ചെറുപയര്
ചെറുപയര്, ഉലുവാ, തേങ്ങാപ്പാല്, കരുപ്പെട്ടി അല്ലെങ്കില് ശര്ക്കര, ജീരകം, എള്ള് എന്നിവയാണ് ഈ നാടന് മരുന്നിന് വേണ്ടത്. ആരോഗ്യപരമായ ഗുണങ്ങളാല് മികച്ചതാണ് ചെറുപയര്. കാല്സ്യം സമ്പുഷ്ടമായ ഒന്നാണിത്. ധാരാളം പോഷകങ്ങള് അടങ്ങിയ ഒന്നാണിത്.യര് വര്ഗങ്ങളില് തന്നെ ഏറ്റവും ആരോഗ്യകരമാണ് ചെറുപയര്. ലോകത്തിലെ സസ്യ അധിഷ്ഠിത പ്രോട്ടീന്റെ ഏറ്റവും സമ്പന്നമായ ഉറവിടങ്ങളിലൊന്നായതിനാൽ ചെറു പയർ ഒരു സൂപ്പർഫുഡായി കണക്കാക്കപ്പെടുന്നു. കൂടാതെ, അവശ്യ അമിനോ ആസിഡുകളായ ഫെനിലലാനൈൻ, ലിയൂസിൻ, ഐസോലിയൂസിൻ, വാലൈൻ, ലൈസിൻ, അർജിനൈൻ എന്നിവയും ഇതിൽ ധാരാളം അടങ്ങിയിട്ടുണ്ട്. ഇത് മുളപ്പിച്ച് കഴിയ്ക്കുന്നതാണ് കൂടുതല് നല്ലതെന്ന് പറയാം. കാരണം ഇത് ഗ്യാസ് പോലുള്ള പ്രശ്നങ്ങള് പരിഹരിയ്ക്കും. പോരാത്തതിന് പോഷകങ്ങള് ഇരട്ടിപ്പിയ്ക്കുകയും ചെയ്യും.
ഉലുവ
പണ്ടു കാലം മുതല് തന്നെ മുലപ്പാല് കൂട്ടുന്നതിനും മറ്റ് ആരോഗ്യ പ്രശ്നങ്ങള്ക്കും മരുന്നായി ഉപയോഗിയ്ക്കുന്ന ഒന്നാണ് ഉലുവ.ഉലുവയില് ഈസ്ട്രജന് ധാരാളം അടങ്ങിയിട്ടുണ്ട്. ഇതു തന്നെയാണ് ഇത് മുലപ്പാല് വര്ദ്ധനവിന് സഹായിക്കുന്നതിന്റെ ചുരുക്കുംഇത് ഗര്ഭിണികള് പൊതുവേ മുലപ്പാല് വര്ദ്ധനവിന് ഉപയോഗിയ്ക്കുന്ന ഒന്നു തന്നെയാണ്. ഉലുവ കൊണ്ടു മരുന്നുണ്ടാക്കി കഴിയ്ക്കാം. ശര്ക്കര ചേര്ത്തുള്ള ഇത് മുലപ്പാല് ഉല്പാദനത്തിന് ഏറെ നല്ലതാണ്. അമ്മയുടെ ആരോഗ്യത്തിനും ഇതേറെ നല്ലതാണ്. എന്നാല് അമിതമാകാതെ സൂക്ഷിയ്ക്കുക. കാരണം കൂടുതലായാല് ഇത് മുലപ്പാല് ഉല്പാദനം കുറയ്ക്കാം. മാത്രമല്ല, ഇതു ചൂടാതയതു കൊണ്ടു തന്നെ ശരീരത്തിന് അതിന്റേതായ പ്രശ്നങ്ങളുമുണ്ടായേക്കാം..
എള്ള്
ഈസ്ട്രജന് ധാരാളമുള്ള ഒന്നാണ് എള്ള്. പെട്ടെന്നു മാസമുറ വരാനും മറ്റും സഹായിക്കുന്ന ഇത് അയേണ് സമ്പുഷ്ടമാണ്. മുലപ്പാല് വര്ദ്ധനവിന് ഇതിലെ ഈസ്ട്രജന് ഗുണം സഹായിക്കുകയും ചെയ്യുന്നു. എള്ളും ഭക്ഷണത്തില് ഉള്പ്പെടുത്താം. എള്ളുണ്ട കഴിയ്ക്കാം. മുലപ്പാല് രുചിയ്ക്കു കാര്യമായ വ്യത്യാസങ്ങള് വരുത്താത്തതു കൂടിയാണ് എളളു പോലെയുള്ള ഭക്ഷണങ്ങള്.
തേങ്ങാപ്പാല്
തേങ്ങാപ്പാല് പൊതുവേ അമ്മയുടെ മുലപ്പാല് ഉല്പാദനത്തിന് ഏറെ ഗുണകരമാണ്. തേങ്ങാപ്പാല് ചേര്ത്ത കഞ്ഞി പ്രസവശേഷം ഗര്ഭിണികള്ക്ക് നല്കുന്ന കാര്യം ഇതാണ്. ഇതു പോലെ എള്ളും ഈസ്ട്രജന് സമ്പുഷ്ടമാണ്. ഇത് മുലപ്പാല് ഉല്പാദനത്തിന് വര്ദ്ധിപ്പിയ്ക്കും. ജീരകവും നല്ലൊരു മരുന്നു തന്നെയാണ്. ഇത്തരം ചേരുവകള് മുലപ്പാല് ഉല്പാദത്തിനും പല ആരോഗ്യ പ്രശ്നങ്ങള്ക്കും മരുന്നാണ്.
ഇതിനായി തുല്യ അളവില് ചെറുപയര്, ഉലുവാ എന്നിവ കുതിര്ത്തെടുക്കുക. ഇത് നല്ലതു പോലെ വേവിയ്ക്കാം. ഒരു പാത്രത്തില് നെയ്യിട്ട് ഇതിലേയ്ക്ക് ഈ ചേരുവകള് ഇട്ട് നല്ലതു പോലെ ഉടച്ചെടുക്കാം. പിന്നീട് ഇതിലേയ്ക്ക് കരുപ്പെട്ടി ചേര്ത്തിളക്കാം. ആവശ്യത്തിന് തേങ്ങാപ്പാല് ചേര്ത്തിളക്കി ആവശ്യമെങ്കില് നെയ്യ് ചേര്ക്കാം. ഇതിലേയ്ക്ക് ജീരകം, എള്ളു വറുത്തത് എന്നിവ ചേര്ക്കാം. ഇതെല്ലാം നല്ലതു പോലെ വറ്റിച്ചെടുത്ത് ഉണ്ടയാക്കി മാറ്റി ഉപയോഗിയ്ക്കാം. ഫ്രിഡ്ജില് വച്ച് ഉപയോഗിയ്ക്കുക.