വളരെ പെട്ടന്ന് തയ്യാറാക്കാനാവുന്ന ലെമൺ റൈസ്

ജോലിക്ക് പോകുന്നവ‍ർക്കും, പെട്ടെന്ന അതിഥികൾ കയറി വരുമ്പോഴും എളുപ്പത്തിലുണ്ടാക്കാവുന്ന ഡിഷാണ് ലെമൺ റൈസ്. നാരങ്ങ ചേർത്തുണ്ടാക്കുന്നതിനാൽ രുചികരവും ആരോഗ്യപ്രദവുമായ ആഹാരമാണിത്. ചോറിനോട് വലിയ താൽപ്പര്യമില്ലാത്തവർക്കും ലെമൺ റൈസ് പരീക്ഷിക്കാംചേരുവകൾ

ബസ്മതി റൈസ് വേവിച്ചത്- ഒരു കപ്പ്

ചെറുനാരങ്ങ- ഒന്ന്

വെളുത്തുള്ളി- നാല് അല്ലി

ഇഞ്ചി- ഒരു കഷ്ണം

പച്ചമുളക്- മൂന്ന്

കടുക്- ഒരു ടീ സ്പൂണ്‍

മഞ്ഞൾപ്പൊടി - അര ടീസ്പൂണ്‍

അണ്ടിപ്പരിപ്പ്- ആറ്

ഉപ്പ് പാകത്തിന്

കറിവേപ്പില, വെളിച്ചെണ്ണ - ആവശ്യത്തിന്


തയ്യാറാക്കുന്ന വിധം

ഒരു ചീനച്ചട്ടിയില്‍ എണ്ണ ചൂടാക്കുക. ഇതിലേക്ക് കടുകിട്ട് പൊട്ടിക്കുക. വെളുത്തുള്ളി, ഇഞ്ചി, പച്ചമുളക്, കറിവേപ്പില എന്നിവ ചേര്‍ക്കണം. ഇത് നന്നായി മൂത്ത ശേഷം അണ്ടിപ്പരിപ്പ് ചേര്‍ക്കുക. നല്ല പോലെ ഇളക്കിയ കൂട്ടിലേക്ക് മഞ്ഞള്‍പ്പൊടിയും ഉപ്പും ചെറുനാരങ്ങാനീരും ചേര്‍ക്കുക. വേവിച്ച ചോറ് ഇതിലേക്ക് ചേര്‍ത്ത് നല്ലപോലെ ഇളക്കി ചൂടോടെ വിളമ്പാം