വയറ്റില്‍ വളരുമ്പോള്‍ തന്നെ അമ്മയും കുഞ്ഞുമായി പൊക്കിള്‍ക്കൊടി ബന്ധം
വയറ്റില്‍ വളരുമ്പോള്‍ തന്നെ അമ്മയും കുഞ്ഞുമായി പൊക്കിള്‍ക്കൊടി ബന്ധം മാത്രമല്ല, വൈകാരിക ബന്ധം കൂടി വളരുമെന്നു പറയാം. പുറത്തു വന്നാല്‍ അമ്മയുടെ സ്വരം, അമ്മയുടെ ഗന്ധം കുഞ്ഞ് ഏറ്റവുമാദ്യം തിരിച്ചറിയുകയും ചെയ്യും. വയറ്റില്‍ വച്ചു തന്നെ കുഞ്ഞുമായുള്ള അടുപ്പം വര്‍ദ്ധിയ്ക്കാനുള്ള വഴികള്‍ അമ്മയ്ക്കും അച്ഛനുമെല്ലാം ചെയ്യാമെന്നു പറയും. ഇതു കുഞ്ഞും മാതാപിതാക്കളുമായി വയറ്റില്‍ വച്ചു തന്നെ ബന്ധം സ്ഥാപിയ്ക്കുവാന്‍ ഏറെ നല്ലതാണ്. കുഞ്ഞിന് മാനസികമായി അടുപ്പം വര്‍ദ്ധിപ്പിയ്ക്കുന്ന, സുരക്ഷിതത്വം തോന്നിപ്പിയ്ക്കുന്ന ഒന്നാണിത്.
കുഞ്ഞിനോടുള്ള വൈകാരിക അടുപ്പം വര്‍ദ്ധിപ്പിയ്ക്കാനുള്ള വഴികളില്‍
കുഞ്ഞിനോടുള്ള വൈകാരിക അടുപ്പം വര്‍ദ്ധിപ്പിയ്ക്കാനുള്ള വഴികളില്‍ വയറിനു മേല്‍ തലോടുക, സംസാരിയ്ക്കുക, പാട്ടു കേള്‍പ്പിയ്ക്കുക, താരാട്ടു പാടുക തുടങ്ങിയ പല വഴികളും പെടുന്നു. ഇതില്‍ പെടുന്ന ഒന്നു തന്നെയാണ് വയറ്റില്‍ ടോര്‍ച്ചടിയ്ക്കുക എന്നത്. കുഞ്ഞിന്റെ കണ്‍പോളകള്‍ 26-ാമത്തെ ആഴ്ച വരെ അടഞ്ഞിരിയ്ക്കുകയാണ് ചെയ്യുക. എങ്കിലും വെളിച്ചത്തോട് പ്രതികരിയ്ക്കാന്‍ ഇവര്‍ക്കു സാധിയ്ക്കും. വയറിനു മീതേ ഒരു ടോര്‍ച്ചടിയ്ക്കുകയും കെടുത്തുകയും ചെയ്യുന്നതു വയറ്റില്‍ കിടക്കുന്ന കുഞ്ഞുമായുള്ള കള്ളനും പൊലീസും കളി പോലെയാണെന്നു വിശേഷിപ്പിയ്ക്കാം.
വയററില്‍ ടോര്‍ച്ചടിയ്ക്കുന്നതിന്
വയററില്‍ ടോര്‍ച്ചടിയ്ക്കുന്നതിന് വേറൊരു ശാസ്ത്ര വശവുമുണ്ട്. കുഞ്ഞിന്റെ ആരോഗ്യം ഉറപ്പു വരുത്തുന്നതിനുള്ള ഒരു വഴിയാണിത്. വയറ്റിലെ കുഞ്ഞിന്റെ ചലനം കുഞ്ഞിന്റെ ആരോഗ്യ സൂചന കൂടിയാണ്. ആദ്യ ഗര്‍ഭത്തില്‍ 20 ആഴ്ചകളിലാണ് ചലനം തുടങ്ങുക.രണ്ടാമതോ കൂടുതലോ തവണ അമ്മയാകുന്ന സ്ത്രീകളില്‍ ഈ ചലനം വേഗത്തില്‍ അനുഭവപ്പെടും. ചിലപ്പോള്‍ 16-ാമത്തെ ആഴ്ച മുതല്‍ തന്നെ. ശരീരം ഗര്‍ഭവുമായി പൊരുത്തപ്പെടുന്നതു കൊണ്ടാണ് ഇത് . ശരീരം ആദ്യത്തെ ഗര്‍ഭത്തോടെ തന്നെ ഈ കഴിവു നേടിയിട്ടുണ്ടാകും. കോപ്പര്‍ ടി വയ്ക്കുന്ന സ്ത്രീകള്‍ അറിയുക
ചിലപ്പോള്‍ വയറ്റിലെ കുഞ്ഞിന്റെ ചലനം കുറയുന്നതായി
ചിലപ്പോള്‍ വയറ്റിലെ കുഞ്ഞിന്റെ ചലനം കുറയുന്നതായി അനുഭവപ്പെടും. അമ്മ വയര്‍ നിറയെ ഭക്ഷണം കഴിയ്ക്കുമ്പോള്‍, ജോലികളില്‍ മുഴുകുമ്പോള്‍ ഇത്തരം തോന്നലുണ്ടാകും. കുഞ്ഞു ചലിക്കുന്നുവെങ്കിലും അമ്മയ്ക്ക് ഇത് അറിയാതെ പോകുന്നതാണ് കാരണം. ഇതു പോലെ പ്രസവമടുക്കുമ്പോഴും ഇതേ തോന്നലുണ്ടാകുന്നു. കുഞ്ഞു വളരുമ്പോള്‍ യൂട്രസിലെ സ്ഥലക്കുറവു കാരണം അധികം ചലനമറിയാത്തതാണ്. ഗര്‍ഭിണികളിലെ വയറ്റിലെ ആ കറുപ്പു വര പറയുന്നത്
വയറ്റില്‍ ടോര്‍ച്ചടിച്ചു നോക്കുന്നത്
വയറ്റില്‍ ടോര്‍ച്ചടിച്ചു നോക്കുന്നത് കുഞ്ഞിന്റെ ചലനം അറിയാനുള്ള ഒരു വഴി കൂടിയാണ്. പുറത്തെ വെളിച്ചത്തോട് കുഞ്ഞു പ്രതികരിയ്ക്കും. അനങ്ങും. ഇരുട്ടത്ത് നമ്മുടെ കണ്ണിലേയ്ക്ക് ഒരു ടോര്‍ച്ചടിയ്ക്കുന്ന, വെളിച്ചം വീഴുമ്പോള്‍ നമുക്കനുഭവപ്പെടുന്ന അതേ പ്രതീതി തന്നെയാണ് വയറ്റില്‍ ടോര്‍ച്ചടിയ്ക്കുമ്പോഴും അനുഭവപ്പെടുക. ടോര്‍ച്ചടിയ്ക്കുമ്പോള്‍ കുഞ്ഞ് ചലിയ്ക്കും. അനങ്ങും. ഇരുട്ടില്‍ നിന്നു വേണം, ഇതു ചെയ്യുവാന്‍. കുഞ്ഞ് അനങ്ങുന്നു, വയറ്റിലെ കുഞ്ഞിന് ജീവനുണ്ടെന്ന് അറിയാനുള്ള സൂചന കൂടിയാണിത്. കുഞ്ഞ് ഒരു വിധം വളര്‍ച്ചയാകുമ്പോഴേ ഈ ടെക്‌നിക് പ്രയോഗിച്ചാല്‍ അനക്കം അറിയാനാകൂ. അനക്കം തുടങ്ങുന്ന മാസങ്ങളില്‍ ഇതു ചെയ്യുന്നതു കൊണ്ട് ചലനം അറിയാന്‍ സാധിച്ചെന്നു വരില്ല.