സെര്വിക്സിന്റെ
വയറ്റില് വളരുന്ന കുഞ്ഞിനെ സംരക്ഷിയ്ക്കുന്ന വിധത്തിലാണ് സെര്വിക്സിന്റെ രൂപകല്പന. ഇത് പ്രസവം വരെ അടഞ്ഞ രീതിയിലാണ് നില കൊള്ളുന്നത്. കുഞ്ഞിനെ ഗര്ഭപാത്രത്തില് നിന്നും പുറത്തു കടക്കാതെ സംരക്ഷിയ്ക്കുന്ന രീതിയില്. കുഞ്ഞ് പുറത്തേയ്ക്കു വരുന്ന സമയമായാല് ഇത് വികസിയ്ക്കുകയും ഇതിലൂടെ കുഞ്ഞ് പുറത്തേയ്ക്കു വരികയും ചെയ്യുന്നു. പ്രസവ സമയത്ത് ആദ്യം പോസ്റ്റീരിയര് പൊസിഷനില് നിന്നും സെര്വിക്സ് ആന്റീരിയര് പൊസിഷനിലേയ്ക്കു മാറുന്നു.
പ്രസവ സമയത്ത്
പ്രസവ സമയത്ത് യൂട്രസിന്റെ പ്രഷറും കോണ്ട്രാക്ഷനുകള്ക്കുമനുസൃതമായി സെര്വിക്സിന് മാറ്റങ്ങളുണ്ടാകുന്നു. ഇത് ഗര്ഭാശയ ഭിത്തികളെ കനം കുറയ്ക്കുയെന്ന കര്മവും ചെയ്യുന്നു. ഇതെല്ലാം തന്നെ പ്രസവത്തെ സഹായിക്കുന്നവയാണ്. പ്രസവമടുക്കുമ്പോള് ഗര്ഭാശയ ഗളം വികസിയ്ക്കുന്നു. യൂട്രസിലെ അംമ്നിയോട്ടിക് ഫ്ളൂയിഡ് വര്ദ്ധിയ്ക്കുന്നതാണ് കാരണം. ഇതിന്റെ നിറവും വ്യത്യാസപ്പെടുന്നു. ഗര്ഭാശയ ഗളം കൂടുതല് മൃദുവാകുകയും ചെയ്യുന്നു. ഇതിന് ഇലാസ്റ്റിസിറ്റി വര്ദ്ധിയ്ക്കുന്നു. കട്ടി കുറയുന്നു. ഇതെല്ലാം തന്നെ പ്രസവത്തെ സഹായിക്കുന്നു.
പ്രസവ സമയത്ത്
പ്രസവ സമയത്ത് സെര്വിക്സ് വികാസങ്ങള് താഴെപ്പറയുന്ന വിധത്തിലാണ്. ലേറ്റന്റ് ഫേസ് എന്ന ഘട്ടത്തില് 0-3 സെന്റിമീററര് വികാസം, ആക്ടീവ് ലേബര് സറ്റേജില് 4-7 സെന്റീമീറ്റര് വികാസം, ട്രാന്സിഷന് സ്റ്റേജില് 8-10 സെന്റീമീററര്, ഫുളളി ഡയലേറ്റഡ് സ്റ്റേജില് 10 സെന്റീമീറ്റര് വികാസം. ഈ സ്റ്റേജെത്തിക്കഴിഞ്ഞാല് അല്പ സമയത്തില് പ്രസവം നടക്കും. അതായത് ഗര്ഭാശയ ഗളം വികസിയ്ക്കുന്നതാണ് സാധാരണ പ്രസവത്തിനു വേണ്ടത്. ഇത് വികസിയ്ക്കാതിരുന്നാല് പ്രസവത്തിന് തടസം നേരിടും.
സെര്വിക്സുമായി ബന്ധപ്പെട്ട
സെര്വിക്സുമായി ബന്ധപ്പെട്ട പല സങ്കീര്ണതകളുമുണ്ട്. സെര്വിക്സിന് മൂന്ന് സെന്റീമീറ്ററോ ഇതില് കൂടുതലോ നീളം വേണം. 3 സെന്റീമീറ്ററില് കുറവാണ് നീളമെങ്കില് ഇന്കോംപറ്റന്റ് സെര്വിക്സ് എന്ന പ്രശ്നം നേരിടാം. പ്രസവത്തിന് മുന്പായുള്ള സമയത്ത് സെര്വിക്സ് വികസിയ്ക്കുകയും ചുരുങ്ങുകയും ചെയ്യുന്നു. ഇത് കോണ്ട്രാക്ഷനുകളില്ലാതെ ചുരുങ്ങിയാല് ഇതാണ് ഇന്കോംപിറ്റന്റ് സെര്വിക്സ് എന്നറിയപ്പെടുന്നത്. ഇത് മാസം തികയാത്ത പ്രസവത്തിന് കാരണമാകും.
ഇത്തരം അവസ്ഥയില്
ഇത്തരം അവസ്ഥയില്, മാസം തികയാത്ത പ്രസവം നടക്കാതിരിയ്ക്കാന് ഗര്ഭാശയ ഗളത്തില് സ്റ്റിച്ചുകളിടുന്നു. കുഞ്ഞ് നേരത്തെ പുറത്തേയ്ക്കു വരാതിരിയ്ക്കാന് വേണ്ടിയാണിത്. സെര്വികല് സെര്ക്ലേജ് എന്നാണ് ഇത് അറിയപ്പെടുന്നത്. ഇത് സാധാരണ ഗതിയില് ഏറെ വിരളമാണ്. ചിലപ്പോള് സെര്വിക്സ് പ്രസവമടുത്താലും മൃദുവാകില്ല. ഇത് സാധാരണ പ്രസവത്തിന് തടസം നില്ക്കുന്നു. പ്രായമേറുക, നേരത്തെ ഏല്ക്കേണ്ടി വന്നിട്ടുള്ള റേഡിയേഷന്, അണുബാധകള്, സര്ജറി, ജനറ്റിക് പ്രശ്നം എന്നിവയെല്ലാം തന്നെ ഇതിന് കാരണമാകുന്നു. Also read: കുറഞ്ഞത് 30 മിനിറ്റെങ്കിലും നടക്കാം ദിവസവും