ചായയ്ക്കൊപ്പം കഴിക്കാൻ മുട്ട ബോണ്ട

വളരെ ചുരുങ്ങിയ സമയം കൊണ്ട് തയാറാക്കാവുന്ന വിഭവമാണ് മുട്ട ബോണ്ട. എങ്ങനെ ഉണ്ടാക്കാമെന്ന് കണ്ട് നോക്കൂ...

ആവശ്യമായ സാധനങ്ങൾ

മുട്ട പുഴുങ്ങിയത്- 3 എണ്ണം

കടലമാവ്- 3 ടേബിൾ സ്പൂൺ

മുളക്പൊടി- 1 ടീ സ്പൂൺ

മഞ്ഞൾപൊടി- കാൽ ടീസ്പൂൺ

വെളുത്തുള്ളി- 3 അല്ലി

ഇഞ്ചി- 1 ചെറിയ കഷ്ണം

സവാള- 1 വലുത്

കുരുമുളകുപൊടി- ആവശ്യത്തിന്

തയാറാക്കുന്ന വിധം

മുട്ട പുഴുങ്ങിയത് രണ്ടായി മുറിച്ചു വയ്ക്കുക.

ഒരു കപ്പ് കടലമാവും രണ്ടു സ്പൂൺ കോൺഫ്ലവറും ഉപ്പും ആവശ്യത്തിന് മുളക്പൊടി, മഞ്ഞൾ പൊടി,വെളുത്തുള്ളി, ഇഞ്ചി, സവാള ചെറുതായി അരിഞ്ഞതും കുരുമുളകുപൊടിയും ആവശ്യത്തിന് വെള്ളവും ചേർത്ത് നന്നായി കുഴച്ചെടുക്കുക.

അതിലേയ്ക്ക് ഓരോ കഷ്ണം മുട്ടയും മുക്കിയെടുത്തു (മാവ് മുട്ടയിൽ പൊതിഞ്ഞിരിക്കണം) വെളിച്ചെണ്ണയിൽ വറുത്തെടുത്ത് കഴിക്കാം.

How to make Egg bonda in Malayalam.