കുഞ്ഞിന്റേയും അമ്മയുടേയും ആരോഗ്യത്തിനും ഭാവിയില്‍ കുഞ്ഞിന് പല രോഗങ്ങള്‍ തടയുന്നതിനും ഇത്തരം വാക്‌സിനുകള്‍ അത്യാവശ്യവുമാണ്. ഇത്തരം ചില വാക്‌സിനുകളെ കുറിച്ചറിയൂ. ഗര്‍ഭധാരണ സമയത്ത് എടുക്കേണ്ട ഇത്തരം വാക്‌സിനുകളെ കുറിച്ച്Dr Gayathri Karthik Nagesh, HOD & Consultant - Obstetrics & Gynaecology, Manipal Hospital Old Airport Road, Bengaluru
വിശദീകരിയ്ക്കുന്നു.
ടിഡാപ്
ടിഡാപ് അഥവാ ടെറ്റനസ് ഡിഫ്തീരിയ അസെല്ലുലാര്‍ പെര്‍ടൂസിസ് വാക്‌സിന്‍ 27-36 ആഴ്ചകള്‍ ഗര്‍ഭിണിയായിരിയ്ക്കുമ്പോള്‍ എടുക്കേണ്ട ഒന്നാണ്.
ഇതിന് മുന്‍പായി ടിടി വാക്‌സിന്‍, അതായത് ടെറ്റനസ് ടോക്‌സോയ്ഡ് വാക്‌സിന്‍ ഫസ്റ്റ് ഡോസ് 24 ആഴ്ചകളോട് അനുബന്ധിച്ചെടുക്കേണ്ടതുണ്ട്. ഇത് നിര്‍ബന്ധമായും എടുക്കേണ്ട വാക്‌സിനുകളില്‍ പെടുന്നു.
ദിവസവും മുടി കഴുകിയാല്‍ മുടി കൊഴിയുമോ, ഡോക്ടര്‍ പറയുന്നു
കുട്ടികളുടെ ഫോൺ ഉപയോഗം നിയന്ത്രിക്കേണ്ടത് എങ്ങനെ?
കുഞ്ഞിന്റേയും അമ്മയുടേയും ആരോഗ്യത്തിന്
ഇതല്ലാതെ മുന്‍കരുതല്‍ എന്ന നിലയില്‍ എടുക്കേണ്ട ചില വാക്‌സിനുകളുണ്ട്. ഇവ നിര്‍ബന്ധമല്ലെങ്കില്‍ പോലും എടുക്കുന്നത് കുഞ്ഞിന്റേയും അമ്മയുടേയും ആരോഗ്യത്തിന് പ്രധാനമാണ്. ഫ്‌ളൂ വാക്‌സിന്‍ ഇതില്‍ പെടുന്നു. ഇന്‍ഫ്‌ളുവന്‍സ പോലുള്ള വാക്‌സിനുകള്‍ ഫ്‌ളൂ പോലുള്ളവ തടയാന്‍ അത്യാവശ്യമാണ്.
ഇത് പ്രത്യേകിച്ചും ഫ്‌ളൂ സീസണെങ്കില്‍ എടുക്കേണ്ടത് അത്യാവശ്യമാണ്. ഇതു പോലെ ഇന്‍ഫെക്ഷനുകള്‍ തടയാന്‍ ഹെപ്പറ്റൈറ്റിസ് എ, ബി എന്നിവ എടുക്കുന്നത് നല്ലതാണ്. പ്രത്യേകിച്ചും ക്രോണിക് ലിവര്‍ പ്രശ്‌നം, ഇന്റര്‍നാഷണല്‍ യാത്രകള്‍ എന്നിവയുണ്ടെങ്കില്‍.
എംഎംആര്‍ വാക്‌സിന്‍ എടുത്തവര്‍
എംഎംആര്‍, അതായത് മീസില്‍സ്, മംമ്‌സ്, റൂബെല്ല വാക്‌സിന്‍ ചിക്കന്‍പോക്‌സ് വാക്‌സിനായ വരിസെല്ല വാക്‌സിന്‍ , ലൈവ് നേസല്‍ ഫ്‌ളൂ വാക്‌സിന്‍ എന്നിവ ഗര്‍ഭിണികള്‍ക്ക് എടുക്കാറില്ല.
എംഎംആര്‍ വാക്‌സിന്‍ എടുത്തവര്‍ ഗര്‍ഭധാരണം മൂന്നു മാസത്തേക്കെങ്കിലും ഒഴിവാക്കാന്‍ നിര്‍ദേശിയ്ക്കാറുണ്ട്. കാരണം ഇത് കുഞ്ഞിന് വൈകല്യങ്ങള്‍ ഉണ്ടാക്കാന്‍ ഇടയാക്കിയേക്കാം. ഇതാണ് കാര്യം.
ഗര്‍ഭകാലത്തോ മുലയൂട്ടല്‍ സമയത്തോ
റേബിസ് വാക്‌സിന്‍, ഇമ്യൂണോ ഗ്ലോബുലിന്‍ എന്നിവ ഗര്‍ഭിണികള്‍ക്ക് എടുക്കാറുണ്ട്. കോവിഡ് വാക്‌സിനുകള്‍ എടുക്കുന്നതില്‍ പ്രശ്‌നമില്ല. ഇത് ഗര്‍ഭധാരണത്തിന് മുന്‍പായോ ഗര്‍ഭകാലത്തോ മുലയൂട്ടല്‍ സമയത്തോ എടുക്കുന്നതിന് പ്രശ്‌നമില്ലാത്ത വാക്‌സിനുകളാണ്.
ഇതിനാല്‍ എംഎംആര്‍ പോലുള്ള വാക്‌സിനുകള്‍ നേരത്തെ തന്നെ എടുക്കുന്നതാണ് നല്ലത്. അതായത് ഗര്‍ഭധാരണത്തിന് മുന്‍പു തന്നെയായി. ഗര്‍ഭധാരണത്തിന് ഒരുങ്ങുന്നതിന് മുന്‍പേ തന്നെ ഇത്തരം വാക്‌സിനുകള്‍ എടുക്കാമെന്ന് ഡോക്ടര്‍ പറയുന്നു.
എച്ച്പിവി വാക്‌സിന്‍
മെനിഞ്ചോകോക്കല്‍ വാക്‌സിന്‍, യെല്ലോ ഫീവര്‍ വാക്‌സിന്‍ എന്നിവ പകര്‍ച്ചവ്യാധികള്‍ ഉള്ള ഇടങ്ങളിലേയ്ക്ക് യാത്ര ചെയ്യുമ്പോള്‍ നിര്‍ദേശിയ്ക്കപ്പെടുന്നവയാണ്. ഇതെടുക്കും മുന്‍പ് ഗര്‍ഭിണികള്‍ വൈദ്യോപദേശം തേടുന്നത് നല്ലതായിരിയ്ക്കും. എച്ച്പിവി വാക്‌സിന്‍ സെര്‍വിക്കല്‍ ക്യാന്‍സര്‍ തടയാന്‍ ഏറെ ഗുണപ്രദമാണ്. ഇത് 12-15 വയസിലുള്ള പെണ്‍കുട്ടികള്‍ക്ക് നല്‍കാവുന്നതാണ്. ഇതെടുത്തിട്ടില്ലെങ്കില്‍ പ്രസവശേഷം സ്ത്രീകള്‍ക്ക് ഇത് നല്‍കാറുണ്ട്.
സെര്‍വിക്കല്‍ ക്യാന്‍സര്‍ വര്‍ദ്ധിച്ച് വരുന്ന ഈ കാലഘട്ടത്തില്‍ ഇതിനെതിരെ പ്രതിരോധം തീര്‍ക്കാന്‍ ഈ വാക്‌സിന്‍ എടുക്കുന്നത് ഏറെ ഗുണം നല്‍കുകയും ചെയ്യുന്നു. ആയുര്‍വേദം: മുടി നരച്ചത് കറുപ്പാക്കാനും ഒപ്പം വളരാനും ത്രിഫല പ്രയോഗം