അവിയലുണ്ടായ കഥയും സൊയമ്പൻ അവിയലും

സദ്യയിലെ കേമനാണ് അവിയൽ. അവിയൽ പ്രിയരാണ് ഭൂരിഭാഗം മലയാളികളും. പലതരം പച്ചക്കറികളുടെ മിശ്രിതമായ അവിയൽ ഒന്നാന്തരമൊരു സമീകൃതാഹാരമാണ്. അവിയൽ എന്ന സ്വാദിഷ്ഠമായ വിഭവം കണ്ടുപിടിച്ചത് സ്വാതി തിരുനാളിന്റെ കൊട്ടാരത്തിലെ കവിയായ ഇരയിമ്മൻ തമ്പിയാണെന്നു പറയപ്പെടുന്നു ഒരിക്കൽ കൊട്ടാരത്തിൽ ഒരു ഊട്ടു നടന്നപ്പോൾ കറി തികയാതെ വരികയുണ്ടായി.

ബുദ്ധിമാനായ ഇരയിമ്മൻ തമ്പി പാചകശാലയിൽ പോയി നോക്കിയപ്പോൾ കണ്ടത് കറിക്ക് അരിഞ്ഞു കൂട്ടിയ പച്ചക്കറികളിൽ കുറെ ഭാഗങ്ങൾ വെറുതെ കളഞ്ഞിരിക്കുന്നതാണ് . പച്ചക്കറിയുടെ അവശിഷ്ടങ്ങളെല്ലാം പെറുക്കിയെടുത്ത് അതിൽ നിന്നും ഭക്ഷ്യയോഗ്യമായ ഭാഗങ്ങൾ വേർതിരിച്ചെടുത്തു ഒരു പാത്രത്തിലിട്ട് വേവിച്ച് ചോറിനു വിളമ്പി. അതിന്റെ അസാധ്യരുചിയും മണവും കണ്ടു ആൾക്കാർ തമ്മിൽ പിടിവലിയായത്രേ. തമ്പുരാനും കുറെയധികം ഭക്ഷിച്ചു.

പിന്നീട് ഈ സാധനംതന്നെ ഇരയിമ്മൻ തമ്പി അവിയൽ എന്ന് പേരിടുകയും അതിനെ നേരത്തെ ഉണ്ടാക്കിയ രീതിയിൽ ഒന്നുകൂടെ ഉണ്ടാക്കുകയും ചെയ്തു . അപ്പോൾ അത് മുമ്പത്തേതിനേക്കാൾ കൂടുതൽ രുചികരമായിത്തീർന്നു. അത്തരത്തിൽ അവിയലിന്റെ ജനനമുണ്ടായി . കേരളത്തിൽ പലയിടത്തും പല രീതിയിലാണ് അവിയലുണ്ടാക്കുക.

അവിയലിൽ ആദ്യം അരപ്പിടുന്ന പരിപാടി തിരുവനന്തപുരത്തുണ്ട്. എറണാകുളത്താണെങ്കിൽ അരപ്പ് അവസാനം. എന്നിട്ട് വെളിച്ചെണ്ണയൊഴിച്ച് അടച്ച് വയ്ക്കും.

Onam dishes: Avial Recipe and history

Aviyal (avial) is a delicious preparation made with mixed vegetables, curd, coconut and seasoned with coconut oil and curry leaves