കൊച്ചിയിലെ വീട്ടമ്മമാരുടെ കൈപ്പുണ്യം ഇനി ലോകമറിയും

നിങ്ങൾ ഒരു നല്ല പാചകക്കാരിയാണോ, നിങ്ങളുടെ ഭക്ഷണം മറ്റുള്ളവർ കഴിച്ചു അഭിപ്രായം പറയണമെന്നാഗ്രഹമുള്ളവരാണോ ? കുക്കിംഗ് ഒരു പാഷൻ ആയി കൊണ്ട് നടക്കുന്നവരാണോ ? കുക്കിംഗ് സ്കിൽ കൊണ്ട് ഒരു ചെറിയ വരുമാനം ഉണ്ടാക്കണം എന്നാഗ്രഹമുള്ളവരാണോ... കൊച്ചിയിലെ വീട്ടമ്മമാർക്കൊരു സന്തോഷ വാർത്തയുമായി എത്തിയിരിക്കുകയാണ് ഇടപ്പള്ളിയിലെ ദുബായ് റസ്റ്റോറന്‍റ്. അവരുടെ ദ ഹോം മെയ്ഡ് ഷേഫ് എന്ന പുതിയ പദ്ധതിയാണ് ഇതിന് വഴിയൊരുക്കിയിരിക്കുന്നത്.

നിങ്ങളുണ്ടാക്കിയ ഭക്ഷണം നിങ്ങൾ പറയുന്ന വിലക്ക് അവർ വിറ്റു തരും. ഇതിനായി വീട്ടമ്മമാർ ചെയ്യണ്ടത് ഇത്ര മാത്രം. നല്ല ഭക്ഷണം ഉണ്ടാക്കുക, അതിപ്പോ എന്തുമായിക്കൊട്ടെ , ബീഫ് കറിയോ, ചിക്കൻ കറിയോ, അല്ലെങ്കിൽ നല്ല ഒരു അച്ചാറോ, പലഹാരമോ എന്തും , എന്നിട്ട് ഹോട്ടലുകാരെ അറിയിക്കുക . അവർ നിങ്ങളെ വന്നു കാണും. ഇല്ലെങ്കിൽ നിങ്ങൾ ഹോട്ടലിലേക്ക് ആ ഭക്ഷണം കൊണ്ട് വരിക. ഹോട്ടലിന്റെ ഫേസ്ബുക് പേജിൽ നിങ്ങളുടെ ഡീറ്റെയിൽസ് അവർ ഇടുന്നതായിരിക്കും പിന്നെ ഓരോരുത്തർക്കും താത്പര്യമുണ്ടെങ്കിൽ നിങ്ങളെകുറിച്ചുള്ള ഒരു വീഡിയോ ഇന്റർവ്യൂ ഹോട്ടലിലെ ടീവിയിൽ കാണിച്ചു കൊണ്ടേയിരിക്കും. കഴിഞ്ഞദിവസം കൊച്ചിയിലെ പപ്പടവട റെസ്റ്റോറന്റ് ഉടമ മിനു പൌളിൻ ഈ സംരംഭത്തിന്റെ ഉദ്ഘാടനം നിർവ്വഹിച്ചു. വീട്ടമ്മമാരുടെ കഴിവ് ഈ പുതിയ പദ്ധതിയിലൂടെ ലോകം അറിയട്ടെ !!!

dubai restaurant new idea home made chef

dubai restaurant comes up with a new idea named as home made chef.