പ്രാതലിന് ചെറുപയർ ദോശയുണ്ടാക്കാം

വളരെയധികം പോഷകമൂല്യമുള്ള പയറുവ‍‍ർഗ്ഗമാണ് ചെറുപയ‍ർ. ചെറുപയ‍ർ വെച്ച് എന്തുണ്ടാക്കിയാലും ശരീരത്തിന് ഗുണകരമാണ്. സത്യത്തിൽ ആന്ധ്രാപ്രദേശിന്റെ സ്വന്തമെന്ന് വിശേഷിപ്പിക്കാവുന്ന ഒരു ദോശക്കൂട്ടാണ് ചെറുപയര്‍ ദോശ. എങ്കിലും മലയാളികളുടെ ഭക്ഷണത്തിലെ പ്രധാന ഇനമായ ഇവനെ വെച്ച് കിടിലൻ ദോശയുണ്ടാക്കാം. പ്രാതലായോ നാലുമണി പലഹാരമായോ ഈ ഹെല്‍ത്തി ദോശ കഴിക്കാം.


ചേരുവകൾ:

ചെറുപയർ - 1കപ്പ്‌

പച്ചരി- 1/4കപ്പ്‌

വെളള അവൽ- 3 ടേബിൾ സ്പൂൺ

തേങ്ങാ പീര--4സ്പൂൺ

ഉപ്പ്‌ -ആവശ്യത്തിന്

ചുവന്നുള്ളി- 2അല്ലി


തയ്യാറാക്കുന്ന വിധം:


ചെറുപയറും പച്ചരിയും വെളളത്തിൽ നാലഞ്ച്‌ മണിക്കൂർ ഒരുമിച്ച്‌ കുതിർത്ത്‌ വയ്കുക. അവൽ കഴുകിഎടുക്കുകകുതിർത്തപയറും അരിയും ബാക്കി ചേരുവളെല്ലാം കൂടി നന്നായി അരച്ച്‌ ഇടത്തരം അയവിൽ കലക്കി എണ്ണ തൂവി കനം കുറച്ച്‌ദോശ ചുട്ടെടുക്കുക. മുകളിൽ എണ്ണ യോ നെയ്യോ കുറച്ച്‌ ഒഴിച്ചു കൊടുക്കണം. ചൂടോടെ ചട്നി ,സാമ്പാർ ഒക്കെ കൂട്ടി കഴിക്കാം. അരച്ച ഉടനെ ചുട്ടെടുക്കാം പുളിപ്പ്‌ കാണില്ല.