കുറച്ച് വാഴക്കൂമ്പ് തോരന്‍ കഴിക്കാം....

ഇടമുറിയാതെ മഴ പെയ്യുന്ന കര്‍ക്കിടക മാസം പൊതുവെ ആരോഗ്യ സംരക്ഷത്തിൻെറ ദിനങ്ങളാണ്. ഇലക്കറികളും, മരുന്നു കഞ്ഞിയുമെല്ലാം ഇൗ സമയത്ത് നല്ലതു തന്നെ. മലയാളികളുടെ പ്രധാന കൃഷിയാണ് വാഴ. വാഴയെ എല്ലാ വിധത്തിലും ഉപയോഗപ്പെടുത്തുന്നുണ്ട്. അതിൽ വാഴക്കുമ്പ് തോരൻെ ഗുണവും അതിപ്രധാനമാണ്.

ചേരുവകൾ:

വാഴക്കൂമ്പ്: 2

തേങ്ങ: 1

പച്ചമുളക്: 3

ചുവന്നുള്ളി: 8

കറിവേപ്പില: 2 ഞെട്ട്

ഉപ്പ്: പാകത്തിന്

വേവിച്ച പയ‍ർ 50 ഗ്രാം

തയ്യാറാക്കുന്ന വിധം:

വാഴക്കൂമ്പ് അരിഞ്ഞത് നല്ലപോലെ വെളിച്ചെണ്ണ തിരുമ്മി വെയ്ക്കുക.വെളിച്ചെണ്ണയില്‍ കടുകുപൊട്ടിച്ച് അതിലേക്ക് അരിഞ്ഞ് വെച്ച കൂമ്പിടുക .ചിരകിയ തേങ്ങാ, പച്ചമുളക്, വെളുത്തുളളി,ജീരകം ഇവ ചതച്ചെടുക്കുക. വാഴക്കൂമ്പ് വെന്തു വരുമ്പോള്‍ വേവിച്ച വന്‍ പയര്‍ ചേര്‍ക്കുക. അതിലേക്ക് ചതച്ചെടുത്ത കൂട്ടുകള്‍ .ആവശ്യത്തിന് ഉപ്പും ചേര്‍ക്കുക.വെന്ത ശേഷം വാങ്ങിവെച്ച് ചോറിന്റെ കൂടെ ഉപയോഗിക്കുക.