നോമ്പ് തുറക്കാൻ തയാറാക്കാം കേസർ ഫലൂദ

വളരെ ഈസിയായി തയാറാക്കാവുന്ന ടേസ്റ്റി റെസിപ്പിയാണ് കേസർ ഫലൂദ. എങ്ങനെയുണ്ടാക്കാമെന്ന് നോക്കൂ...

ആവശ്യമായ സാധനങ്ങൾ

പഞ്ചസാര - അര കപ്പ്

വെള്ളം - അര കപ്പ്

കുങ്കുമപ്പൂവ് - പത്ത് നാര്

കുതിർത്ത കസ്കസ് - ആവശ്യത്തിന്

വേവിച്ച സേമിയ - ആവശ്യത്തിന്

തണുത്ത പാൽ - ആവശ്യത്തിന്

ഐസ്ക്രീം - ആവശ്യത്തിന്

നുറുക്കിയ ഡ്രൈ ഫ്രൂട്ട്സ് - ആവശ്യത്തിന്

ഉണ്ടാക്കുന്ന വിധം

പഞ്ചസാരയും വെള്ളവും തിളപ്പിക്കുക. പഞ്ചസാര അലിഞ്ഞ ശേഷം ഇതിലേക്ക് കുങ്കുമപ്പൂവ് ചേർത്ത് തീ ഓഫ് ചെയ്ത് മൂടിവെയ്ക്കുക.

തണുത്ത ശേഷം അരിച്ചെടുക്കുക. ഇതാണ് കേസർ സിറപ്പ്.

ഇനി ഫലൂദ സെറ്റ് ചെയ്യാം.

ഒരു നീളൻ ഗ്ലാസിൽ കുറച്ച് സിറപ്പ് ഒഴിക്കുക. പിന്നെ കസ്കസ്, സേമിയ, പാൽ, ഐസ്ക്രീം യഥാക്രമം ഇട്ട് മുകളിൽ ഡ്രൈഫ്രൂട്ട്സ് ഇട്ട് വിളമ്പാം.

How to make kesar falooda?