ചപ്പാത്തിയ്‍ക്കൊപ്പം കഴിക്കാൻ രസികന്‍ മുട്ടക്കറി!

ചപ്പാത്തിയ്ക്കും അപ്പത്തിനും ഒപ്പം കഴിക്കാൻ പറ്റുന്ന രുചികരമായ മുട്ടക്കറി എങ്ങനെയുണ്ടാക്കാമെന്ന് നോക്കിയാലോ?

ആവശ്യമായ സാധനങ്ങൾ

മുട്ട പുഴുങ്ങിയത്‌ - 2 എണ്ണം

സവാള - 2 എണ്ണം

ഉരുളകിഴങ്ങ് പുഴുങ്ങിയത്‌ - 2 എണ്ണം

വെള്ളുള്ളി - 4 അല്ലി

ഇഞ്ചി - ഒരു ചെറിയ കഷ്ണം

പച്ചമുളക് - 2 എണ്ണം

കറി വേപ്പില - 2 തണ്ട്

മുളകുപൊടി - 1 ടീസ്പൂണ്‍

മല്ലിപൊടി - 1 ടീസ്പൂണ്‍

മഞ്ഞൾപൊടി - 1/2 ടീസ്പൂണ്‍

ഉപ്പു - പാകത്തിന്

ചുവന്നുള്ളി - 6 എണ്ണം

വെളിച്ചെണ്ണ - 4 സ്പൂണ്‍

തേങ്ങപാല്‍ - ഒരു കപ്പ്‌

തയാറാക്കുന്ന വിധം

* പാന്‍ അടുപ്പത്ത് വെച്ച് ചൂടാകുമ്പോള്‍ 2 സ്പൂണ്‍ വെളിച്ചെണ്ണ ഒഴിച്ച് സവാള അറിഞ്ഞത് ചേർത്ത് വഴറ്റുക.

* സവാള ചെറുതായി വെന്തു വരുമ്പോള്‍ ഇഞ്ചിയും വെളുത്തുള്ളിയും ചതച്ചതും, പച്ചമുളകും ചേർക്കുക.

* നന്നായി വഴറ്റി പച്ചമണം മാറുമ്പോള്‍ മല്ലിപൊടി, മുളകുപൊടി, മഞ്ഞള്പൊടി എന്നിവ ചേർക്കുക.

* പൊടികള്‍ എല്ലാം ചേര്ത്ത് ഒന്ന് ചൂടായതിനു ശേഷം പുഴുങ്ങിഉരുളകിഴങ്ങ് ഉടച്ചു ചേർത്ത് നന്നായി
ഇളക്കുക.

* ഇതിലേക്ക് തേങ്ങപാല്‍ ചേർത്ത് തിള വരുമ്പോള്‍ മുട്ട പുഴുങ്ങിയത്‌ രണ്ടായി മുറിച്ചോ മുഴുവനോടയോ ചേര്ത്ത് അടുപ്പത്തുനിന്നു ഇറക്കി വെക്കുക.

* വേറെ ഒരു ചെറിയ പാനില്‍ 2 സ്പൂണ്‍ വെളിച്ചെണ്ണ ഒഴിച്ച് ചുവന്നുള്ളി ചെറുതായി അരിഞ്ഞതും കറിവേപ്പിലയും മൂപിച്ചു കറിയുടെ മുകളില്‍ ഒഴിക്കുക. എഗ്ഗ് കറി റെഡി.

പൊടികളുടെ കൂടെ 1 സ്പൂണ്‍ ഗരം മസാല ചേർത്തും വെക്കാം. അവസാനം ഉള്ളി മൂപ്പിച്ചു ഒഴിക്കണ്ട. ആ കറിക്ക് വേറൊരു സ്വാദായിരിക്കും.

(കടപ്പാട്- അമ്മച്ചിയുടെ അടുക്കള)

How to make egg curry in Malayalam.