യൂട്രസ് ഡിഡെല്‍ഫിസ് ( Uterus Didelphys) എന്നാണ് ഈ പ്രത്യേക അവസ്ഥ അറിയപ്പെടുന്നത്. ഡബിള്‍ യൂട്രസ് (double uterus)എന്നും ഇത് അറിയപ്പെടുന്നു.
രണ്ട് യൂട്രസ് ഉള്ള അവസ്ഥ. ഇവര്‍ക്ക് ഗര്‍ഭധാരണം സാധ്യമാകുമെങ്കിലും യൂട്രസ് വലിപ്പക്കുറവ് കാരണം കുഞ്ഞിന്റെ തൂക്കത്തില്‍ കുറവും തുടര്‍ച്ചയായ അബോര്‍ഷനുകളും മാസം തികയാത്ത പ്രസവവുമെല്ലാമുണ്ടാകാന്‍ സാധ്യതയുണ്ട്. മാത്രമല്ല, ആര്‍ത്തവ സമയത്ത് കഠിനമായ വേദന, അമിത രക്തസ്രാവം എന്നിവയ്ക്കും സാധ്യതയുണ്ട്.
യൂട്രസ്
സാധാരണ ഒരു യൂട്രസ് രണ്ട് ചെറിയ ട്യൂബുകളായോ ചാലുകളാലോ രൂപപ്പെട്ട് അവസാനം ഒരുമിച്ച് ചേര്‍ന്ന് ഒരു യൂട്രസായി മാറുകയാണ് ചെയ്യുന്നത്. എന്നാല്‍ രണ്ട് യൂട്രസ് ഉള്ളവര്‍ക്ക് ഇത് രണ്ടായി തന്നെ നില നില്‍ക്കുന്നു. അതായത് രണ്ട് യൂട്രസായി മാറുന്നു.
ഓരോ ട്യൂബുകളും ഓരോ യൂട്രസ് ആയി മാറുന്നു. രണ്ട് യൂട്രസുള്ള ചിലര്‍ക്ക് രണ്ട് സെര്‍വിക്‌സും രണ്ട് വജൈനല്‍ കനാലുകളുമുണ്ടായിരിയ്ക്കും. സാധാരണ യൂട്രസിന് പെയര്‍ ഷേപ്പാണുണ്ടാകുയെങ്കില്‍ യൂട്രസ് ഡിഡില്‍ഫിസ് ഉളളവര്‍ക്ക് പഴത്തിന്റെ ഷേപ്പുള്ള യൂട്രസാണ് ഉണ്ടാകുക.
കഠിന വേദന
ഇത്തരം അവസ്ഥയ്ക്ക് പ്രത്യേകിച്ച് ചിലപ്പോള്‍ ലക്ഷണങ്ങള്‍ ഒന്നും തന്നെ കണ്ടെന്ന് വരില്ല. ചില കേസുകളില്‍ ആര്‍ത്തവത്തിന് മുന്‍പായി കഠിന വേദനയും വയറിന് കട്ടിയുമെല്ലാമുണ്ടെങ്കില്‍ ഇതിനുളള കാരണം തേടി പോകുമ്പോഴാണ് ഇത്തരം അവസ്ഥ പല സ്ത്രീകളിലും കണ്ടെത്തിയിട്ടുള്ളത്.
ഇതു പോലെ കൂടുതല്‍ ബ്ലീഡിംഗ്, മാസം തികയാതെയുള്ള പ്രസവം, തുടര്‍ച്ചയായ അബോര്‍ഷനുകള്‍ എന്നിവയെല്ലാം ഈ പ്രത്യേക യൂട്രസ് കണ്ടീഷന്‍ കാരണമുണ്ടാകാം.
പെല്‍വിക് പരിശോധനയോ ഇമേജിംഗ് ടെസ്റ്റുകളോ
പെല്‍വിക് പരിശോധനയോ ഇമേജിംഗ് ടെസ്റ്റുകളോ ഇത്തരത്തില്‍ രണ്ടു യൂട്രസ് ഉള്ള അവസ്ഥയെ കുറിച്ച് കണ്ടെത്താന്‍ സഹായിക്കുന്നു. ഇത് വളരെ അപൂര്‍വമായ കണ്ടീഷനാണെന്നതാണ് വാസ്തവം. ഇതുള്ള ചില സ്ത്രീകള്‍ക്ക് മാസത്തില്‍ രണ്ട് ആര്‍ത്തവം വരുന്നതായി റിപ്പോര്‍ട്ട് ചെയ്യപ്പെട്ടിട്ടുണ്ട്.
ചിലപ്പോള്‍ രണ്ട് ആര്‍ത്തവം ഒരുമിച്ചോ ചിലപ്പോള്‍ രണ്ട് തവണയായോ വരുന്നതായി ടിക് ടോക് താരമായ ലെന്നെ ബെല്‍ വിവരിച്ചിട്ടുണ്ട്. ഇവര്‍ക്ക് ആര്‍ത്തവ സമയത്ത് രണ് ടാംപൂണുകള്‍ ധരിയ്‌ക്കേണ്ടി വരുന്നതായും സെര്‍വിക്കല്‍ ക്യാന്‍സര്‍ കണ്ടെത്താനായി രണ്ട് പാപ്‌സ്മിയര്‍ ടെസ്റ്റ് നടത്തേണ്ടി വരുന്നതായും വെളിപ്പെടുത്തി.
ഒരു ഗര്‍ഭപാത്രമുള്ള സ്ത്രീ ഒരു തവണ ചെയ്യുന്ന ഇത്തരം കാര്യങ്ങള്‍ രണ്ടു തവണ തനിക്ക് ചെയ്യേണ്ടി വരുന്നതായി ഇവര്‍ പറയുന്നു.
ഗര്‍ഭം
ഈ യൂട്രസ് അവസ്ഥയുള്ള ഈവ്‌ലിന്‍ എന്ന മറ്റൊരു സ്ത്രീ 14 വയസായപ്പോള്‍ ആര്‍ത്തവം സംഭവിച്ചത് മുതല്‍ കൂടുതല്‍ ബ്ലീഡിംഗ് ഉണ്ടാകുന്നതായും ഇതാണ് എന്തോ പ്രശ്‌നമുണ്ടെന്ന തോന്നലിലേയ്ക്ക് നയിച്ചതെന്നും പറയുന്നു.
അബോര്‍ഷന്‍ സംഭവിച്ചപ്പോഴാണ് ഈ അവസ്ഥ ഈവ്‌ലിനിലുണ്ടെന്ന് കണ്ടെത്തിയത്. ഇവര്‍ വീണ്ടും ഗര്‍ഭിണിയായപ്പോള്‍ ഗര്‍ഭമുണ്ടായത്‌ വലത് ഭാഗത്തെ യൂട്രസിലായിരുന്നു. മാത്രമല്ല, യൂട്രസുകള്‍ രണ്ടുള്ളതിനാല്‍ സാധാരണ യൂട്രസ് സൈസിനേക്കാള്‍ പകുതി വലിപ്പം മാത്രമായതിനാല്‍ റിസ്‌കും കൂടുതലായിരുന്നു. ഇവര്‍ക്ക് സാധാരണ വജൈനല്‍ പ്രസവം സാധ്യമല്ലാത്തതിനാല്‍ സിസേറിയന്‍ നടത്തുകയാണ് ചെയ്തത്. 37 ആഴ്ചകളുള്ളപ്പോഴാണ് സിസേറിയന്‍ നടത്തിയത്. കുഞ്ഞിന്റെ തൂക്കം 5.5 പൗണ്ട് മാത്രമായിരുന്നുവെന്ന് ഈവ്‌ലിന്‍ പറയുന്നു. യൂട്രസിലെ വലിപ്പക്കുറവാണ് കാരണം.
ഈ അവസ്ഥയുള്ളപ്പോള്‍ ഗര്‍ഭിണിയാകാന്‍ സാധിയ്ക്കുമെങ്കിലും തുടര്‍ച്ചയായ അബോര്‍ഷനുകളും മാസം തികയാതെയുള്ള പ്രസവവുമെല്ലാം ഇതിന്റെ ഭാഗമായി വരുന്നു.