എളുപ്പത്തിൽ തയ്യാറാക്കാം ബനാന കോഫി കേക്ക്

പ്രഭാത ഭക്ഷണമായോ നാല് മാണി പലഹാരമായോ കഴിക്കാൻ പറ്റിയ ഒരു വിഭവമാണ് ഇവിടെ പരിചയപ്പെടുത്തുന്നത്. ബനാന കോഫി കേക്കാണ് സ്വാദിഷ്ടമായ ആ വിഭവം.

ആവശ്യമായ ചേരുവകൾ

മുട്ട - 2

ബട്ടർ - 1 കപ്പ്

പഞ്ചസാര - 1.5 കപ്പ്

പഴുത്ത പഴം നന്നായി ഉടച്ചത് - 3

മൈദാ - 3 കപ്പ്

ബേക്കിങ് പൗഡർ - 1. 5 ടീസ്‌പൂൺ

ബേക്കിങ് സോഡ - 1.5 ടീസ്‌പൂൺ

ഉപ്പ് - 1 ടീസ്‌പൂൺ

ടോപ്പിങ്

ചോക്കോ ചിപ്‌സ് - 2 കപ്പ്
ബ്രൗൺ ഷുഗർ - 1 കപ്പ്

പാകം ചെയ്യുന്ന വിധം

ഒരു പാത്രത്തിൽ ബട്ടർ നന്നായി അടിച്ച് പതപ്പിക്കുക. അതിലേക്കു പഴം, മുട്ട എന്നിവ ചേർക്കുക. നന്നായി ഇവ യോജിപ്പിക്കുക. മൈദ,ബേക്കിങ് പൗഡർ,ബേക്കിങ് സോഡ,ഉപ്പ് എന്നിവ മിശ്രിത്തിത്തിൽ ചേർത്ത് നന്നായി യോജിപ്പിക്കുക.

കേക്ക് കൂട്ടിന്‍റെ പകുതി വെണ്ണ തടവിയ ഒരു ബേക്കിങ് ട്രേയിലേക്ക് മാറ്റുക. ചോക്കോ ചിപ്‌സ് അടങ്ങിയ ടോപ്പിങ് മുകളിൽ വിതറിയ ശേഷം ബാക്കി മാവ് ഒഴിക്കുക. 30- 40 മിനിറ്റ് കേക്ക് ബെയ്ക്ക് ചെയ്യുക. തണുത്തതിന് ശേഷം മുറിച്ച് വിളമ്പാം.

How to make banana coffee cake in malayalam