മുലപ്പാല് കുടിയ്ക്കുന്ന കുഞ്ഞുങ്ങള്ക്ക്
മുലപ്പാല് കുടിയ്ക്കുന്ന കുഞ്ഞുങ്ങള്ക്ക് ഈ സമയത്ത് വെള്ളം കൊടുക്കേണ്ട ആവശ്യമില്ല. അതായത് നാലു മാസം വരെയുളള കുട്ടികള്ക്ക്. മുലപ്പാലില് തന്നെ കുഞ്ഞിനാവശ്യമായ വെള്ളം അടങ്ങിയിട്ടുണ്ട്. മുലപ്പാല് കുറവെങ്കില് കുഞ്ഞിന് ഡോക്ടറുടെ നിര്ദേശ പ്രകാരം വേറെ തരത്തിലുള്ള പാല് നല്കുന്നുവെങ്കിലും കുപ്പിപ്പാല് നല്കുന്നുവെങ്കിലും വെള്ളത്തിന്റെ ആവശ്യം വരുന്നില്ല.4-6 മാസം വരെയുള്ള കുഞ്ഞുങ്ങള്ക്ക് സിപ് ആയി വെള്ളം നല്കാം. 30-60 മി്ല്ലിയില് കൂടുതല് വെള്ളം നല്കേണ്ടതില്ല.
5-8 മാസം വരെ
5-8 മാസം വരെയുള്ള കുഞ്ഞുങ്ങള്ക്ക് കട്ടിയുള്ള ആഹാരം കൊടുത്തു തുടങ്ങാറുണ്ട്. ഈ സമയത്ത് വേണമെങ്കില് കുറേശെ വീതം വെള്ളം കൊടുക്കാം. ഇത് നിര്ബന്ധമെന്നില്ല. മുലപ്പാല് ആവശ്യത്തിനുണ്ടെങ്കില്, അത് ആവശ്യത്തിന് കുഞ്ഞിന് നല്കുന്നുവെങ്കില് തന്നെ വെള്ളത്തിനു വേണ്ടിയുള്ള ആവശ്യം ഇതിലൂടെ നിറവേറ്റപ്പെടുന്നു. വെള്ളം വേണമെങ്കില് സിപ്പ് കപ്പുകളിലോ ബോട്ടിലിലോ കുറേശെ വേണമെങ്കില് നല്കാം.
9-12 മാസങ്ങളാകുമ്പോള്
9-12 മാസങ്ങളാകുമ്പോള് മുലപ്പാലു കൂടാത വെള്ളം, നേര്പ്പിച്ച ജ്യൂസ്, സൂപ്പ് എന്നിവ നല്കാം. വെള്ളം തിളപ്പിച്ചാറ്റിയതു വേണം, നല്കാന്. ഇതുപോലെ ഈ പ്രായത്തില് ദാഹം തോന്നുന്നുവെങ്കില് കുഞ്ഞ് തന്നെ ഇത് പ്രകടമാക്കും. വെള്ളം നിറച്ച ബോട്ടില് നല്കിയാല് കുടിയ്ക്കാന് ശ്രമിയ്ക്കുക, ഇത് എടുത്തു മാറ്റിയാല് കരയുക തുടങ്ങി. കുഞ്ഞിന് ആവശ്യമായ വെള്ളം തനിയെ കുടിയ്ക്കാന് പ്രേരിപ്പിയ്ക്കുക. ആവശ്യത്തിന് വെള്ളം കുടിച്ചാല് കുഞ്ഞ് തനിയെ നിര്ത്തിക്കൊള്ളും. വെള്ളം കുടിയ്ക്കാന് കുഞ്ഞ് വിസമ്മതിച്ചാല് നിര്ബന്ധിച്ച് കൊടുക്കേണ്ടതുമില്ല.
നാല് മാസം വരെ
നാല് മാസം വരെയുള്ള കുഞ്ഞിന് മുലപ്പാല് നല്കുന്നുവെങ്കില് വേറെ വെളളം നല്കേണ്ടതില്ല. ഈ പ്രായത്തില് ഇവരുടെ ശരീരം തന്നെ ജലാംശം നില നിര്ത്തുന്നു. കുഞ്ഞിന് കട്ടിയുള്ള ഭക്ഷണം നല്കുമ്പോഴേ, വെളളം നല്കിത്തുടങ്ങേണ്ട ആവശ്യം വരുന്നുള്ളൂ. മാത്രമല്ല, കുട്ടിക്ക് കൂടുതല് വെള്ളം നല്കുന്നത് നന്നല്ല. മുതിര്ന്നവര്ക്ക് കൂടുതല് വെളളം ദോഷം വരുത്തില്ലെങ്കിലും കുഞ്ഞുങ്ങള്ക്കിത് ദോഷകരമാകും. വാട്ടര് ഇന്ടോക്സിക്കേഷന് പോലുള്ള അവസ്ഥകളുണ്ടാകും. ഇത് ഇവരുടെ ശരീരത്തിലെ സോഡിയം തീരെ കുറയാന് ഇട വരുത്തും. കുഞ്ഞു കിഡ്നികള് പൂര്ണമായി പ്രവര്ത്തിയ്ക്കാത്തതു കൊണ്ടു തന്നെ കൂടുതല് വെള്ളം കുഞ്ഞില് നിന്നും പുറന്തള്ളാന് ബുദ്ധിമുട്ടാകും.
ആറു മാസം വരെയും
ആറു മാസം വരെയും മുലപ്പാല് മാത്രമെങ്കില് വെള്ളം നല്കേണ്ടതില്ല. കട്ടിയുള്ള ഭക്ഷണമെങ്കില് ലേശം സിപ് ആയി വെള്ളം നല്കുക. ആറു മാസത്തിനു ശേഷം നല്കുന്ന ജ്യൂസുകള് നേര്പ്പിച്ചു വേണം, നല്കാന്. തിളപ്പിച്ചാറ്റിയ വെള്ളം മാത്രം നല്കുക. കുഞ്ഞിന് റെഡി ടു യൂസ് ഫോര്മുല നല്കുന്നുവെങ്കില് വേറെ വെളളം ചേര്ക്കേണ്ടതില്ല. പൗഡര് ഫോര്മുലയെങ്കില് ഇതില് ആവശ്യത്തിന് വെള്ളം ചേര്ത്തിളക്കിയാണ് സാധാരണ കൊടുക്കുക. ഇതിലും കൂടുതല് വെള്ളം നല്കേണ്ടതില്ല. ചുരുക്കിപ്പറഞ്ഞാല്4-6 മാസം കഴിഞ്ഞാല് മാത്രം വെള്ളം നല്കാം. മാവിന്റെ തളിരില പ്രമേഹത്തിന് മരുന്നാക്കാം...