സ്വാദേറിയ സോയ കട്‌ലറ്റ് ഉണ്ടാക്കാം

സോയ കൊണ്ട്‌ പലതരത്തിലുള്ള വിഭവങ്ങള്‍ വീട്ടിലുണ്ടാക്കാവുന്നതാണ്. അതിലൊന്നാണ് സോയ കട്‌ലറ്റ്
വേണ്ട ചേരുവകൾ

സോയ ചങ്ക്‌സ് - 1/2 കപ്പ്
പുഴുങ്ങി ഉടച്ചെടുത്ത ഉരുളക്കിഴങ്ങ് - 1/2 കപ്പ്
എണ്ണ - 1 ടേബിൾ സ്പൂൺ
സവാള -1 വലുത്
ഇഞ്ചി, വെളുത്തുള്ളി പേസ്റ്റ് - 1/2 ടീസ്പൂൺ
പച്ചമുളക് - 2 എണ്ണം
മുളക് പൊടി - 1/2 ടീസ്പൂൺ
മല്ലിപ്പൊടി - 1/2 ടീസ്പൂൺ
മഞ്ഞൾ പൊടി 1/4 ടീസ്പൂൺ
ഗരമസാല - 1/2 ടീസ്പൂൺ
കുരുമുളക് പൊടി - 1/4 ടീസ്പൂൺ
മല്ലിയില- ചെറുതായി അരിഞ്ഞത് 1 ടേബിൾ സ്പൂൺ
ബ്രഡ് പൊടിച്ചത് - 2 ടേബിൾ സ്പൂൺ
ഉപ്പ് - ആവശ്യത്തിന്

പാകം ചെയ്യേണ്ട വിധം

ആദ്യം പാകത്തിന് വെളളം അല്‍പ്പം ഉപ്പ് ചേര്‍ത്ത് ചൂടാക്കുക. അതിലേക്ക് സോയ ചങ്ക്സ് ഇടുക. പിന്നീട് സ്റ്റൗ ഒാഫ് ചെയ്ത് 15 - 20 മിനിറ്റിന് ശേഷം വെള്ളം കളഞ്ഞു സോയ ചങ്ക് നന്നായി പിഴിഞ്ഞെടുക്കുക. തുടർന്ന് പേസ്റ്റ് രൂപത്തിൽ അരച്ച് എടുക്കുക.

പാൻ ചൂടാക്കി അതിൽ എണ്ണ ഒഴിച്ച്, ചെറുതായി അരിഞ്ഞ് സവാള ചേർത്ത് വഴറ്റിയെടുക്കുക. ഇഞ്ചി വെളുത്തുള്ളി പേസ്റ്റ്, പച്ചമുളക് എന്നിവ ചേർത്ത് നന്നായി വഴറ്റുക. ശേഷം അരച്ച് വെച്ചിരിക്കുന്ന സോയ ചങ്ക്സ് ചേർത്ത് മേൽപറഞ്ഞ പൊടികൾ ചേർത്ത് ആവശ്യത്തിന് ഉപ്പും ചേർത്ത് നന്നായി ഇളക്കുക.

ഇതിലേക്ക് പൊടിച്ച ഉരുളക്കിഴങ്ങ്, മല്ലിയില എന്നിവ ചേർത്ത് നന്നായി ഇളക്കി യോജിപ്പിക്കുക. ബ്രഡ് പൊടിച്ചത് ചേർത്ത് സ്റ്റൗ ഓഫ് ചെയ്തു മിശ്രിതം തണുക്കാൻ വയ്ക്കുക. തണുത്ത ശേഷം കട്‌ലറ്റിനു ആവശ്യമായ തോതിൽ ഉരുള ഉരുട്ടി മുട്ടയുടെ വെള്ളയിൽ മുക്കിയ ശേഷം ബ്രഡ് പൊടി തൂവി ആവശ്യമായ അളവിൽ പരത്തി എണ്ണയിൽ വറുത്തു കോരുക. തക്കാളി സോസ് ഉപയോഗിച്ച് കട്‌ലറ്റ് കഴിക്കാം.