എളുപ്പത്തില്‍ തയ്യാറാക്കാം ഉണക്കലരി പാല്‍പ്പായസം

വിശേഷാവസരങ്ങളിലും അല്ലാതെയും കേരളീയര്‍ ഉണ്ടാക്കുന്ന വിശിഷ്ടമായ പായസങ്ങളില്‍ ഒന്നാണ് ഉണക്കലരി പാല്‍പ്പായസം . ഉണ്ടാക്കുന്ന വിധം .

ചേരുവകൾ

ഉണക്കലരി കഴുകി ഉണക്കിവച്ചത് – ഒരു കപ്പ്
പാൽ – 12 ഗ്ലാസ്
പഞ്ചസാര – മൂന്നു കപ്പ്
ഏലയ്ക്കാപ്പൊടി – ഒരു ടീസ്പൂൺ
ബട്ടർ – 50 ഗ്രാം
ബദാം ചെറുതായരിഞ്ഞത് – ഒന്നര ടേബിൾ സ്പൂൺ

ഉണ്ടാക്കേണ്ട വിധം

ആദ്യം ഉണക്കിവെച്ച അരി കുക്കറിലിട്ടു പാലും പഞ്ചസാരയും ചേർത്ത് തീ ഏറ്റവും കുറച്ചു 40 മിനിറ്റ് നേരം വേവിക്കണം. സ്റ്റൗ ഓഫാക്കി ആവി മുഴുവനും പോയതിനു ശേഷം കുക്കർ തുറന്നാൽ പായസം പാകമായിട്ടുണ്ടാകും.

പിന്നീട് ഏലയ്ക്കാപ്പൊടി, ബദാം അരിഞ്ഞത്, ബട്ടർ എന്നിവ ചേർത്തിളക്കി പായസം ആവശ്യാനുസരണം വിളമ്പി ഉപയോഗിക്കാവുന്നതാണ്. മറ്റൊന്നും ചേര്‍ത്തില്ലെങ്കിലും പായസം രുചികരമായിരിക്കും.