ഇൗ ഒാണത്തിന് ഗ്രീന്‍പീസ് പായസം ആയാലോ

ഗ്രീന്‍ പീസുകൊണ്ട് ( പട്ടാണി) ഒരു തകര്‍പ്പന്‍ പായസം ഉണ്ടാക്കാം. നല്ല ഫ്രെഷ് ഗ്രീന്‍ പീസുകൊണ്ടാണ് ഇൗ വറൈറ്റി പായസം ഉണ്ടാക്കാന്‍ പോകുന്നത്. വളരെ എളുപ്പത്തില്‍ തയ്യാറാക്കാവുന്ന ഒന്നാണ് ഗ്രീന്‍ പീസ് ​ പായസം. പട്ടാണി പായസത്തിന് ഉണങ്ങിയ ഗ്രീന്‍ പീസ് ഉപയോഗിക്കരുത്.

ആവശ്യമായ ചേരുവകള്‍

തൊലി കളഞ്ഞ ഗ്രീന്‍ പീസ് - 1 കപ്പ്

നെയ്യ് - അര കപ്പ്

പാല്‍ - 1 കപ്പ്

പഞ്ചസാര- 1 കപ്പ്

ഏലക്കാപ്പൊടി -1 ടീസ്പൂണ്‍

പിസ്ത ചെറുതായി മുറിച്ചത്- 25 എണ്ണം

ഉണക്ക മുന്തിരി -20 എണ്ണം

ഗ്രീന്‍ പീസ് കുക്കറില്‍ മൂന്നു വിസിലു വരുത്തി വേവിച്ചതിനു ശേഷം വീണ്ടും പച്ചവെളളത്തില്‍ കഴുകി പേസ്റ്റായി അരച്ചെടുക്കുക. അതിനു ശേഷം പാന്‍ ചൂടാക്കി നെയ്യൊഴിച്ച് അരച്ചു വെച്ച ​ മിശ്രിതം ചെറിയ തീയില്‍ നന്നായി വഴറ്റിയെടുക്കണം .കുറഞ്ഞത് പത്തു മിനിറ്റെങ്കിലും വഴറ്റിയാലോ ഗ്രീന്‍ പീസിന്‍റെ പച്ച മണം മാറുകയുളളൂ.

അടുത്തതായി പാല്‍ ചൂടാക്കി അതിലേക്ക് വഴറ്റിവെച്ചിരിക്കുന്ന ഗ്രീന്‍ പീസും പഞ്ചസാരയും ചേര്‍ത്തതിനു ശേഷം കട്ടപിടിക്കാതെ ചെറുതീയില്‍ കുറുകിവരുന്നതു വരെ ഇളക്കണം. കുറുകി തുടങ്ങുമ്പോള്‍ ഇടയ്ക്ക് പിസ്ത, നെയ്യില്‍ വറുത്ത മുന്തിരി ,ഏലക്കാപ്പൊടി എന്നിവ ചേര്‍ക്കാം.

മിശ്രിതത്തെ മുഴുവന്‍ കട്ടിയാവാന്‍ അനുവദിക്കരുത്. തണുത്തു കഴിഞ്ഞാല്‍ പായസം വീണ്ടും കട്ടിയാവും. തയ്യാറാക്കി ഫ്രിഡ്ജില്‍ വച്ചതിനു ശേഷം ഉപയോഗിക്കാം

How to make green peas payasam

How to make green peas kheer. making of this special kheer is very easy