വെജിറ്റബിൾ സൂപ്പ് തയ്യാറാക്കാം ഞൊടിയിടയിൽ

ഒരു നേരത്തെ ഭക്ഷണത്തിനു തുല്യമാണ് ഒരു നല്ല വെജിറ്റബിൾ സൂപ്പ്. എളുപ്പത്തിൽ വീട്ടിൽ തന്നെ വെജിറ്റബിൾ സൂപ്പ് എങ്ങനെയുണ്ടാക്കാമെന്ന് നോക്കാം.

ആവശ്യമായ ചേരുവകൾ

ഒരു ചെറിയ കോളിഫ്ളവർ

ഗ്രീൻ പീസ് - അര കിലോ

ക്യാരറ്റ് - 1

സവാള - 4

തക്കാളി - 3

പട്ട - 4 കഷണം

മുഴുവൻ കുരുമുളക് - 4

മക്രോണി ആവശ്യത്തിന്

എണ്ണ - 1 ടേബിൾ സ്‌പൂൺ

പാകം ചെയ്യുന്ന രീതി

ഒരു പാനിൽ എണ്ണയൊഴിച്ച് പട്ടയും കുരുമുളകും മൂപ്പിക്കുക. അതിലേക്ക് സവാള ചേർത്ത് വഴറ്റുക. തക്കാളി ചേർത്ത് വഴറ്റുക. വെജിറ്റബിള്‍ ടേസ്റ്റ് മേക്കര്‍ ചേര്‍ക്കുക. ടേസ്റ്റ് മേക്കര്‍ നന്നായി അലിഞ്ഞ ശേഷം രണ്ടു കപ്പ് വെള്ളം ചേർത്ത് ഇളക്കുക. പച്ചക്കറികളും മക്രോണിയും ചേർത്ത് നന്നായി തിളപ്പിക്കുക. ചൂടോടെ വിളമ്പുക.ബ്രെഡിനൊപ്പമോ മൊരിച്ച പാവിനൊപ്പമോ കഴിക്കാം.

How to make vegetable soup in malayalam