ഇനി മുതൽ ഉൗണിന് നെല്ലിക്ക കറിയും വിളമ്പാം

നിരവധി ആരോഗ്യഗുണങ്ങടങ്ങിയ ഫലമാണ് നെല്ലിക. നെല്ലിക്കയിൽ ശരീരത്തിനാവശ്യമായ നിരവധി ജീവകങ്ങൾ അടങ്ങിയിരിക്കുന്നു. കരളിൻ്റെ സംരക്ഷണത്തിന് നെല്ലിക്ക ഉത്തമമാണ്. നെല്ലിക്ക ഉപ്പിലിട്ടതും, അച്ചാറിട്ടും നമ്മൾ വീടുകളിൽ സൂക്ഷിക്കാറുണ്ട്. നെല്ലിക്ക കറിയായി വെക്കുന്നത് അപൂ‍ർവമാണ്. നെല്ലിയിട്ട് നല്ലൊരു സ്വാദിഷ്ടമായ കറിയുണ്ടാക്കി നോക്കിയാലോ

ചേരുവകൾ
നെല്ലിക്ക - 5

പച്ചമുളക് - 3

,ഇഞ്ചി - ചെറിയ കഷണം

വറ്റല്‍ മുളക് - ആവശ്യത്തിന്

കറിവേപ്പില - ആവശ്യത്തിന്

ജീരകം - അര സ്പൂണ്‍

ഉലുവ - അര സ്പൂൺ

തേങ്ങാപാൽ - രണ്ടു കപ്പ്

തയ്യാറാക്കുന്ന വിധം

ആദ്യം നെല്ലിക്ക, പച്ചമുളക്, ഇഞ്ചി എന്നിവ നന്നായി അരച്ചെടുക്കുക. ഒരു പാത്രത്തില്‍ കടുക് താളിച്ച്‌ വറ്റല്‍ മുളക്, കറിവേപ്പില, അര സ്പൂണ്‍ ജീരകം, അര സ്പൂണ്‍ ഉലുവ് എന്നിവയിട്ട് മൂപ്പിക്കുക. കാല്‍ സ്പൂണ്‍ മഞ്ഞള്‍പൊടി, അരച്ച് വെച്ച നെല്ലിക്ക കൂട്ട് എന്നിവയിട്ട് ചൂടാക്കി രതേങ്ങാപാൽ ചേ‍ർക്കുക. ആവശ്യത്തിന് ഉപ്പും ചേർത്ത് വേവിക്കുക. ഉഗ്രൻ കറി റെഡി