നാലുമണിക്ക് ഏത്തപ്പഴം കട്ലറ്റ് തയ്യാറാക്കാം
ഉടച്ച പഴത്തില് ബ്രെഡ് ഒഴികെയുള്ള എല്ലാ ചേരുവകളും കൂട്ടിച്ചേര്ക്കുക. എണ്ണ തിളപ്പിച്ച് പഴക്കൂട്ട് വട്ടത്തില് ആക്കി ബ്രെഡ് ക്രംമ്പ്സില് മുക്കി വറുത്തെടുക്കുക. ഏത്തപ്പഴം കട്ലറ്റ് ഉണ്ടാക്കുന്നത് എളുപ്പമാണ്
Samayam Malayalam 8 Apr 2019, 11:18 pm
ഹൈലൈറ്റ്:
- നാലുമണിക്ക് എന്തുണ്ടാക്കാം എന്ന ചിന്തയിലാണോ
- കിടിലൻ നാലുമണി പലഹാരം റെഡിയാക്കിയാലോ
- ഏത്തപ്പഴം കൊണ്ട് കട്ലറ്റ്തയ്യാറാക്കാം
ഏത്തപ്പഴം കൊണ്ട് കിടിലൻ സ്നാക്സ് നാലുമണിക്ക് തയ്യാറാക്കിയാലോ
ഏത്തപ്പഴം-250 ഗ്രാം
മുട്ട-1
വെളുത്ത കസ്കസ്-25 ഗ്രാം
കശുവണ്ടിപ്പരിപ്പ്-15
കിസ്മിസ്-25 ഗ്രാം
ഏലയ്ക്ക-2
നെയ്യ്-2 സ്പൂണ്
പഞ്ചസാര-2 വലിയ സ്പൂണ്
ബ്രെഡ് ക്രംമ്പ്സ്
തയ്യാറാക്കുന്ന വിധം
ഏത്തപ്പഴം പുഴുങ്ങിയെടുക്കുക. ഇത് പിന്നീട് നടുവിലെ കുരു കളഞ്ഞ് ഉടച്ചെടുക്കണം. ഒരു പാന് ചൂടാക്കി ഇതില് കസ്കസ് ഇളം ബ്രൗണ് നിറമാകുന്നതു വരെ ചൂടാക്കിയെടുക്കുക. കസ്കസ് മാറ്റിയ ശേഷം നെയ്യില് കിസ്മിസ്, കശുവണ്ടിപ്പരിപ്പ് എന്നിവ മൂപ്പിച്ചെടുക്കുക. ഏലയ്ക്ക പൊടിയ്ക്കുക. ഉടച്ച പഴത്തില് ബ്രെഡ് ഒഴികെയുള്ള എല്ലാ ചേരുവകളും കൂട്ടിച്ചേര്ക്കുക. എണ്ണ തിളപ്പിച്ച് പഴക്കൂട്ട് വട്ടത്തില് ആക്കി ബ്രെഡ് ക്രംമ്പ്സില് മുക്കി വറുത്തെടുക്കുക