ഇതില് ഒന്നാണ് എരിവുള്ള ഭക്ഷണം കഴിച്ചാല് കുഞ്ഞിന് മൂക്കത്തായിരിയ്ക്കും ശുണ്ഠിയെന്നത്. ഇതു പോലെ കുഞ്ഞ് അന്ധമായിത്തീരുമെന്ന വിശ്വാസവുമുണ്ട്. ഇതു പോലെ മാസം തികയാതെ പ്രസവിയ്ക്കും, അബോര്ഷന് സാധ്യത വരും എന്ന വിശ്വാസങ്ങളും. കൂടുതല് മസാലയുള്ള ഭക്ഷണം കഴിച്ചാല് വയറിനുണ്ടാകുന്ന അസ്വസ്ഥത എന്നതല്ലാതെ ഇതില് പ്രത്യേകിച്ചൊന്നും ഉണ്ടാകാന് സാധ്യതയില്ലെന്നതാണ് വാസ്തവം..
മോണിംഗ് സിക്നസ്
മോണിംഗ് സിക്നസ് അഥവാ ഛര്ദി കൂടുതലെങ്കില് പെണ്കുഞ്ഞെന്നും അല്ലെങ്കില് ആണ്കുഞ്ഞെന്നുമുള്ള വിശ്വാസവുമുണ്ട്. ഇതുപോലെ ഭക്ഷണത്തോടുള്ള താല്പര്യം അടിസ്ഥാനപ്പെടുത്തിയും പലതുമുണ്ട്. അമ്മ എന്തെങ്കിലുമൈാക്കെ വേണമെന്ന് അതിയായി ആഗ്രഹിച്ചിട്ട് കഴിയ്ക്കാന് സാധിച്ചില്ലെങ്കില് ആ കുഞ്ഞിന് അതേ ആകൃതിയില് മറുകു വരുമെന്നാണ് വേറൈാരു അന്ധവിശ്വാസം. മസാല ദോശ പോലെയുള്ള മറുകൊക്കെ കുഞ്ഞിന് സങ്കല്പിച്ചു നോക്കൂ.
ആണ്കുഞ്ഞ്, പെണ്കുഞ്ഞ്
ഇതു പോലെ ആണ്കുഞ്ഞ്, പെണ്കുഞ്ഞ് വിശ്വാസങ്ങളുമുണ്ട്. അമ്മയ്ക്ക് സൗന്ദര്യമേറിയാല് പെണ്കുഞ്ഞാകുമെന്ന വിശ്വാസം പൊതുവേ ഉള്ള ഒന്നാണ്. അന്ധവിശ്വാസം എന്നേ പറയാനാകൂ. ഇതിന് സയന്സ് നല്കുന്ന വിശദീകരണങ്ങള് ഒന്നുമില്ല. ഇതുപോലെ ഗര്ഭിണി മരണ വീട്ടില് പോയാല് മരിച്ച ആളുടെ ആത്മാവ് കുഞ്ഞിനെ കൊണ്ടുപോകുമെന്നാണ് പറയപ്പെടുന്ന അന്ധവിശ്വാസം. ഈ അന്തരീക്ഷം വരുത്തുന്ന സ്ട്രെസും ടെന്ഷനും വരുത്തുന്ന ഹോര്മോണ് വ്യത്യാസങ്ങളും മററും നല്ലതല്ലെന്ന കാര്യമാണ് ഇതിനു പുറകില്. ഇതുപോലെ ആന്റിരീയര് പ്ലാസന്റയെങ്കില് ആണ്കുട്ടിയും പോസ്റ്റീരിയര് പ്ലാസന്റെയെങ്കില് പെണ്കുട്ടിയുമെന്ന അന്ധവിശ്വാസവുമുണ്ട്. ഇതു വെറും വിശ്വാസം മാത്രമാണ്. ബീജവും അണ്ഡവും തമ്മില് ചേരുന്ന സമയത്തു തന്നെ ആണ്കുഞ്ഞോ പെണ്കുഞ്ഞോ എന്ന കാര്യത്തില് തീരുമാനമാകുമെന്നതാണ് വാസ്തവം. ഏതു കടുത്ത ഗ്യാസ് പ്രശ്നവും മാറ്റും അയമോദകം കഷായം...
രാത്രി പുറത്തിറങ്ങരുതെന്ന കാര്യം
ഇതുപോലെയാണ് രാത്രി പുറത്തിറങ്ങരുതെന്ന കാര്യം. ഇരുട്ടത്ത് നാം എന്തെങ്കിലും കണ്ടു ഞെട്ടിയാലോ പേടിച്ചാലോ ഹോര്മോണ് മാറ്റങ്ങളുണ്ടായി അത് ദോഷം വരുത്തുമെന്നു പറയാം. ഇതു പോലെ എന്തെങ്കിലും വസ്തുക്കളില് ഇരുട്ടില് തട്ടി വീഴരുതെന്ന മുന്കരുതല് കൂടിയാകും ഇത്തരം പറച്ചിലുകള്ക്കു പുറകില്. ഇതു പോലെ പൗര്ണമി ദിവസം പുറത്തിറങ്ങിയാല് ഇരുമ്പ് കഴുത്തില് ധരിയ്ക്കണം എന്ന വിശ്വാസമുണ്ട്. അല്ലെങ്കില് കുഞ്ഞിന് ചന്ദ്രന്റെ ആ കിരണങ്ങളേറ്റ് മുച്ചുണ്ടാകുമെന്ന വിശ്വാസമാണ്. ഇതും അന്ധവിശ്വാസമാണ്. ഇതു പോലെ ഗര്ഭകാലത്ത് അമ്മ മുടി വെട്ടിയാല് കുഞ്ഞിന് അന്ധത വരുമെന്ന വിശ്വാസവുമുണ്ട്.
കുഞ്ഞിന്റെ കഴുത്തില് പൊക്കിള്ക്കൊടി
ഇതുപോലെ നിലത്തെങ്ങാനും കയര് കിടന്ന് ആ കയര് മറി കടന്ന് അമ്മ പോയാല് കുഞ്ഞിന്റെ കഴുത്തില് പൊക്കിള്ക്കൊടി ചുറ്റുമെന്ന അന്ധവിശ്വാസവുമുണ്ട്. ഇതു പോലെ ഗര്ഭകാലത്ത് കൈ അമ്മ മുകളിലേയ്ക്കുയര്ത്തിയാല് കുഞ്ഞിന്റെ കഴുത്തില് പൊക്കിള്ക്കൊടി ചുറ്റുമെന്ന് വിശ്വാസം. ഇതു പോലെ തുണി കഴുകുന്നത്, പ്രത്യേകിച്ചും തുണി അലക്കുകാര് ഇതു ചെയ്യുന്നത് ഗര്ഭിണി നോക്കി നിന്നാല് കുഞ്ഞ് വിളറിയിരിയ്ക്കും എന്നതാണ് ഒരു വിശ്വാസം. ഇതുപോലെ പുറംനാടുകളില് ചിലയിടത്ത് അവസാന മൂന്നു മാസം ഭര്ത്താവ് ധരിച്ച ചെരിപ്പ് ഗര്ഭിണിയായ ഭാര്യ ധരിയ്ക്കണം എന്ന് വിശ്വാസമുണ്ട്. എന്തിനാണെന്ന് പറഞ്ഞു കേട്ടിട്ടില്ല. തികച്ചും അശാസ്ത്രീയമെന്നേ പറയാനാകൂ.
navvv
ഇതുപോലെ രണ്ടു പേര്ക്കു വേണ്ടി കഴിയ്ക്കുകയെന്നത് ഗര്ഭകാലത്ത് പൊതുവേ കേട്ടുകേള്വിയുള്ള ഒന്നാണ്. എന്നാല് ആവശ്യത്തിന് കഴിച്ചാല് മതി. അല്ലാതെ രണ്ടു പേര്ക്കും മൂന്നു പേര്ക്കുമെല്ലാമായി കഴിച്ചാല് തടി കൂടുമെന്നതല്ലാതെ വേറെ ഗുണമൊന്നും കാണില്ല. ഇതു പോലെ നാം ഗര്ഭകാലത്ത് നമുക്ക് ഇഷ്ടപ്പെട്ട ഭക്ഷണം കഴിയ്ക്കുമ്പോള് അതേ ഭക്ഷണത്തോട് കുഞ്ഞിന് താല്പര്യം വരുമെന്ന വിശ്വാസവുമുണ്ട്. മുലയൂട്ടുന്ന സമയത്ത് അമ്മ കഴിയ്ക്കുന്ന ഭക്ഷണത്തിന്റെ രുചി മുലപ്പാലിലൂടെ കുഞ്ഞിലെത്തി ആ സ്വാദ് കുഞ്ഞിന് ഇഷ്ടപ്പെടുന്നതായി പൊതുവേ പറയും. ഇത് വെറും വിശ്വാസമെന്നു പറഞ്ഞു കൂടാ.