ഒരു സ്ത്രീ ജനിക്കുമ്പോൾ
ഒരു സ്ത്രീ ജനിക്കുമ്പോൾ തന്നെ അവളുടെ അണ്ഡാശയത്തിൽ പാതി പാകമായ നിലയിൽ അണ്ഡങ്ങൾ രൂപപെടുന്നുണ്ട്. ഇതിൻ്റെ എണ്ണം ഏതാണ്ട് 1 ദശലക്ഷത്തിനും 2 ദശലക്ഷത്തിനും ഇടയിൽ വരും. പെൺകുട്ടി ഋതുമതിയാകുമ്പോഴേക്കും അവയിൽ പകുതിയും നഷ്ടപ്പെട്ടിട്ടുണ്ടാകും. അതോടൊപ്പം നിങ്ങൾ കൂടുതൽ പ്രായമാകുന്നതോടൊപ്പം അണ്ഡങ്ങളുടെ എണ്ണം സ്വാഭാവികമായി കുറഞ്ഞു വരികയും ചെയ്യുന്നു. നിങ്ങളുടെ പ്രായം ഇതിലൊരു പ്രധാന ഘടകമാണ്. പ്രായാധിക്യം ബാധിച്ച അണ്ഡങ്ങൾ എളുപ്പത്തിൽ ഗർഭധാരണം നടത്തുന്നത് സാധ്യമാകുന്നില്ല.
സ്ത്രീകളിലെ ഗര്ഭധാരണ സാധ്യത
പുരുഷന്മാരിലും പ്രായം പ്രശ്നമെങ്കിലും ഇത് സ്ത്രീകളെ ബാധിയ്ക്കുന്നത്ര ഇല്ലെന്നാണ് സയന്സ് പറയുന്നത്. പുരുഷന്മാരില് 20കളിലുള്ള പ്രത്യുല്പാദന സാധ്യതയേക്കാള് 40കളില് കുറവു വരുന്നത് 3 ശതമാനം സാധ്യത മാത്രമാണ്. സ്ത്രീകളിലെ ഗര്ഭധാരണ സാധ്യത 30നു ശേഷം, അതായത് 30-34 വരെയുള്ള പ്രായത്തിലെ ഗര്ഭധാരണ സാധ്യത 86 ശതമാനം വരെയുണ്ട്. ഇതുപോലെ ഈ പ്രായത്തിലെ അബോര്ഷന് സാധ്യത 20 ശതമാനമാണ്. 35-39 വരെയുള്ള പ്രായത്തിലെ ഗര്ഭധാരണ സാധ്യത 78 ശതമാനമാണ്. പ്രത്യേകിച്ചും 37നു താഴെയെങ്കില്. ഇത്തരം പ്രായത്തില് കൂടുതല് പ്രശ്നങ്ങള് കുട്ടികള്ക്കുണ്ടാകുന്നു.
ഭക്ഷണം
35കളില് ഗര്ഭധാരണം എളുപ്പമാക്കാന്, ഗര്ഭധാരണത്തിന് തടസം നേരിടാതിരിയ്ക്കാന് വേണ്ട ആരോഗ്യകരമായ ചില കാര്യങ്ങളുണ്ട്. ഭക്ഷണം ഏറെ പ്രധാനം. ആരോഗ്യകരമായ ഭക്ഷണം കഴിയ്ക്കുക. പഞ്ചസാര, കൃത്രിമ ഭക്ഷണങ്ങള് എന്നിവയുടെ ഉപയോഗം കഴിവതും കുറയ്ക്കുക. കഫീന് അടങ്ങിയവയും മദ്യപാനം, പുകവലി പോലുള്ളവയും ഉപേക്ഷിയ്ക്കുക. ഇതു പോലെ ഫോളിക് ആസിഡ്, ഒമേഗ ത്രീ ഫാറ്റി ആസിഡ് പോലുള്ളവ കഴിയ്ക്കുന്നത് ഗര്ഭിണിയായാലും ആരോഗ്യകരമായ ഗര്ഭത്തിന് സഹായിക്കുന്നു.
വ്യായാമം
വ്യായാമം നല്ലതാണ്. എന്നാല് അമിതമായി വ്യായാമം നല്ലതല്ല. മിത വ്യായാമം ശീലമാക്കാം. ഇതു പോലെ ആരോഗ്യകരമായ ശരീര ഭാരവും. അമിത വണ്ണവും തീരെ തൂക്കക്കുറവും ഏതു പ്രായത്തിലെങ്കിലും ആരോഗ്യകരമായ ഗര്ഭധാരണത്തിന് തടസം നില്ക്കുന്നു. സ്ട്രെസ് പോലുളള ഘടകങ്ങള് അകറ്റി നിര്ത്താം. ഇത് ഹോര്മോണ് തടസങ്ങളുണ്ടാക്കുന്നു. സ്ത്രീയുടെ ആര്ത്തവ, ഓവുലേഷന് പ്രക്രിയകളെ തടസപ്പെടുത്തുന്നു. ഇത് ഗര്ഭധാരണത്തെ ബാധിയ്ക്കുന്നു.
ആവശ്യമെങ്കില്
ആവശ്യമെങ്കില് മെഡിക്കല് സഹായം തേടാന് മടിയ്ക്കരുത്. വൈകുന്തോറും സാധ്യത കുറയുമെന്നതാണ് വാസ്തവം. എന്നാല് അതേ സമയം വേണ്ടത്ര ചികിത്സ വേഗം തേടിയാല് തന്നെ പല പ്രശ്നങ്ങള്ക്കും പരിഹാരം കാണാവുന്നതേയുള്ളൂ. ഇതിനാല് തന്നെ വൈദ്യസഹായം തേടാന് മടി വിചാരിയ്ക്കരുത്. ഇതു പോലെ ഇതോര്ത്തുള്ള ടെന്ഷനും സ്ട്രെസും ഇതിനു വേണ്ടിത്തന്നെയുള്ള കാത്തിരിപ്പും ദോഷം വരുത്തും. ആര്ത്തവ, ഓവുലേഷന് ദിനങ്ങള് കണ്ടെത്തേണ്ടതും ഗര്ഭധാരണത്തിന് അത്യാവശ്യമാണ്. Also read: അറിയാമോ വാഴക്കൂമ്പ് നൽകും ഈ ഗുണങ്ങൾ?