി കിടക്കുന്നതിന് മുൻപായി ലാവണ്ടർ പോലെയുള്ള സുഗന്ധ തൈലങ്ങൾ പുരട്ടി കുളിക്കുന്നത് ഗർഭധാരണം മൂലമുള്ള ഉറക്കക്കുറവ് പരിഹരിച്ച് നല്ല ഉറക്കം ലഭിക്കുവാൻ സഹായിക്കുന്നു.
☛ കിടക്കുന്നതിന് മുൻപ് ചൂട് വെള്ളത്തിൽ കുളിക്കുന്നത് തടസ്സങ്ങൾ ഇല്ലാത്ത ഉറക്കം സമ്മാനിക്കുന്നു. കൂടാതെ, ഗർഭപാത്രം അനവസരത്തിൽ സങ്കോചിക്കുന്നതിൽ നിന്നും ഇത് തടയുന്നു.
☛ കല്ലുപ്പ് ചേർത്ത ചൂട് വെള്ളത്തിൽ കുളിക്കുന്നത് പേശികൾക്ക് അയവ് വരുത്താനും വേദന കുറയ്ക്കുവാനും സഹായിക്കുന്നു. കൂടാതെ, കണങ്കാലിലെ നീർക്കെട്ട് മൂലം ഉണ്ടാകുന്ന ഒഡീമ (oedema) കുറയ്ക്കുവാനും ചൂട് വെള്ളത്തിൽ കുളിക്കുന്നത് നിങ്ങളെ സഹായിക്കുന്നു.
☛ നിങ്ങളുടെ ശരീരത്തിൽ ഗർഭാശയ ദ്രവം (അംനിയോട്ടിക്ക് ഫ്ലൂയിഡ്) കുറവാണെങ്കിൽ, അത് വർദ്ധിപ്പിക്കുവാനും ചൂട് വെള്ളത്തിലെ കുളി സഹായിക്കുന്നു.
Also read: അമ്മയറിയാൻ: കുഞ്ഞിന് വിശക്കുന്നുണ്ടോ എന്ന് അറിയുന്നത് ഇങ്ങനെയാണ്!
ഗർഭിണികൾ കുളിക്കുമ്പോൾ ഈ കാര്യങ്ങൾ ശ്രദ്ധിക്കുക
ചൂട് വെള്ളത്തിലുള്ള കുളി ഗർഭിണികൾക്ക് എന്തൊക്കെ ഗുണങ്ങൾ പ്രദാനം ചെയ്യുന്നു എന്ന് മനസ്സിലായില്ലേ? എന്നിരുന്നാലും, ചൂട് വെള്ളത്തിൽ കുളിക്കാൻ തയ്യാറെടുക്കുമ്പോൾ, കുമിളകൾ, വാസനയുള്ള തൈലങ്ങൾ, ഉപ്പ് എന്നിവ പരമാവധി ഒഴിവാക്കുകയാണ് നല്ലത്. കാരണം, ഇത് നിങ്ങളുടെ യോനിയുടെ അമ്ല സന്തുലിതാവസ്ഥയിൽ മാറ്റം വരുത്തിയേക്കാം. ഇത് മൂലം അണുബാധയും ഉണ്ടായേക്കാം.
ഗർഭിണികളായ ചിലർക്ക് ഉള്ള ഒരു വലിയ സംശയമാണ്, വെള്ളം ഗർഭാശയത്തിന്റെ ഉള്ളിലേക്ക് കയറി കുഞ്ഞിനെ അപകടപ്പെടുത്തുമോ എന്നുള്ളത്. എന്നാൽ, ഗർഭാശയത്തിലെ അംനിയോട്ടിക്ക് അറയ്ക്കുള്ളിൽ സുരക്ഷിതമാണ് നിങ്ങളുടെ കുഞ്ഞ്. വെള്ളം ഇതിനെ മുറിക്കാത്തിടത്തോളം നിങ്ങൾ വെള്ളത്തിൽ മുങ്ങി കിടന്നാലും നിങ്ങളുടെ കുഞ്ഞ് വയറ്റിൽ സുരക്ഷിതമായിരിക്കും.
പ്രസവകാലത്ത് പേശികളുടെ വേദന കുറച്ച്, ആശ്വാസമേകാനുള്ള ഏറ്റവും പ്രധാന മാർഗ്ഗമാണ് കുളി എന്നുള്ളത്. അതിനാൽ, അധികം തിളപ്പിക്കാതെ, ഇളം ചൂട് വെള്ളത്തിൽ കുളിക്കുക. ബാത്ത് ടബ്ബിലേക്ക് കയറുമ്പോഴും ഇറങ്ങുമ്പോഴും ശ്രദ്ധിക്കുക.